العلوم الاجتماعيه او الآداب او التربيه جامعه الكويت؟؟؟

[حليوه]

عفي ساعدوني

شنو الفرق بين كليات جامعه الكويت
العلوم الاجتماعيه والتربيه والآداب


خاطري اكون مدرسه علم نفس او مدرسه اجتماعيات لمرحله الابتدائي


هل بينهم فرق ؟؟؟ ياريت اللي تعرف تفيدني الله يجزاها الجنه

 

[~ الزيـــن ~*]

اذا تبين مدرسه دخلي التربيه

 

[دانه الكويت 88]

اول شي مبروك التخرج

ثاني شي العلوم اجتماعيه ما تقدرين تصيرين مدرسة تصيرين اخصائية نفسيه
اما التربية تصيرين مدرسه دايركت
والاداب اذا دشيتي تخصص تاريخ او جغرافيا تقدرين تصيرين مدرسة اجتماعيات

وعسى ربي يوفقج حبوبه

 

[فـــخـــر]

هالتخصصين بالتربية تصيرين مدرسة غيره صعبة شوي

 

[أم_فلان_الفلاني]

مثل ما قالوا البنات اذا تبين مدرسه اضمنلج تدخلين تربيه
والعلوم الاجتماعيه فيها علم نفس تقدرين تدخلينها
والاداب اتوقع بس تطلعين مدرسه ثانويه اذا قدمتي على التدريس
اما التربيه في اجتماعيات للابتدائي وعلم نفس بعد

 

[lovkom]

انا بالإجتماعيه ,

حاليا الاجتماعيه مسكرين حق اذا بتصيرين مدرسه قبل كان يصير

اذا تبين مدرسه علم نفس خلاص دخلي التربيه وايد اضمنلج والله يوفقج

 

[Esraa.a]

كلية التربيه بلا ادنى شك


مستقبل أفضل .. وظيفة أسرع .. و راتب أقوى .. إجازات اكثر

 

[شوق الوليف]

مثل ماقالو البنات كليه التربيه اللي بجامعه الكويت افضل لج لان فيها تخصصج اللي انتي تبيه اجتماعيات ابتدائي وعلم نفس
الاداب مافيها علم نفس فيها فلسفه وتاريخ وجغرافيا وانجليزي وعربي واذا تبين تدرسين فيها تتخصصين جغرافيا او تاريخ بس دراسة هالتخصص احلى بالتربيه لان الاداب يتعمقون شوي اما التربيه اخف واحلى واضمن

 

[ZaiN Kw]

شحلات العلوم الاجتماعيه بس هم التربيه اضمنلج