العوار يذبح،،، بنات ردو علي لا تخلوني

[سكرتيرةالمستقبل]

قوه بنات
اشلونكم واشلون الثقل يالحوامل
والحمدلله عالسلامه يالوالدات





بنات عندي مشكله مضايقتني وايد و متعبتني ومتاذيه منها وماني عارفه شالحل؟؟؟
انا توني صارلي اسبوع انفاس وارضع المشكله انه وحده من حلمات صدري متجرحه وماني قادره ارضع البيبي وبنفس الوقت صدري في حليب متاذيه منه والي صايرلي عوارين عوار الحليب المطفح وعوار لما البيبي يرضع
بنات شسوي فيدوني حليييل متاذيه

 

[Om Ali 86]

حبيبتي اشتري كريم من الصيدلية حق الصدر
عشان لا يتجرح اكثر

انا صار معاي جذي لأني كنت ارضع من صدر أكثر من الثاني

او تبين شي سريع حطي فازلين انا اذكر اني جربته و نفع لأنه يرطب بسرعه و ما يخلي الصدر يتجرح و ينشف

 

[سكرتيرةالمستقبل]

احط فازلين؟؟
انزين واشلون اذا ييت ارضعه مره ثانيه مايتاذا من الطعم؟؟

 

[احب المنتدى]

رد : العوار يذبح،،، بنات ردو علي لا تخلوني

انا رايي من رايي ام علي
بس لمن تحطين كريم نطري يوم او يومين بعدين رضعي
على ما يلتام الجرح

 

[أم علاوووي 70]

بعد عمري و الله أنا بكل ولاداتي يصير فيني جذي و أتأذى لكن في ولادتي الأخيره صج ارتحت - و صفتلي الدكتوره كريم احطه على الحلمة و عادي يمص منه البيبي لانه كله مواد طبيعيه زيت زيتون و جذي سألي عنه بالصيدليه - و حطيه بس ترى المسأله يبيلها صبر تحملي شوي ترى الرضاعه الطبيعيه وايد مفيده

 

[الأميرة جوري]

انا نفسج .......ومتاذيه واعطيه من صدر واحد ومرات من اللي يعورنى لانه يتحجر من الحليب واتعب بس اتحمل ومرات اصارخ من الالم ,,,,,,,,ونبي حل؟؟؟؟؟؟؟؟

 

[سكرتيرةالمستقبل]

اليوم شريت كريم من الصيدليه وجربته بس ما احس انه فاد معاي
المساله يبيلها صبر وانا تعبت والبيبي رافض الحليب العادي موراضي يشربه

 

[_Pure_]

روحي الدكتوره ولا الصيديله يعطونج كريم مضاد حيوي حق جروح الحلمات انا صار فيني و راح بسرعه بعد الكريم الحمدلله وحدة بوحدة
و بعدها قمت احط كريم حمايه اسمه (لانسينوه) مشهور لونه بنفسجي

 

[لـولـيـتـا]

اب

اب

اب

 

[^مرايم^]

حبوبة اول شي لا ترضعين ولدج من الصدر المتقرح .. ترى بيزيد والله تتأذين .. الحل انج تاخذين كريم من الصيدلية اسمه avalon لونه ابيض و كتابته ورديه و على طول ترطبين المكان و راح يلتئم ان شا الله .. و تشفطين الحليب بس تترسين صدرج كريم علشان ما يعورج وايد وقت الشفط .. هذا الكريم لو حطيتيه لازم تغسلينه قبل لا ترضعين ..

عندج نوع ثاني اللي هو medela هذا عادي تحطينه و يرضع البيبي بدون لا تغسلينه راح تلقينه بسنتر بوينت و تلقين بالصيدليات بس عيبه يوصخ الهدوم لونه غامج و ما يروح مع الغسيل فلازم تحطين القطع اللي تنحط داخل الستيان للي يرضعون .. هم حلو و يعالج .. كنت اعاني مثلج والله علشان جذي الحامل لازم ترطب صدرها قبل لا تولد بـ 3 اشهر عالاقل علشان يكون فيه مرونه للرضاعه ..

بس لا ترضعينه من المتقرح و لما تشفطين منه لا تعطينه اذا حاطه كريم غير الانواع اللي تصلح للبيبي ..

و نصيحه نصيحه .. علمي ولدج على الممية ترى والله يخليج تصلعين ما يرضى يرضع منها بعدين .. حتى لو تشفطين و تحطينه بالممية منها ترتاحين شوي و منها يتعلم ..

 

[Sweat Dreams]

رد : العوار يذبح،،، بنات ردو علي لا تخلوني

أمهاتنا قبل ما عندهم كريمات ولا شي كانوا ياخذون من حليب الأم ويحطونه على الحلمه المنجرحه لما يلتئم إنتي جربي الكريم والحليب وشفطي الحليب وحطيه بمميه ورضعي ولدج

 

[روعة خيال]

اي انا ذبحححححني العوااار و لا سويت شي نطرت لين التئم من كيفه

 

[om jsoomi]

رد : العوار يذبح،،، بنات ردو علي لا تخلوني

في كريم بالصيدلية اسمه نيبلز كريم مال الحلمة
وتقدرين ترضعين حتى لمن تحطين منه لان مكتوب عليه امن للمرضعات وسعره 5 دنانير

 

[سكرتيرةالمستقبل]

يعطيكم العافيه بنات وانا الحين جربت كريم بس لازم اغسل قبل لا ارضعه
جنه بلش يخف والحمدلله

 

[خليفة العظماء]

ربي يهون عليج يارب

 

[احبس دموعي]

الله يهون عليج يارب لا رضعتيه وخلصتي لازم تدهنينه لاتخلينه جاف ابد

 

[سُوالفي حلوة]

وحده من صديقاتي الدكتور قال لها تدهن الحلمه بعسل طبيعي ولما اترضع طبعا اتغسله
انا من رائي المرة الثانيه لازم قبل الولاده بثلاث اشهور اترطبوون الحلمه اخ اتعلموني بالعوار جربته يذبح الله يهون عليج

 

[DALAL25]

شوفي حبيبنتي البنات ما قصروا صج اخذي كريم ونطري على الصدر شوي واذا تجمع الحليب وقام اعورج شفطي واذا عورتج الشفاطة اخذي فوطة فيها ماي دافي الى حار وحطيها على الصدر مثل الكمادات راح تشوفين الحليب ينزل بروحه لين ترتاحين وبعدين عاد غسلي بس اهم شي لاتتركين الرضاعة وتحملي لان هذا كله بس اول شي بس بعدين عادي والرضاعة الطبيعية اسهل وافيد حقج وحق البيبي لا حليب صناعي ولا خرابيط
عشان تضعفين بسرعة وعشان مناعة البيبي وذكائه

 

[Tulips]

احسن كريم بيبانثين بلس واخذي المرهم امن للرضاعة

 

[..ليالي..]

ما قصروا البنات


وانا والله ما جربت الرضاعه الطبيعيه بعيالي الثلاثه

للاسف ماعندي صبر