الغبار و الوصخ يتراكم شنو الحل؟؟

[autointoxication]

السلام عليكم

بنات عندي سؤال

شنو الطريقة التي تمنع تراكم الغبار و الأشياء اللي شكلها غريب مثل خيوط القطن

و الله مت و انا انظف و ماكو فايدة

حاشني احباط

ذاك اليوم كل شي مسحناه بديتول و صابون الأرض ، الطوف، البيبان ، السقف كل شي نظفناه من السبع الصبح لما 8 بالليل

تخيلو من باجر الصبح رد البيت مغبر و لا كأنه منظفين و طالعه روحنا بالتنظيف

شنو الحل؟؟
و على فكرة مو بس انا جذي اكتشفت انه وايد غيري لأني كل ما اسأل وحده تقولي انها تعاني من نفس الموضوع

انزين شنسوي اذا ماعندنا خدم ؟؟
طاح حيلنا من التنظيف

 

[autointoxication]

عليمية بالغسيل ساعدوني

السلام عليكم

بنات بصراحة انا نتوهقة و منحرجة

غسالتي فل اوتوماتيك

بس مادري ليش الهدوم تكش!!

لدرجة اني قمت اشتري هدوم اكبر من مقاسي لأني ادري انها راح تصغر

ابتلشت

ناديت الشركة قالوا لازم الحرارة تكون قليلة يعني الغسيل عالبارد درجة 30

بس ماكو فايدة

ناديتهم مرة ثانية قالو من النشافة لا تنشفين 100% ما قمت انشف 100% قمت انشف 80 او 60% هم ماكو فايدة

شالسالفة؟؟

 

[بتبوتااا]

انشالله البنات يفيدونج حبيبتي

 

[sara3]

بتبوتااا
ما ابى احبطك بس كلنا انعانى من هذى المشكلة ونبى لها حل كل فلوسنا رايحة على مواد التنظيف والبرومز المساحات ام خيوط ام ما درى شنو كل ما طلعوا شى جديد شرينا اضم صوتى لك نبى حل

 

[sara3]

autointoxication

اختى حطى موضوعك فى مكانة الصحيح جذى محد راح يشوفة فتحى موضوع جديد وحطية علشان البنات يعطونك حلول لا هنتى

 

[زهرة اللوتس]

حتى انا بعد ابي حل

 

[autointoxication]

ابيه شلون صار الموضوع بهالطريقة ؟؟!!

انا حاطة موضوعين منفصلين شنو اللي يابهم مع بعض؟

 

[مشتاقة لأمي]

مرحبا

راح ارد على الموضوعين من خبرتي

اول شي الغبار لو تمررين يدك تحت الدرايش راح تحسين بهواء وهذا يعني فيه تسريب للغبار مانحس فيه انا شريت سليكون شفاف يبي له قوة وتحشين المنطقة<<<<<< فهمتي علي شنو اقصد.

ثاني شي الفتحات تحت الباب فيه دعاسات بوبر تمنع الغبار .

إذا قصدش اللي نفس الشعر ومغبر هذا من الملابس او الشراشف القطنية بس انا يكون على الارض وبالزوايا اللي انساها من التنظيف وتتجمع بعد فترة مو يومي.

اما الغسالة : شوفي التعليمات على الملابس إذا فيها حرف p وعليه خط معناته لاينشف بس غسيل ، وفيه رقم يدل على درجة حرارة الماء وعلى اساسه تختارين الدرجة غذا 30 او 40 .
الملابس الي فيها نسبة الصوف لاتجفف بالفل اتوماتيك تمط من صوب وتقصر من صوب.

اسفه على الإطالة واتمنى ان هذا اللي تبينه.