الغربه

[اكابر]

الــغــربــه هالكلمه حدها سهله بالكتابه وبالقول بس ياترى سهل تطبيقها ؟؟ واللي يقولون تعودنا عالغربه ياترى صج ولا بس يقصون على نفسهم ويهمون نفسهم عشان يخففون معاناتهم بالغربه !!!

الغربه ااااااااااااه يالغربه هالكلمه تذبح تجرح تكسر كل لحظه حلوه وتمحيها ..

الواحد بين اهله مايحس بقيمتهم بس لا فارقم يتمنى يشوفهم ويقعد معاهم لو ثواني ..

انا بالنسبه لي الغربه يعني كسره ظهر مع اني دايما اقول انا مثل النخل قاسي يمكن اميل بس ما انكسر ..

وماكنت اتوقع اني بنكسر واضعف بالغربه ..

ياجماعه تكفون الله لا يحطكم بنفس الموقف اللي انا فيه ولا يبعدكم عن اهلكم ..

كل واحد الحين بين اهله يحمد ربه ويشكره على هالنعمه ..

وخصوصا انه تحت ظل امه وابوه ترى والله لاراحوا كنوز الدنيا ماتعوضهم ..

انا عن نفسي بس ارجع راح اروح الم امي وابوي وابوس ايدهم وريولهم واشكر ربي انهم للحين عايشين وعندي

والحمدالله انه هذا اختبار عشان ابر والديني اخاف يروجعون للي خلقهم واهما مو راضين علي ..

حسبي الله عليج يالغربه حديتيني على الشكوى والشكوى لغير الله مذله ..

طولت عليكم السموحه بس تكفووون لا ترفسون النعمه اللي عايشين فيها .. ترى بتذوقون المر دون اهلكم ..

وياليت كل من جرب طعم الغربه يعطر صفحتي بمروره وبذكر تجربته ..

اختكم

 

[UK_Girl]

مرحبا اكابر ..فعلا اول الايام صعبه ..تالي كل شي يصير عادي
والحين وسائل الاتصال خففت شدة الاحساس بالشوق لانها تخليج ع ارتباط مع الاهل على مدى الساعه ..مو نفس اول رسايل وبوست كارد وتاخذ ايام على ما توصل ..ما انكر ساعات كان ودي انقز بحضن امي واطلع لها من سماعة التلفون او اطلع لها من شاشة الكمبيوتر وابوسها ..بس هم احسن من ولاشيء....

بس طبعا التبوس واللم على الهوا مباشرة غير .....عاد تعوضينها وانتي راجعه لهم وبالتوفيج

 

[اكابر]

اي والله صاجه لايف غييييييييييييير يسلمو عالمرور..

 

[Om_il3ubed]

بعد عمري عارفه احساسج ...

غربتي طالت 4 سنوات .. كل ما ارجع الديره الم امي وابوي وابجي اقولهم بس تعببببببببببت ... بس يرد ابوي يقويني ويساعدني...
اول سنه لي باستراليا كنت ابجي مابي ارجع الكويت كنت وايد حابتها .. وبس الوحده بعد فتره تمل وشوي شوي بدى القلب يحن

والحين تزوجت وريلي يه معاي والحين بدل ما ابجي على فراق امي وابوي صار وايدين الي ابجي على فراقهم ... ابوي امي حمواتي خالتي عمي وااايديين ... وجريب بعد ريلي بيروح

بس الحمدلله الحمدلله الحمدلله.. والدتي بتيني قريييب .. ومثل ما يابتني اول سنه .. بتي تخرجني وتردني الكويت

الله يعينج ويصبرج

 

[اكابر]

الله يوفقج يالغاليه ويردج ديرتج سالمه انشاله وردني انا بعد لاني خلااااااااااص تعبت حيييييييل ومافيني اصبر اكثر والمشكله محد معاي ريلي قعد شوي ورد الديره امووووووت واشوف بنتي والله تسولفلي امي عنها يزوغ قلبي عليها بس شنسوي الله كريم

 

[إنسانه وأكثر]

ماكو شي اقوله الا اني امد بوزي مع اني توني ماصارلي شهرين وياااااااااانه ابي ارد حق امي واهلي ووليدي

يااااااااااااارب هون علي غربتي وردني لديرتي بأسرع وقت وكل عبد مسلم متغرب يارب

مشكوره حبوبه

تحياتي

 

[اكابر]

اللهم اميييييييييييييييييييييييييييييييييييييييييييين

 

[al-musk]

الدنيا ماتجي بالساهل لازم نروح معاها يمين ولا يسار..وهي فترة بتعدي وبعدها راح تعتبرينها من الماضي ويمكن بعد ماتكرهينها ترجعين تحبينها..الأهم إن الواحد يتأقلم ويتعرف على المجتمع الي حوله ويحاول يعوض البعد عن أهله بتعلم ثقافات وتجارب مختلفه..والناس خير وبركة الا ماتلاقين الي يخفف عليج..

بالتوفيق

 

[اكابر]

تسلمين حبيبتي على المرور

 

[fatma90]

صح كلامج فعلا

 

[اكابر]

خليها على الله والله كريم