الغسالة الأوتوماتك

[قمر ضاوي33]

بنات ابي اشتري غسالة فول اوتوماتك الي تغسل وتشطف وتنشف ...


بس خالتي ام زوجي ما تمدحها تقول انها ما تنظف البقع مثل الغسالة العادية والنشافة 100% تقطع الهدوم ...


ابي رايكم للي عندها الغسالة صج ما توخر البقع ولا تغسل زين ... وصج النشافة تقطع الهدوم ...


ولا اشتري غسالة بروح ونشافة بروح وانا اشطف واحط كومفرت ...


ساعدوني الله يعافيكم ما صدقت ان ابو الشباب وافق ان اشتري غسالة يديدة ما ابيها تطيح بجبدي ...

 

[Harmony]

شوفى يا عمرى
هى تنظف عدل و تشطف عدل و تريح و ما تعمور الراس ولكن النشافه مالتها ما تنشف 100% يعنى 95% يبيلهم شره بسيطه حتى لو داخل البيت ساعه و ناشفين ما انصحج تشرينهم برى البيت لأن ريحتهم بتصير مو حلوه من الجو مع انهم ينشفون ب 10 دقايق عقبها لكن اذا غساله فل اتوماتك و نشافه برحها ترتاحين وحده تغسل و تشطف و تعصر و الثانية تنشفهم نهائيا او انج تسوين مثلى اشغل النشافه مالتها مره ثانية لنص المده بهالطريق ينشفون نهائيا

بكل الاحوال انصحج فيها مريحه و زينه و ما تاخذ حيز مثل الغساله بروح و النشافه بروح و ما عليج من خالتج جنها امى تكره غسالتى تقول عباله و ماي وايد و مادرى شنو مع ان استهلاكها وااااايد اقل من الغساله العادية لووووول

 

[الغاليه نونو]

بالعكس اشزينها انا شريت لي وحق جنتي وشحلاتهم بالغسيل فيها درجات علي حسب نوعيه الهدوم الحراير وقمصان النوم والملافع لهم درجة معينه والقطنيات والاصواف كل نوع من الخام لهم درجة تظبيط معينه وتنشف 90 بالميه شريهم داخل موبره وتالي حطي الكومفورت في بطل البخاخ وزيديه ماي ورشيهم خليهم شويه وتالي اكويهم تطلع ريحتهم تهبل
خالتج الظاهر تبي لج الاذيه تقول لاتشترين ماعليج منها اذا استعملتيها عدل بيطلع غسيلج عدل ياقلبي

 

[قمر ضاوي33]

Harmony ..... مشكورة يا قلبي ما قصرتي وصاجة الهدوم برة لمن تشرينهم ريحتهم تصير زفرة

الغالية نونو .... الله يعافيك ريحتيني وخالتي الله يسلمك نشافتها اختربت وما تبيني اشتري غسالة مع نشافتها علشان تبي تستفيد من النشافة ... تبيني احطها فوق بغرفة الغسيل مو بشقتي علشان تنشف هدوم البيت كلهم ...


انا عارفة الغمندة بس شسوي خرعتني واحلفت بأغلض الأيمان ان الي شروا هالغسالة متأذيين من استهلاك الماي ومن وصخ الهدوم ...


وقالت لي اياها اشكره حطي النشافة فوق لا تضايجك بالحمام ... وخدامتها ما شاء الله عليها كل جهاز تستعمله تخربه

 

[supermarket]

اهي فعلا تصب ماي وااااااااايد

بس كل يوم بتغسلين فيها بتتحسفين على كل يوم ماغسلتي فيها

 

[Harmony]

ممممم سوبرماركت لا و الله ترى ما تحسين بالماي اللى بالغسالات الثانية هناك صج استهلاك احنا من شريناها و لا بعد احنا اكبر وحده استهلاك الماي و الصابون و الكومفورت كله صار النص عن الغساله العادية بس انا امى تشوف ماي وايد بس ما تدرى ان الهدوم اللى فيها عن غسلتيين و نص عن الغساله القديمة علشان جذى اقولها المقارنه غير سليمه لوووول و هى تنقهر ليش انا اللى اغسل مو الخدم تقولى 4 بالبيت ليش انتى تغسلين بس الصراحه ما احب غسيلهم قطع و سبحان الله اسبوع و خلصين لج اكبر قوطى صابون و كومفورت و الغسيل مثل ويهم و خشن و على ايدج غسيل روعه و مو مثل استهلاكهم و قطع ايدهم شينه على الشيء اللى يكون اوتوماتيك سيده يطق و يخترب

 

[ضحكة الدنيا]

بالعكس حبوبه انا انصحج فيها احسن بوااايد من الغسالات العاديه تعبى الماى وتغسل وتنشف ماعليج الا انج تحطين الصابون والكومفرت
وانا مارتحت الا لما شريتها

 

[رفرف]

بالعكس نظيفة وتهبل بس ما تنشف 100% انا عندي صارلها 5 سنين اتهبل وفكه قطي الهدوم وانسيهم تالي شريهم ...

 

[supermarket]

ياريت اهي بعد تشر وتفكنا

 

[هجاين]

انا لي عشرين سنه استخدم غسالات اتوماتيكيه وانا اشغلها بنفسي بصراحه غسالات مريحه ونظيفه0

 

[قمر ضاوي33]

supermarket....
ضحكة الدنيا ....
رفرف ...
الغيداء



مشكورين يا قلبي ما قصرتوا ريحتوني بردودكم جزاكم الله خير ... بتوكل على الله وبشريها ان شاء الله ..