الغشمره الزااااايده عن حدها عند زرجي

[Tofaha_12345]

السلام عليكم اشلونكم بنات
انا ريلي من النوع يحب يسولف ويتغشمر بس مرات الغشمره الزايده عن حدها تصير مو حلوه
يعني هو يتغشمر ويضحك مع الكل مع موظفات الدوام معاه (يبط الجبد) ومع اهلي بنات خلاتي وعماتي ومرت حماي بس تقول شي على طول طول يروح يسويها غشمره معاها ويضحك يعني مع الكل
انا ادري ان هذا طبعه لان هو جذي مع شباب والبنات بس انا مو قادره اتحمل غشمرته مع البنات صرت وايد اغار ماحب هذا الطبع ،،،، اشلون تنصحوني اقدر اغيره
(اسفه طولت عليكم)

 

[Tofaha_12345]

بنااااااات بليييييييز ليش محد يرد

 

[قطوووة]

فهميه بالكلام انج تحبينه وتغارين

 

[رفاعيه]

قوليله انت يمكن نيتك صافيه بس شرعا مايجوز تاخذ وتعطي مع غير محارمك

 

[Tofaha_12345]

حاولت اكلمه افهمه يقولي هذه شخصيتي طبع فيني ماافدر اغيره

 

[كربون امها]

خلاص بعد داما قال طبع فيني شتقيرين

 

[simply unique]

عندي وحدة من خواتي نفس المشكلة بالضبط ..
واحنا كلنا عارفين ان ريلها هذا طبع فيه صعب تغيرينه بين يوم وليلة ..

بس حاولي انتي تخففين غيرة ..
وبينيله دايماً بس بأسلوب عادي يعني مب باسلوب يخليه يحس انج غيرانة ..

 

[فديت سالم]

مثل مشكلتي بس شسوي ماالي الا اني اصد لاني واااثقه من نيته صاافيه

 

[حرم_الغلا]

اااب

اااب

 

[ام كوثر2007]

دام نيته صافيه حبيبتي ليش متضايقه ما اشوف فيها شي صراحه ..

 

[مريومه النزغه]

الله يعينج لو انا مااتحمل اني غيوره بزود

 

[❀ريميه❀]

طيب كلميه قولي له بس لاتسوين نفسك أنك زعلانه علشان مايزودها عليج ويجس نبضك
والله حلوه الغشمره وخفة الدم احسن من ثقاله الدم الزائده ااه يازوجي ودي يكون مرح فرفوش ان شاء الله يضحك مع بنت الجيران

 

[العز انا]

دام نيته زينه خليه هذا طبع والطبع صعب يتغير

 

[لمى الهاجري]

لا تبنين له انج غيرانه خو هاي شخصيته يا حظج عندج رجال غشمرجي انتي بعد تغشمري مع اهله

 

[جوانا2010]

فهميه ان هالشي حراااااااااااام ​

 

[قــل مـا تـشـاء]

قولي له ( من كثر مزاحه قلت هيبته )
وهذا طبعه صحيح بس بإمكانج تغيرينه وثانيا يمكن أهلج والا مرت حماج والا اي بنت تتضايق من الطبع اللي فيه
فهميه هالشي .,

 

[Tofaha_12345]

مشكورين حبايبي ماقصرتو راح احاول معاه مره ثانيه

 

[ترجمة احساس]

اب اب

 

[الدنيا لحظه**]

ميخالف شوي شوي يتغير

 

[دلوعة صلوح]

دام جذى طبعة صعب انج اتغيرينة بين يوم وليلة.