الغلاية شلون أنظفها ؟؟

[بشه المنفشه]

السلام عليكم ورحمة الله وبركاته







عندنا غلاية الماي الكهربائية وايد متيمع فيها كلس ( القطع البيضا ) وطبعاً مستحيل أحط فيها خل عشان الطعم
فبعرف شنو ممكن أسوي ؟؟ فكرت أحط صابون جف مادري يفيد ولا لأ ؟

 

[opera]

عادي انا احط خل وماي واخليه يغلي بعدين اغسلها وارد احط ماي واخليه يغلي

ويروح طعم الخل

 

[بشه المنفشه]

أوبرا أخاف الريحة تظل .. ما تسوى علي برستيجي يروح على غلاية

مافي شي بدون طعم ؟؟

 

[Bnt.Azmer]

انا عن نفسي اقص ليمونه نصين واحط نص كوب ملح وماي وافتحها اخليها تغلي ومشالله تصير نظيفة ومعقمة

 

[نداااوي]

أنا عندي الحل

حطي فيها معلقة آريال ونقطتين كلوركس

وخليها تغلى شوي بس انتبهي لإنه الكلوركس والآريال سوى بيغلو بسرعة خليكي واقفة بجنب الغلاية

ولما تصير بتلمع وكإنها جديدة خبريني

 

[أوشال]

لا تحطين اي مواد كيمايئية كلللش ولا خل

ملح الليمون ولا ليمونه قطعيها شرائح مع ماي وشغلي الغلاية مرتين وراء بعض
وخليها تبرد بعدين نظفيها كل التكلسات بترووح وبتبرررق برررق

وسلامتج

 

[كشمشه]

انا توني منظفه غلايتي أمي قالتلي حطي ماي وصبي فيها شوية خل وخليها تغلي ولي غلت صبي الماي بالحنفيه لأنه الخل إذا ظل يخرب الغلاية وغسليها بماي وصابون شوفيها شلون تلمع وما راح يظل لا طعم ولا ريحة الخل

 

[د-سوسه]

الخل بدوووووووووووون منازع عن تجربه حطيه واغليه غلوتين وراح تشوفينها صارت تلمع وبعدين اغلي غلوتين ماي لا ريحه ولاشي

 

[مرسى الورد]

أفضل شى الليون تعصرينه وتحطين شوية ماى وتغلينه وهذى الطريقه قالها بائع لبناني لزوجى بالغانم وفعلا الطريقه جابت نتيجه حلوه

 

[بشه المنفشه]

مشكورين يا بنااااااات واااااااااااااايد

والله خوش نصايح ربي يوفقكم

الخل خفت منه لأني جربته مرة بأوتي البخار والريحة اصبغت على كبر البيت فما عندي الجرأة أعيد التجربة
لكن جربت الليمون مثل ما قلتوا وحطيت فوقه ملح مثل ما قالت أم خالد وصج ما شاء الله فررررررق قامت تلمع اشحلاتها

تسلمووون ما قصرتوا

 

[فرحه عمر]

اختي لا خل ولا بطييييييييييييييخ ولا ليمون
في محلول خاااااااااااااص للغلايات عند الغانم ب 2,750 تحطين شويه منه مع الماي اذا بدا يغلى وبسسسسسسسسس من تكتين الماي يطلع معاه والباقي تفركينه شوي ويطلع يتقشر ويرد يلق
انا جربته بعد على غوري ماي ونفع

 

[بشه المنفشه]

صج ؟؟ خوش شي

مشكوووورة

 

[78MariMar78]

الخل بدون منازع

 

[الحنان الدافئ]

نفس كلام فرحة العمر ،،، بس أنا شريته من تروفاليو ،، وموجود بمركز سلطان وإيس هاردوير ،،، بس الخل بنات لاحظته يخلي الغوري حلي بعد فترة وهذا عن تجربة ...

 

[بشه المنفشه]

جزاكم الله خير الليمون اشتغل عدل الحمدلله
تقريبا الأزمة انحلت

مشكورين ما قصرتوا

 

[Lonly Girl]

ومنكم نستفيييد

 

[@@روح الورد@@]

السلام عليكم

جيف وبس


تحياتي @@روح الورد@@

 

[معالي الملكة]

يبيييييييله مشكورين ع الافكار



جاري التطبيق