الـتـوبــيـــكاااات

[احـلاهـم]

مرحبا حبيباتي


الموضوع مشابه لموضوع صواريخ الحريم وبعد اذن صاحبته
بس هالمره

بالتوووووبكااااات



وانا اقرا التوبكات اللي عندي باللسته لفت نظري كم
توبك اللي هم:

1- وحده 24ساعه نجره مع زوجها وحاطه توبكها
دلوعته وووو...

2- وحده مهملها زوجها وتوبكها تمدح غلاه لها

3- وحده تقول بلسانها ان زوجها ماعمرها اسمعت من كلمه حلوه
توبكها شكرا عالهديه >>> يعني محتفلين براس السنه

هذا كله عناد لبعض ومداحر حريم
استغفرالله العظيم

وبصراحه في كم وحده تمدح عمرها وبزوجها بس هذول مبين انه صج
يعني شي واضح ونشوف بعيونا




السؤال انتو مامرت عليكم حالات نفس لستتي العزيزه ؟؟؟


نبي مشاركاتكم بالتوبكات اللي من هالنمونه


ملاحظه : الموضوع للفرفشه عن التوبكات فقط
اللي بتهاجم وتشد حيلها لاتعب نفسعا بالرد فقط تطلع بره الموضوع

 

[مارشميلو..]

مااركز كيفهم كلو احد يكتب اللي يبي

 

[كليـ دلعـ]

الامامرت عليج مطوعه متشدده(ع الطل) ومسويه لنفسها هيلمه وتوبيكهاا

كاتبه عيد زواجهاا وتحتفل فيه!؟!

والاوحده عاقه بلهلهاا وتوبيكهاا

يماا يباا اموت عليكم ياليتني اموت وانتو لا!!

هههههههه

واهي ساسهاا قطاعه. الناس تدري!!

ناس مريضه تعوض نقص!*


المشكله عسا ماحطيتي توبيك دشوو ينغزونج يعني انتي تجذبين!!

مرض نادر الله لايبلانا!

 

[حبيبه هيثم]

ياكثر الله يخليى بوفلان واهو مايدري عن هوا دارها والثانيه محتره منها تكتب بفلان نور عينى هههههه

 

[رق رق]

انا ماعندي وتس اب ، بس لما كان عندي عدين ريلي لما يدقرني امدحه لان ادري ان يقراه ، فيطخ ، واذا ابي شي ومايعطيني ياه اكتب مشكور علي الهديه او اي شي يعني اشترلي او طلعني مو قصدي اني احر او اغث وحده ، احس جني ياهل .
وتسلمين علي موضوع

 

[miss_jamsheer]

لووووووول ايييييي هذيل وربي موصج

 

[منال $]

خل كل وحدة تعبر عن الشي الي ناقصها بالتوبيكات

 

[hazel eyes]

انا النمونه اللي عندي غيررر كله كاتبين ان الله يعينهم وحياتهم صعبه واهم ريايلهم يموتون عليهم بس كله عشان تبعد العين عنهااا

 

[سمر شمر]

وع وع

انا عكسكم ليتني لما احط صوورة ولما تووبك يشووفون وينطموون

لا جماعتنا اللي معااي يروحون لخواتي مو لي انا

ويسالوونها سمر كاتبة مبروووك لييش؟؟

طبعاا معاي رفيجااتي زوجي ماجيب طااريه كلللش تحسباا للامر



حتى خوااتي ماينتبهوون كثر انتبهاااههم وييون يسالووني

والله اني قلت بناات بسوي فووورماات وراح تمسحوون سوولي ادد

تخيلوو شسويت


حذفتهم وكتبت تجاااااااااااااااهل

يختي والله لو يشوفون واهما ساكتين جااان اريح ومانتبهت لهم

وليتهم وقفوو اللزقة لززقة دخلووو علي بالواتس واكتبووو ضيفيني ...


وانا مسوية تجاااهل

لا واللي كاتبة استقبلي

امبية مووو صج شسوي بعمري
ضفتهم غصبن عني
عاد اخر شي صرررت ما اصوووور شي احط صووورة بيبي وبس

بس قريب بجذب جذبة ثانية
اتووقع صج بعد عشان ارتااح

ببيع البلاااك وافتك منهم والله

 

[غلاتي غلا]

ههههههه والله موضوعج نكته
انا اذا ضاق خلقي ادش عالتوبيكات اضحك
علي انا ما اشوفها الا اذا بطرش برودكاست
بس بعض الحريم الله يخلف علي عقولهم
يجذبون بشغلااااااات واااااضحه

 

[خوووخه w]

يع واايييييد من هالنووعيه زوجي زوجي وهي وياه مكافخ انا بعيد زواجي ولا احد توبيك ولا حتى بعيد ميلاده مااحط اطرش له مسج ليش هالعباله كلها يعني اوري للناس ولا في بعد بنات عيد ميلاد زوجها او زواجها تكتب شعر ولا كلام وتحط اغنيه وطرش حق اللسته كلها زين احنا شكو بالسالفه انتي وياه بروحكم احنا مالنا شغل وانا بصراحه توبيكاتي كلها عن امي الله يرحمها مااغيرها حتى بعض مرات يطرشون لعبه واذا لعبتها لازم احط توبيك يوم كامل العبها ولا احط سوالف جهال هذي الواحد مايقول غير الف حمد وشكر على العقل

 

[يكفيني حنانك..]

الا والله مرررت علي كثيرررررر

 

[zaina alotibi]

هذي ظاهرة مثيرة للجدل صررراحة واشوفها زايدة هالايام ......

احسهم يعوضون نقص داخلهم ويبون لفت الانتباه لهم


علعموم انتقد من تضع قصة حياتها في توبيكها

 

[بنات حواء2]

اي التوبكات وايد اثبتت امراض نفسيه و ينون بعض الي اعرفهم
اعرف وحده من الغيره مني تموت
تخيلي يوم الي ادش عليهم و يمدحوني بشي ويها ينقلب و تقوم تطلع من اليمعه من كثر غيرتها مني
الحين من احط اي توبك تقلدني تحط نفسه و من غير مستحى تييني تقولي شرايج بتوبكي اليديد انتي مقلدتني اقولها يامحاسن الصدف
و كل مره تقول انتي مقلدتني شكيت بنفسي و الله لا و قامت تخلي ريلها يقلد توبكات ريلي لو ودها تصير انا جان من زمان صارت انا
ههههههههههه
الحمدلله و الشكر هذي وايد اعاني من تفاهتها

 

[سكوون انثى]

هههههههههههههههههههههه

ياربي استغفرالله من هذي اللي تغار الله يعينج عليها صج

 

[ياليتهم يشعرون]

ااااخ طحتي عالجرحعن جد ناس مرضى

 

[عمة الورد]

انا النمونه اللي عندي غيررر كله كاتبين ان الله يعينهم وحياتهم صعبه واهم ريايلهم يموتون عليهم بس كله عشان تبعد العين عنهااا

اي اي اي اي

صح:eh_s(4):

 

[اخت الدكتور]

واللي تمدح ابوها واخوانها كل شوي بعدين تذكر الزوج وتكتب له احضني ولمني وهي يوميا مطيحه في بيت اهلها ماتدري عن هوا داره ههههههههههههههههههههههههههههههههههه والله سخافات

 

[عفت طآريك]

ههههههههههههههههههههه موضوع توووووووحفه وتمر علينا هالاشكال بشكل يومي

 

[حدى عنيده]

انا عندي وحده توبكاتها كلها دينيه واسلاميه وادعيه واهي الحمدالله تحش بالناس وتفرق الاوادم وقاطعه الرحم واحد شنو يقول الحمدالله ع كل حال