الـــرؤى والاحــــــــــــلام المتحـــــــــــقـ/////ــــــــقة بـــعد تفســيرهـــــا

[anno]

حبيبتي مفسرة الاحلام عساك ع القوة دوووم وربي يسسعدك
اية انا فسرت لي مفسرة الاحلام حلم وكان مشرووع خطبة وقد ترفضيه

وسبحان الله بعدها بكم اسبووع انخطبت بس لواحد مو كفو ورفضت
الله يرزقني بالزوج الصالح انا وخواتي المسلمات

 

[بنتي نور عيني]

اولا يعطيكم الف عافيه مفسراتنا وعساكم عالقوه
انا حلمت قبل اني اشتري جنطه ب100 وقلت غاليه مابيها ابي 65 واخذتها وطلعت بوك لمن بطلت الكيس
وفيه كوره .. وفسرته لي وحده اني رديت الجنطه الغاليه لانها عباره عن الاايام انتي تبين تحملين بسرعه فاخذتي الالارخص وراح يكون حملد عقب هالايام وصج بعدها من اخر يوم دوره لاول يوم دوره بعده 65 يوم حللت ولا اطلع حامل وسبحان الله تفسر بس ربي ماتممه لي والله يعوضني يارب
وحلمت قبل فتره وكنت مسافره اني رديت وانا اوزع الهدايا اقول لامي هذي الجنطه لبنت خالتي مع اني ماشريت لها صوغه ولمن قعدت قلت لامي الحلم قالت اي بنت خالتج حامل وفيها بنت سبحان الله
وحلمت حلم تفسيره ان انا واختي راح نكون حوامل مع بعض وصج اختي احملت من ليلتها بس وانا حملت بس اجهضت بعد
وعندي احلام وانطر تفسيرها وان شا الله لي باك اقولكم تفسيرها ياااارب تتحقق

 

[دنيا جديدة]

انا فسرت لي مفسرة الا حلام ع الخاص حلمين
وفعلن مثل ماقالت انخطبت بنت عمي
واختي واجهت مشاكل بزواجها
الله يرضى عليكم

 

[3ROOS AL KOON]

انا تحلمت حلم وفسرته من نفسسسي وتحقق
تحلمت اني حامل وبولد وكنت بالحلم متضايقه اني جبت بنت وكنت ابي ولد وطلع بنت
وامي واختي كانوا يواسوني ويقولون للي عادي احنا بنعلمج وبنفهمج كل شي وكنت راضيه باللي يصير للي
وبعدين كنت افكر انه شلون ماقلت لصديقتي اني كنت حامل وجبت بنت كنت احاتي انها تزعل علي وبعدين انتهى الحلم

واليوم البي ورا تحلمت اني رايحه السوق مع واحد مااعرفه وكان يبي يشتري للي خاتم وكنت مسسستانسسسه ع الولد وع الخاتم
وبس


وسبحان الله فسرتهم من كيفي انا
قلت لنفسسسي يمكن بنخطب
والله والله يا بنات انه بعدها بيوم
انخطبت وملجت ماكان خطيبي عاجبني حييييل. من ناحية الجمال فقط بس راضيه فيه الحمدالله
ونسيت لا اقول لرفيجتي اني انخطبت وملجت واساساً ماكان عندي وقت اقولها وسبحان نفس الحلم صار وكنت متضايقه اني ماعلمتها وبس *

 

[االوفيه]

السلام عليكم ارجو منكم تفسير حلمي ، أنا حلمت بأني شريت أثاث جديد بس الأثاث كان نصه مو كامله الصبغه . وضاق خلقي لأن نص الصبغه مو كامله ...
وجزاكم الله خير ...

 

[منوو..]

اشكركم اخواتي ع مجهودكم

بشهر واحد حلمت حلم وفسرته اختي مفسرة احلام

انه اكشف عند دكتوره عن هرمون الحليب وكشفت وطلع مرتفع وتعالجت والحمدالله

شكرا اختي مفسرة احلام

 

[cute nona]

موضوع روعه واكتر من حلو ووووووووووووووووووووووووالله يسعدك

 

[بتبوتا]

هلا والله انا حلمت حلم ومافسرته
حلمي كان يجيني من اول ماحملت ببنتي
كنت احلم ان يوم اولد بموووت وكل يوم تقريا يجيني الحلم
وتطلقت ثاني يوم من ولادتي
شاء الله وماقدر فعل
الحمد الله على كل حال

 

[حنان الحربيه]

فسرتلي دلع العتبان حلم
وفعلا تقدملي رجل مطلق غني بس سبحان الله ماصار نصيب
ربي يوعضني بالافضل

 

[رومــآ]

المفسرآآت وييييييييييينهم

 

[مريم86]

اااااااااااااااخ اااااااااااااااخ يااقلبي اااااااااااااااااااااااااااااااخ

مااقدر اتكلم ..اخاف انعرف من الرؤى اللي شفتها وتحققت ...يعرفونها العايله ...اااخ ياقلبي لييتني طااوعتهااا

كل مااتذكر امووت بحسسرتي ....ياتلي فتره كنت اقوم الليل اترجى الله يرشدني او يلهمني بشي كنت مقدمه عليه بحياتي

وكنت خايفه منه ...وهالسالفه العام صارت ....واترجاااااااااه واترجى رربي بألم ليما حلمت ثلاث او اربع احلام بعشر اياااام

وماطاوعت هالرؤى .....اخر رؤيه ...وولما فسرتها بيني وبين نفسي..كانت واضحه ان الرساله نهائيه ...يعني خلاص يامريم بعد هالتحذيرات شكلج مارديييتي وماراح تغيرين شي وبيصيير اللي صااار .........اخر جمله انقالت لي بالحلم

(( وحده قالت لي وعسى ان تكرهو شيئا وهو خيرا لكم ))) يعني بيصير خلاص خلاااص بس لاتحزنيييين لانه خير لج

وصااااااااااار ياقلبي اااااااااااااااااااخ صااار ..قلت لامي عالاحلام قالت تفكيييييير كالعاده ماتسمع لي ولاتهتم

وليومكم هذااا اعاني ويتدمر كيااني كل مااتذكر ليييش ليشششششششش لييييييييييييش ماكان قرااااري غييييييير لييييييشششششششششش ..ندمااااااااااانه واكتبها وانا بقلبي غصصصصه احس قلبي بيطلع من بلعوومي ورب الكعبه

 

[مريم86]

والشي الثااني

من يوم ماكان عمري 15 سنه ليما 19 سنه ...كنت احلم هالحلم بشششكل مستمرررررررررررررر بشكل رهيييب

ومااكنت اهتم عباالي حلم ويااهل ........واللحييين بعد ماكبرت فهمت معنى الحلم

كنت كله احلم اني اطيييييييييح من فووووق ......مره اطيح من جبل ومره اطيح من عماره ..ومره العماره اللي انا على قمتها تطيييح

ومره اطيح من جبل على بحر ومره انا فوق عمااره وتطييح وكل شي حولها يتهدم ........المضموون وااحد

تحققت هالاحلام لما صار عمري 19 ....وخسرت كل شي ...دراسه..سمعه ..تفووق ..حياة اجتماعيه ..طمووح ..امل ..خسرت اغلى شي ..ثقتي بنفسي ...احلى سنييني ضاعت بين قهر وحسرات ...في امل تتعدل حياتي مااادري ...كرهت الدنيا مابيها

طبعا النصيب الاكبر بسبب كل اللي صار لي امي ..ضيعت حياتي ودمررتني

حلمت فيهااا حلم شوفو الحلم واياامها كانت علاقتي باامي متعدله

الحلم (((((( في صووت ياالي بالحلم وانا بدااري اخذني يقوولي تعالي شوفي هذي ليش تتعذب او من شنو تتعذب

ولا ياخذني الصووت للصاله ...ولا امي مفسخه بس حدييده حول رقبتها ملعووزتهااا وتحاول تفجها ....جاان اقوووووووول هذيييييييييي امييييييييييي هذييييييييي اممممممممممممي وانا مسااامحتهااا هذذذذذذذذذي امي انا مسامحتهااا ))))

 

[مريم86]

الحلم اللي حلمته اختي فيييني قبل يوميين ...وانا جني فاهمته لاني قبل كنت احلم بالملابس وتوني اعرف معنى الملابس

((( حلمت اني انا وياها داشين سوق شعبي ومو حلو ..ودشينا محل ملابس وكلله ملابس مو حلوه وعقيديه

كلللللللللللللللللللللله ملابس مو حلوه ..جان القى بدله ينيييت عليهااا وتناااسبني وااااايد وعجبتننني ولبستها وطلعت حلووه علللي.

طلعت من المحل وانا لابستها ولابسه جنطه اتمشى فيها بالسووق ))))) بس

تقريبا فاهمه الحلم بس مااراح افسر إلا لما اتااكد منكم ....وهالحلم متزاامن مع شغله ماراح اقولها والله اعلم

 

[رومــآ]

حبيتي الله يفرج عليج يآآآآآآآآآآآآآآآرب

شكلج تفكرين وآآآآآآآآآآآآآآآآآآآآآآآآيد

الله يعينج

وعليج بالاستغفاار وقيام الليل

 

[الوان الروح]

الله يسعدكم ويسعد المفسره دلع العتبان فسرتي لي مره زواج واليوم ملكتي
دعواتكم

 

[دلع العتبان]

الوان الف مبروك حبيبتي


بخصوص مريوم الله يفرج عليج حياتي ماادري شقولج الا الله يعين

 

[روره]

صباح الخير
ابي افسر حلم
فيه احد ؟؟

 

[ام العيال 2]

حلمانه بامي المتوفيه بانها اتت من سفر بعيد و يتراولي مكة وجايبه لنا هدايه نفس الشي باكياس بيضاء بعدين قالت لها يايمه ليش جايبتلي مثلهم المفروض انا غير انا بنتج ما معني تفسير الحلم لوسمحتي ممكن تفسير حلمي &

 

[حـــــلاوه]

سلام عليكم

حابه افسر احلام لي .شلون؟
الاخت دلع لحد الان تفسري او كيف>توني جديده على المنتدى

 

[ام العيال 2]

السلام عليكم الاخت دلع او عبير لوسمحتي فسري حلمي