الـي ولدوا ومعاهم تأمــين بليــز دخلوا :)

[أشبـاهـ المطـر]

السلام عليكم ورحمة الله وبركــاتة


بدخل بالموضوع عندي تأمين من شركة النفط
واراجع فيه واسوي تحاليلي والادويه .. إلخ


ابي اعرف بالولاده شلون حسبتهم لاني سمعت
ان صار فيه تلاعب ومو كل شي يتحمله التأمــين ومادري شنو؟؟



بليز الي ولدت ودفعت بالتأمين تعطيني تفاصيل
وجم خلوها تدفع؟؟ وشنو دفع التأمــين ؟؟؟

 

[جذابه بنت ذيابه]

رد : الـي ولدوا ومعاهم تأمــين بليــز دخلوا

اب لعيون شوشو

والله يسهل عليج وعلينا ياررب

 

[}{نرجسيهـ}{]

الله يقومنا جميع بالسلامه

ماعندي فكره ياقلبي

 

[so salt so sweet]

رد : الـي ولدوا ومعاهم تأمــين بليــز دخلوا

انا كنت مسويه تامين شركة الخليج
ولدت طبيعي مادفعت ولاشي بس فرق الغرفه
تقريبا دفعت 130 دك
دار الشفاء
اخذت الغرفه اللي تحت الملكي

 

[tmtmt]

نفس التامين الي عندي
بس ما استخدمته لي الحين
يم كنت حامل واجهضت اسم الله عليكم
استفسرت عنه
بس طلعت حسبتهم خربوطيه وماتنفع
بس نسيت شلون كانت

والحين ريلي يقول بكنسلون التامين

اولدي بسرعه

 

[أشبـاهـ المطـر]

مشكوورين بناااات

زواره الله يبشرج بالخير ريحتيني
طيب عطوج كمام ومسكنات ؟؟

انا ابي اخذ ابره ظهر بس قالوا ماايشملها


تمتم من صجج مااتستخدمينه ؟؟
انا على طووول حتى الباطينيه وطوارئ وهم
بنتي اراجع فيها بلاش ...

 

[محتاره بدنيتي]

انا والله اللي سمعتا من حماتي ان اذا كلفت ولادتج والغرفه والدكتور وصار الاجمالي 1500 التامين ماياخذون منا 1500 يمكن ياخذون نص وانتي تدفعين النص او بالتأمين ياخذون 1000 وانتي تدفعين 500 بس لمن تسالينهم اقولونلج شي ولمن تولدين حسبتهم شي ثاني

تمتم انا سالت حماتي وزوجي عن التامين قلتلا ان ريلج اقول بكنسلونا قالولي ماراح يلغونا قولي حق زوجج لاتطلع اشاعات هههههه

 

[أشبـاهـ المطـر]

محتاره حبيبتي
التأمين يدفع الولاده والغرفه الي شامله التأمين

انا بولد برويال حياة ودكتورتي من نفس المستشفى
وقالولي سعرنا 800 او 700 يعني تأمين يقدر يدفعه

 

[محتاره بدنيتي]

يمكن والله مادري بس انتي سالي الاستقبال عندهم بالمستشفى قوليلهم التاأمين يسدد المبلغ كلا لان اكيد اقولونلج
واتوقع اي لان المبلغ مو كبير

 

[أشبـاهـ المطـر]

سألتهم مو وااظحين !
قالوا المهم ماايتعدى اللميتد ماادري عنه
احس مو ثقه

عشان جذي ابي البنات الي ولدوا على تأمين
ينوورووني

 

[tmtmt]

مشكوورين بناااات

زواره الله يبشرج بالخير ريحتيني
طيب عطوج كمام ومسكنات ؟؟

انا ابي اخذ ابره ظهر بس قالوا ماايشملها


تمتم من صجج مااتستخدمينه ؟؟
انا على طووول حتى الباطينيه وطوارئ وهم
بنتي اراجع فيها بلاش ...

لااا استخدمه
بس قصدي حق الولاده ما استخدمته ...

محتاره بدنيتي ...

ما اصدق الا ريلي
مالي شغل بالباجي
واهوا قال في كلام ان بكنسلونه :eh_s(4):

 

[محتاره بدنيتي]

سألتهم مو وااظحين !
قالوا المهم ماايتعدى اللميتد ماادري عنه
احس مو ثقه

عشان جذي ابي البنات الي ولدوا على تأمين
ينوورووني

والله مادري انا عندي التامين وانا بالسابع واول حمل لي وبولد في دار الشفا واللي اعرفا ان تأميني مايغطي كل التكاليف نص التامين ونص انا ادفعا هذا اللي اعرفا ... انتي بأي شهر الحين ؟؟


تمتم انا نسييت انتي ماتستخدمين التأمين يعني عادي قالج بكنسلونا ولا لا بس انا قالولي الخبر الاكيد ان ماراح اكنسلونا وان شاءالله مايكنسلونا لانا حدا مريح استخدمتا لمن طحت قبل جم يوم وريلي قالي اخيرا اتسخدمنا بشي غير مراجعات الولاده والصيدليه هههههههه

 

[أشبـاهـ المطـر]

طيب ليش ماايغطي ؟؟؟
انا اراجع فيه من حملت
بس صرفت 290 من التأمين !
يعني باقي 1200 تقريباً ...


شووفي العضوه زواره والده بدار شفا تقوول بس دفعت فرق الغرفه
بـس !


الله يستر نريد مزيد من المشاركات ماابي اتوهق واوهق ريلي
يالله نورووني عشان امسك بريك ومااصفر خخخخخخخخ

 

[tmtmt]

شوفي انا اقولج
دام رويال حياة ما يعطونج كلام اكيد
دقي على اي مستشفى خاص ثاني

دقي على دار الشفا
ولا المواساة

وشوفي شيقولون وعلى كلامهم راح يكون رويال حياة اكيد

وعاد قوليلنا بعدين

 

[أشبـاهـ المطـر]

على قولتج تمتم وهو كزلك
انا دقيت على شركه قاالوا نغطي
كل الولاده وحتى لو اني صاارفه وااايد
يغطووونه وانا اسدد الباجي إذا تطلب الامر

 

[أم عبود 2011]

رد : الـي ولدوا ومعاهم تأمــين بليــز دخلوا

واي بنات ليش مكبرين السالفة حتى لو التأمين يغطي لكم نص القيمة خيييييييييييييييييير ونعمة

 

[ra'3ad]

هلا حبيبتي

انا عندي التامين ومجربته

التامين يغطيلج تكاليف الدكتورة اذا كانت داخل المستشفى مع الغرفه الستاندرد والادوية والكمام يعني انتي برويال راخ يغطيلج التامين 800 دينار سعر الباكج حق غرفة ليلي واذا تبين غرفه اكبر تدفعين الفرقيه

التامين ماراح يغطيلج بعض الشغلات مثل ابرة الظهر والخياط التجميلي واذا تبين ليلة زيادة هالاشياء انتي تدفعينها

ونصيحتي لج تدققين الفواتير قبل لا توقعين واهم شي اذا قالولج المستشفى ان هالشغله التامين ما يغطيها ... دقي على التامين نفسه وساليهم هالشغله الفلانية تغطونها والا لا


وسلامتج

 

[الريشة]

عندي سؤال؟
هل هالتأمين يعتبر حلال أو حرام؟ لأن شركة التأمين تعتبر ربوية مو إسلامية ؟؟
شنو رايكم؟

 

[أشبـاهـ المطـر]

رد: رد : الـي ولدوا ومعاهم تأمــين بليــز دخلوا

واي بنات ليش مكبرين السالفة حتى لو التأمين يغطي لكم نص القيمة خيييييييييييييييييير ونعمة

والله ياختي نتسائل هم قالوا يغطي كل التكلفه
وفي اشياء ماايغطيها مو نروح على عمانا ونصرف ماافي الجيب
بعد نبي نعرف وقانون مايحمي المغفلين :tongue22:

 

[أشبـاهـ المطـر]

رغد مشكووره على طرح تجربتج
فعلا هذا الشيء الي كنت اعرفه بس
سمعت ان فيه تلاعبات في تأمين وبصراحه كانت تحصلي
يعني مثلا الدواء الي يكون اعشاب لازم ادفعه كاش
ولما اقولهم لا دخلوه بالجهاز يدخل ويطلع صح يشمله التأمين !

عندي سؤال؟
هل هالتأمين يعتبر حلال أو حرام؟ لأن شركة التأمين تعتبر ربوية مو إسلامية ؟؟
شنو رايكم؟

مـن قال لا أدري فقد أفتى

فكره التأمين القطاع النفطي يقدم لاموظف وعائلته
10000دينار بكرت تأمين يغطي مصارفيهم من مراجعات وعلاج
وبتعاون مع شركة الخليج ....

وأحنا ماندفع فيه فلس هذي امتيازات من القطاع فقط