الفحص@@!!!!

[حلوه بكيفي]

السلام عليكم كروشات

شلونكم؟؟
الله يعينا والله
بنات انا في اخر السابع وهذا بجري واراجع عند الدكتور عمرو عصام في مستشفى السلام وطبعا زوجي يدخل معاي في كل مراجعه
بس مادري شلون اقولها
انا سمعت ان بس ادخل التاسع راح يبلش يفحصني الدكتور
وحيييييييل مستحيه شلون بخليه يفحصني واذا فحصني يعني راح يشوفني !!!
وزوجي بنفس الغرفه بعد !!!!
احس راح ارفض الفحص
ولحد يقولي غيري لان دكتوري حيييييل زين وانا مرتاحه عنده والله تعذبت من هالدكتورات ولعبوا فيني


ابي اسال شلون راح يكون الفحص يشوفني؟؟؟
ومنو دخل معاها زوجها في الفحص تقولي شنو صار؟؟؟
​

 

[بحور العنا]

اب اب حبيت ارفعلج الموضوع يالغلااا
ماعندي فكره

 

[-فلانة-]

حبيبتي انا الأسبوع اللي طاف فاحصة
اللي صار بالضبط إني رفعت ريلي و تكون مبطلة على شكل 8،، طبعا يننت دكتورتي وانا أقولها لا تطالعين ولا تطالعين..
غطوني بشرشف
الدكتورة لبست جلوفز و حطت عليهم مثل الجل
ويت قعدت جدامي وانا ريلي مبطلة بس الشرشف إلى حد ما مغطي
دخلت صبعين و طلعتهم وانتهى الموضوع
يعني السالفة كلها ما تاخذ دقيقة
والدكتورة كلش ما كانت قاعدة تطلطل تحت
أساسا ماراح يفيدها بشي إذا طلت لأن القياس يتم عن طريق الأصابع
يعني عادي تتغطين كلج والدكتور بس يدخل إيده..
وطبعا الفحص نهااااااااااااااائيا ما يعور،،
رخي جسمج من تحت وإخذي نفس عميق وثواني والموضوع خالص..​

 

[ورود خذلتها العاصفه]

هوو ماراح يطل تحت
بس من تحت الشرشف بيدخل ايده
بس بيكوون يطالع لوجهج 
وهني الفشيله

 

[ام ساره 4]

ماراح يطالع تحت كلش أصلا تكونين متغطيه بالشرشف يعني لا تحاتين

 

[كتالونيه]

لاتحاتين انشالله خير

 

[حلوه بكيفي]

مشكورين بنات والله ريحتوني

كنت وايد احاتي

واحاتي زوجي بعد مفتشله منه

 

[7bebt 3bod]

بنات انا اللي اعرفه ان الفحص مو زين لا تخلون الدكاتره يفحصون اذا ما تحسون بطلق ولا عوار الفحص بس اذل حسيتي ان فيج ولادة

 

[أم عزيـز]

لا تحاتين حبيبتي تره الدكتور او الدكتوره ماراح يطلون ولا يطالعون والشرشف مغطي الريول كلها
انتي تكونين مثل هالوضعيه بس فاتحه ريولج

وريولج كلها مغطيها بشرشف فلا تخافين واهم شي ترخين نفسج وما تشدين
وحاولي ما تفكرين بالفحص كلش

وعلى فكره مو من اول التاسع راح يفحص يمكن نص التاسع تقريبا

 

[فاطمه محمد]

بنات متى الفحص ادري بالشهر التاسع بس متى اخر

 

[LiL MaMa]

الفحص اذا فيج طلق

 

[ام الحلوااات]

ااااااااااااااب

 

[أم حورية]

انا بالنسبة لي اذا مافيج عوار الفحص ماله اي داعي

اول شي في حريم يتالمون منها

ثاني شي اذا ماتبين تغيرين دكتورج كيفج بس شماله كل اسبوع يفحص يعني حتى اذا ماشاف هم الفحص فيه اشكال
واذا فحصج وانتي مو تعبانة انتي محاسبة حبوبة

من تجربتي انا والدة 4 مرات ولامرة فحصوني قبل لا اييني الطلق دايما افحص اذا حسيت فيني ولادة

الا اذا طولتي بشهرج واحتاجو يفحصون هذا شي ثاني

سوري طلعت من الموضوع بس حبيت انبهج

وان شالله تولدين بالسلامة وتفرحين بشوفته *

 

[-فلانة-]

بنات ترى مو شرط الفحص بس اذا فيه طلق
في بنات ما يحوشهم طلق أو يكون طلقها بارد..
وحدة معانا بالمنتدى الله يذكرها بالخير راحت الطبيب موعد عادي ولا حاسة بعوار ولا شي و طلعت مفتوحة 7 سم..و وحدة ثانية نفس الشي مفتوحة 4 سم وهم ماكو عوار ولا حست بشي..
انا شخصيا أفضل الفحص ما يتم إلا بعد أسبوعين من التاسع،،
على أساس لو صار طلق من ورا الفحص إلا تكون رئة الجنين مكتملة و ماعليه شر إن شاء الله..​

 

[حب1985]

والله انا الصراحة كان يشوف مغطيني بشرشف بس هم يشوف اول مرة حملت الدكتور استأذن زوجي ان ما يدخل معاي وكان دكتوري مو عربي بس قال له اخاف تتضايق اذا شفتني افحصها
والحين بحمالي هاذا عند دكتور ثاني وكان يبي يفحصني لان كان شاك بعنق الرحم لايكون مفتوح وزوجي من نفسه مادخل وقت الفحص وهم الدكتور سكر الباب اول مرة يسكر الباب بس اهو والسستر
يعني انا لاحظت ان الدكاترة يفضلون ان الزوج يدخل مع زوجته وقت السونار بس ما يفضل ان يدخل وقت الفحص الداخلي ..لان الرياييل يغارون ويمكن يتضايقون

 

[انسام الكويت]

الفحص معروف للبجر لمن تكون خلاص باجي اسبوع ويخلص شهرها التاسع كله

فشي طبيعي بيفحص او تفحص عشان يشوفون عنق الرحم لين ومفتوح ولا لا

وللعلم الفحص يحرض عالطلق وبعدين مراح يشوف شي كلهم صبعين بيدخلهم يشوف العنق مبطل او مسكر

والاهم لاتشدين روحج وقت الفحص واحس افضل شي انه زوجج مايدش بوقت الفحص ينطر برا

وسلامات

 

[حلوه بكيفي]

مشكورين بنات اللي ردوا

والله مادري احس مو مرتاحه لفكره الفحص وان دكتور يلمسني وانه يولدني
في المراجعات انا مرتاحه عنده لانه حقاني وكلش مو مادي وصريح معاي ما حاول يغشني نفس اللي مروا علي
بس والله مادري احس فشششششششششله
وما اقدر اخلي زوجي برا لانه ماراح يرضا
انا سمعت عن الدكتوره نزهت مادري فكرت اطلبها بالولاده شرايكم؟؟
ولا استمر مع دكتوري

 

[الكويت حياتي]

انه عن نفسي استحي من الدكتور احس موقف بايخ ليش واكو دكتوره انتي اذا بالسلام امل الراشد عجيبه دشي قوقل او التجمع واقري عنها والله يوفقج ويقومج بالسلامه انه مافكر بالفحص بالولاده بيشبع منج يعني يكون قاعد بين الريول وااااي فشله

 

[أم عزيـز]

حلوه بكيفي
انتي من الساس تراجعين عند دكتور وقاعد يشوف بطنج بالسونار
ودامج مكمله معاه واخترتيه يعني اكيد تبينه يولدج

انا عن نفسي من الاساس ما احب اراجع عند ريال
علشان هالسوالف
ما احب اكشف جسمي على ريال حتى اذا كان دكتور الا للضروره
بس دامي اراجع بخاص اختار دكتوره وارتاح واريح بالي من هالفشله والمحاتات

وانتي الحين خلاص ما بقالج شي ان شاء الله ومكمله معاه ومرتاحه على قولتج وزوجج عادي عنده عننج تراجعين وتولدين عند دكتوره فكملي واتكلي على الله وان شاء الله خير

 

[FJ style]

حبيبتي مستحية من الفحص
عيل منو اللي بيولدج
حزتها بيشوف اللي تحت والللي ورا ويخليج تفوشحين عدل وبيقول لج افتحي ما افتحي
وووووو
غير بعدها الخياط بيقعد يسويلج تجميلي ويضبط شغلج من تحت

هذا حرام والفحص نفس الشي
يعني مستحية الحين بس شبتسوين بالولادة

مادري شقول لج بس الحريم شكثرهم والشطار هم موجودين