الفرق بين السعودي والكويتي..

[قمر مابين البشر]

مرحباطبعا مثل ماكتبت بالعنوان


تعالوا شوفوا الفرق بين السعودي والكويتي


اول حاجه




السعودي جنسيته سعوديه
والكويتي جنسيته كويتيه


ثاني حاجه
بربكم كم وحده دخلت موضوعي
ومجهزه مدرعات وقنابل وصواريخ
ويمكن جيش كامل عشان تبدأ بالهجوم ع الطرف الثاني
ههههههههههههههههههههههههههههههههههه


المفروض نرتقي بعقليتنا ومانقط كلام يمكن يجرح الشخص الثاني
كلنا عرب وكلنا خوات
سعودي كويتي اماراتي..الخ
ترى لاجنسيه ولا مال ولا عيال راح تفيد
عند ربي كلنا كأسنان المشط والفرق ان افضلكم اتقاكم
بس مثل ماقالوا
اتفق العرب على ان لايتفقوا




ويلا تعيشوووا وتاكلووو غيرها

 

[Dancing^Queen]

رد: الفرق بين السعودي والكويتي.. فديت السعودي بس

قال عزّ من قائل سبحانه: {يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيداً يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللهَ وَرَسُولَهُ فَقَدْ فَازَ فَوْزاً عَظِيماً}.

قولو قولا سديدا
ياليت نقتدي بكتاب الله سبحانه وتعالى والقول يكون سديد
ياليت كل بنت قبل لاتكتب ردها تحط نفسها مكان غيرها وتفكر بتاثيره علي الغير وشنو اثره
ترا كل حرف ربنا بيحاسبنا عليه


الحين اختي صاحبه الموضوع

انا اول وحده كنت داشه باسلحتي الحربيه كامله من ار بي جي ومدرعات وقاذفات لهب والباكيج كامل
قلت بنذرج لالالا اوقف عضويتج جم يوم تاديبي
جان اقرا الموضوع
ماتدرين حبيبيتي ان هذا الموديل الحين سبحان الله كل فتره يهبون البنات بموضوع وهبه

الحين الموديل اليديد الكويت والسعوديه ! تلقين صاحبه المشكله بصوووووووب والبنات كل وحده شايله سيفها وتقاتل بصوب ثاني والبنت تحسسسسسسسسسسف ان طلبت رايهم !
يعني لو كاتبه انا كويتيه تزوجت فرنسي او سويسري جان فهمت ! قلت يمكن ! اختلاف في الدين والبيئه والتربيه والجذور وحتا الاعراق مختلفه ماتنلاااااااااام واكيد البنات بياكلونها
بس تيي سعوديه تقول خذيت كويتي او كويتيه تقول خذيت سعودي قامت الحرررررررررررررب وصار الموضوع ساحه للقتال والنزاع وحرب قبليه اهليه شدعوا عليكم ! البنت تزوجت خلصت عيلت ماقالتلكم شرايكم بتزوج خليجي البنت قالت عندي مشكله ساعدوني بحلها !!!

ومادري شالفرق بين الخليج هذي العينيه من ذيج الطينه
كلو زي بعض
عنبر اخو بلال
كلهم يلبسون مكسر وفنيله
وكلهم يلبسون دشدايش
وركبهم سووود وكوعهم اجلح وتفكيرهم واحد
وكلهم كل واحد عباله فريد عصره واونه !




واختم كلامي باستشهاد بحديث من رسول الله علي افضل الصلاه والسلام

قال النّبيّ صلّى الله عليه وسلّم: ''إنّ الفِتَن سَتَعُمُّكُم فتَعوَّذُوا بالله مِن شرِّها''.

 

[حبيبي مالكني]

رد: الفرق بين السعودي والكويتي.. فديت السعودي بس

الحمدالله والشكر

 

[ام زهقانه]

رد: الفرق بين السعودي والكويتي.. فديت السعودي بس

ههه انا كويتيه كل يشوفوني يقولون سعوديه
عادي بس مرات اتحسس منها
كلنا واحد
يوم قيامه تقفون امام رب العباد كلنا واحد

 

[الأميرة جوري]

رد: الفرق بين السعودي والكويتي.. فديت السعودي بس

كلنا من ادم وحوا وكلنا من تراب .....نسال الله الجنه لي ولكم

 

[WAAAW]

رد: الفرق بين السعودي والكويتي.. فديت السعودي بس

ماحبيت الموضوع.. حتى لو انه غشمره

 

[جذابه بنت ذيابه]

رد: الفرق بين السعودي والكويتي.. فديت السعودي بس

كلنا خلقنا من تراب


ونرجع لتراب ..

مافي فرق بيناا

 

[Gifts&Occaions]

رد: الفرق بين السعودي والكويتي.. فديت السعودي بس

 

[brettey]

رد: الفرق بين السعودي والكويتي.. فديت السعودي بس

كلنا عيال ادم وحوا
انا بقول الفرق بين العربي والايطالي ولا اللاتيني لوووووووول
غشمره
الحديث بما معناه يقول
لافرق بين عربي اوعجمي او ابيض او اسود الابالتقوى

 

[مُتعبة]

رد: الفرق بين السعودي والكويتي.. فديت السعودي بس

ومادري شالفرق بين الخليج هذي العينيه من ذيج الطينه
كلو زي بعض
عنبر اخو بلال
كلهم يلبسون مكسر وفنيله
وكلهم يلبسون دشدايش
وركبهم سووود وكوعهم اجلح وتفكيرهم واحد
وكلهم كل واحد عباله فريد عصره واونه !

^ بالضبببببببببببببط ’ هاي ردي اللي كنت بقوله قبل ماجوف الموضوع
هههههههههههههههههههههههه ، بس صج سخيف الموضوع

 

[Dancing^Queen]

رد: الفرق بين السعودي والكويتي.. فديت السعودي بس

شفيكم علي صاحبه الموضوع !
انا ماشوف ان الموضوع سخيف بالعكس
الموضوع يدعونا ان ننبذ هالنوع من التفكير وان نقارن بين رياييل الخليج
او نفرض ان جنسيه احسن من الثانيه
ويدعونا ان نفكر صح

بالعكس
انا اشجع صاحبه الموضوع علي طرحها وعاجبني
لاتاخذون العنوان بس اقرو الموضوع كامل

 

[Patcholli]

رد: الفرق بين السعودي والكويتي.. فديت السعودي بس

^_^

كل ديره فيها الزين وفيها الشين وماصدق بقاعدة ان هالدوله او هالشعب مستحل يغلط .. للاسف بعض الناس مجذبين هالجذبه ومصدقينها

 

[جـــواهر]

رد: الفرق بين السعودي والكويتي.. فديت السعودي بس

سعيد اخو سعود

 

[ام فهود وشهود]

رد: الفرق بين السعودي والكويتي.. فديت السعودي بس

فديت ديرتي والله
وفديت السعوووودي انااا >> تقصد زوجهاا

 

[العفاسيه وبس]

رد: الفرق بين السعودي والكويتي.. فديت السعودي بس

حلو الموظوع تسلم أنامل اللي كتبها ....... حبيبتي انتي وياها ترى كلنا اعيال قريه ماكو فرق

 

[عسل مرت قيمر]

رد: الفرق بين السعودي والكويتي.. فديت السعودي بس

مشكوره

 

[.. BNT ..]

رد: الفرق بين السعودي والكويتي.. فديت السعودي بس

حياتي كلوج ماخلوج ههههههههههههههههههههه

 

[RanoOosh88]

رد: الفرق بين السعودي والكويتي.. فديت السعودي بس

ههههه مافي فرق

 

[ألمسك]

رد: الفرق بين السعودي والكويتي.. فديت السعودي بس

بلال الحبشي في الجنة وابوجهل القرشي في النار فلا فرق بين عربي واعجمي الا بالتقوى كما قال تعالى (ان اكرمكم عند الله اتقاكم )وكلنا اخوه في الله مسلمين يجمعنا رابط الدين والاسلام والجيره والعادات والتقاليد

 

[غرور 9]

رد: الفرق بين السعودي والكويتي.. فديت السعودي بس

ههههه حلؤ بس لو مو گاتبه فديت السعودي لانج بجذي فرقتي بين الكويتي والسعودي وتناقضتي