الفرق بين الغساله الاتوماتيك اللي فتحتها من فوق وبين اللي من الامام

[m5m66]

مساء الخير اتمنى تقبلوني صديقه بينكم انا متابعه صارلي فتره طويله واعجبني روح التعاون بينكم والله يديم هالروح الحلوه ياكويتيات واتمنى تفيدوني بها الموضوع اللي محيرني :bbbiu: انا نويت اشتري غساله اتوماتيك عشان ارتاح من الغسيل اللي هد حيلي :cxxxp: رحت وكان ببالي اللي فتحتها من فوق لكن صاحب المحل يمدح اللي فتحتها من الامام وزادت حيرتي ادري اني طولتها وهي قصيره الزبده اني ابي من اللي عندها غساله اتوماتيك تقولي شنو نوعها وشنو افضل بالنسبه لهالنوعين وشنو عيوب ومميزات كل منهما واكون شاكره لكم

 

[adool70]

عزيزتي اولا حياج الله
ثانيا الغساله الاتوماتيك مريحه لكن لازم تراعين الاتي:
1- تستخدمين نوع خاص من مساحيق الغسيل مثل الاريال الاخضر
2- تراعين وزن الملابس او كميتها حسب حجم غسالج 7 كيلو او 9 كيلو ولا تكثرين علشان تحصلين على النظافة المطلوبة

انا عندي غسالة Lg ممتازه و بسعة 7 كيلو و ما شاء الله مرتاحه منها

وكان عندي قبلها غسالة ويلربول اتوماتيك

بس لاحظي ان الغسالة الاتوماتيك تحتاج منج تفصلين الالوان عن الابيض و تراعين برمجتها حسب نوع الملابس اللي بتغسلينها

واي سؤال انا حاضرة

 

[طووم]

يشرفني ان اول وحده ترد عليج شوفي انا عندي الي فتحتها من فوق ماركة وير لبول صار لها ست سنين ومرتاحه وياها واااااااااايد والي عرفته قبل ما اشتري ان الي فتحتها من فوق طريقة تنظيفها مثل الغساله العادي يعني تدور الهدوم عادي اما الي من امام الهدوم تصير تدور فوق بعض انا اقولج عن تجربه الي فتحتها فوق مريحه والحين بعد منزلين موديلات فتحتها من فوق وفيها مواصفات احسن اهم شي لاتكثرين الدوم حطي حسب الوزن الي قدها والله يوفقج

 

[m5m66]

مشكورين حبايبي adool70 وطووم والله يعطيكم العافيه يعني شنو الافضل اللي من فوق ولا الامام اعذروني غشيمه بالنت توني عليميه يعني تحملوني

 

[m5m66]

adool70 حبيبتي ماقلتي لي فتحة غسالتج من فوق او من امام لان اللي لقيتها ال جي وابي اشوف كيف استعمالها وهل هي تنظف مثل الغساله العاديه

 

[adool70]

غسالتي - من الامام- و بالنسبة للنظافة معروف ان الغساله العادية تنظيفها وايد احسن من الاتوماتيك

وميزه الاتوماتك انها تريحج وايد

 

[ام وهابي]

حبيبتي انا راح اقولج عن شنو الفرق بين الغساله اللي تنفتح من الامام عن الغساله اللي تنفتح من فوق
كلهم نفس الفكره وتقريبا النظافه بس الفرق ان اللي من الامام تكون التنشيف عندها 100 %
طبعا بعض الانواع مو الكل بس اللي من فوق يكون التنشيف 70% وطبعا كلهم ما فيه غساله تنشف 100%ولازم تشترين لها نشافه منفصله انا اعتقد ان هذي المميزه احسن للغساله الاتموماتك وقولي ليش ؟
علشان ما طول عليج المده بالغسل تكون مدة اطول غسله ساعه بالكثير اما الغساله من الامام الغسله الوحده على الاقل ساعتين واكثر
فرضا تبين تنشيف بس تنشف بنص ساعه
لكن اللي من امام لازم برنامج تنظيف كامل بعدين تنشيف
طبعا انا ما عندي غساله اتوماتك ولا جربتها بس من كثر الفراره بالمحلات اكتسبت خبره مابي اشتري شي واتندم عليه
وانا ناويه اشتري ماركه فرجدير مع النشافه ويكونون منفصلين بس فيهم رابط حديد من ورى ماسكهم بعض واهي صناعه امريكيه موتجميع
وسعرها حلو بحدود 270 دينار







5

 

[m5m66]

الله يعطيكم العافيه جميع اللي ردو علي ومشكوره اختي ام وهابي على توضيحج الحلو والله يرزقكم جميعا شكلي بفكر اشتري اللي من فوق