الفرق بين يربط ويتعرف ويصنف

[Eva-SS]

السلام عليكم

حضرتلي المشرفة الأسبوع اللي طاف اول مره وكان هدفي يربط قدمتها على مجموعتين وحده عنصر واحد والثانية عنصرين وبعدها نكافئهم

قالت لي خطواتج حق هدف يصنف مو نربط

يعني طلع فيه يربط ويتعرف ويصنف.. ابي اعرف شنو الفرق بينهم

وعلى فكرة انا تبع توجيه الفروانية

 

[أم حمووود]

يتعرف مجموعتين مجموعة واحد مثلا ومجموعة اثنين بعد ما تقوليلهم صنفلي هالعناصر الى مجموعتين وتحرصين انة يضع المجموعة الصغيرة على يمين الاطفال ومجموعة العدد الجديد بعدها ويكون العنصر المخالف خارج المجموعتين تناقشينهم ليش ما وضعوه مع العناصر (لانة عنصر مختلف) بعدها يخرج طفل يعدلج المجموعة الاولى ويختار العدد واحد ويكونون الاعداد حاطتهم على جنب طبعا العدد الجديد بيتعرف ما تكونين عارضتة مع الاعداد ثم تقومين انتي بعد المجموعة الجديدة وتعرضيلهم العدد الجديد ويقرؤونة فردي وجماعي وتحرصين انتي تعدين المجموعة الجديدة لانة ليما الحين ما تعرف على العدد وبعدها تكافئين المجموعتين وتساوينهم بوضع عنصر للمجموعة رقم واحد في احد الاركان ثم تغيرين العدد الصحيح لها
أما في يربط نفس الطريقة الاولى بس اثنينهم نفس العناصر يعني يعني المجموعتين لها نفس عدد العناصر ويصنفونهم لج والمجموعة الاولى يختارون العدد اثنان من بين الاعداد تكونين حاطتهم على جانب المجموعتين والمجموعة الثانية يحضرولج عددها من احد الاركان وما فيها تكافؤ وبعدها تبلشين بباقي درسج عن طريق الالعاب
هدي الطريقة ان مقدمتها اكثر من مرة ومتاكدة منها مية بالمية وتوها داشتلي فيها الموجهه ام التصنيف ما فية درس اسمة تصنيف
ارجو اني اكون أفدتج

 

[ليونه الليمونه]

أحنا الفروانيه تصنيف مجموعه وحده فقط

 

[المناهل]

يتعرف تصنفين مجموعتين وتكافينهم وتعبرين حركيا عنهم يربط مجموعة واحدة يستخرج الطفلالعدد لا يعبر حركيا ولايكتب العدد تبلشين بالمسابقات

 

[عطري الشوق]

يسلمو وكلام الاخت ام حمود عدل هاذي الطريقه الي قاعده اشوف المعلمات يقدومون ع اساسها

 

[أم حمووود]

احنا توجية الجهرا وصدقوني هدي الطريقة اللي يطالبونا فيها وحتى الربط طالبتنا الموجهه بمجموعتين مع ان الربط ماله اي داعي مجموعتين واحنا مو مقتنعين فيها بس شنسوي للتوجية اللي اللي يجبرنا على اشياء مو مقتنعين فيها