الفزعة يا كويتيات تجهيزات و لاده من الكويت بلييز ابي اشياء راقية

[المدلوعه]

السلام عليكم

اشحاااالكم كلكم


بس انا جاية الكويت قريب و حبيت اعرف و ين احصل جيس للبيبي بس يكون شغله غريب مابي ماركات ابي شي من مصممات و يكون راقي و ناعم و ابي افكار للولاده و في خاطري الفوط اللي عليها حرفي و حرف زوجي مع الارواب و ين احصلهم بليييييييييز

 

[زهور المحبة]

في معرض عندنا بالشويخ اسمه أفكاري اتلاقين فيه شغل حلو بس غالي
وعندج سوق النصار بالمباركيه تجهيز البيبي من الى واسعاره حلوه
هم بالمباركيه سوق vip عنده بعض بضاعة النصار بس ارخص شوي

 

[@سيدة نفسي@]

في محل بسرداب مجمع النقرة الشمالي بحولي

اسمه العندليب ,, عندهم أجياس للبيبي رووووعة

وتقدرين تكملين الطقم كامل من تبان وافرول وكبوس .. الخ

بس غالي شوي لكن يستااهل ,, شي ذرب وراقي ماعليه

كلام ,,

 

[عالمي المجنون]

انا صممت كفري وجيس البيبي و توابعه بمحل كاروكة بالسالمية بس وايد غالي ب280

واجياس البيبي بكل مكان حبوبة وياكثر المصممات عندنا

 

[kuwatiya]

اب لعيووونج ماعرف

بس تجهيزي كله من مذركير وسنتربوينت

مارحت مكان ثاااني ​

 

[بيتوفل قيرل]

مثل ما البنات قالولج روحي عيد النصار ،،
والعندليب بالنقرة
وايد اشياء حلوة اتحصلين عندهم..