الفزعه يا بنات الكويت الفزعة ابغي اسافر

[دكتورة في مطبخ]

السلام عليكم
اخواتي ان شالله قريب ابغي اروح دبي
وماشالله اهل الكويت كثير يسافرون لدبي
ابغ اعرف الحجاب كيف في دبي لو وحده غطت وجها ولبست قفازات وجونتي وعباية سادة يستغربون او عادي عندهم وتنصحوني اكشف الوجه
وابغي اعرف وين موقع نافورة دبي الراقصة
وابغي اعرف كم ركوب الي اعلي برج خليفة
وابغي اعرف محل يبيع ملابس وشنط تقليد ماركات
واحسن الفنادق عندهم ايش
واسواء الفنادق ايش عندهم
وسلامتكم يالغاليات

 

[جننها السعودي ]]

ابغ اعرف الحجاب كيف في دبي لو وحده غطت وجها ولبست قفازات وجونتي وعباية سادة يستغربون او عادي عندهم وتنصحوني اكشف الوجه

وعليكم السلام
بالنسبة للحجاب اهم شيء اللي يرحيك حتى لو شفتي نظرات استغراب بكيفهم =p تراها مدينة خليجية مهما صار
خلك باللي تشوفينه مريحك ..

وابغي اعرف وين موقع نافورة دبي الراقصة

نافورة دبي ببحيرة برج خليفة جنب دبي مول

وابغي اعرف كم ركوب الي اعلي برج خليفة

الركوب الفوري بـ 400 درهم يعني بدون حجز مسبق
بس اذا حجزتي بشكل مسبق بـ 100 درهم وفيه طرقتين بالموقع الالكتروني او تروحين استقبال البرج وهناك تحجزون ليوم ووقت
معينين ..

وابغي اعرف محل يبيع ملابس وشنط تقليد ماركات

فيه سوق الكرامة ماشفته بس يمدحونه ..ويقولون ان يبيعون التقليد من تحت لتحت يعني تلاقينه بالاستور
فيه صيني وكوري طبعاً الصيني ششيب و خايس .. الكوري افضل بمراحل
فمن الحين لاحد ينصحك بدراغون مول وتروحين مرا مرا تقلييدهم غبي

واحسن الفنادق عندهم ايش

سكنت بفندق ونتاج وكان حلوو واوكيه
وسكنت بشقق فندقيه اسمها رمادا داون تاون مرآ جميييلة والاحلا اطلالتها مقابلة لبرج خليفة
وفيه شقق الستي سنتر حلوة

واسواء الفنادق ايش عندهم

مادري ماجربت شيء سيء =p

وسلامتكم يالغاليات

الله يسلمك حبيبتي

تروحين وترجعين بالسلامة

 

[دكتورة في مطبخ]

الله يسلمك يالغالية على ردك

 

[اصايل الرياض]

بالعكس حبيبتي كثييييييييير امارتياتت حجاابهم كامل ماشاء الله وترى هي دوله خليجيه يعني مهما اختلفنا فالتطور عاداتنا وتقاليدنا وحده
واصلا حتى فاوربا تعودوو على الحجاب الكامل من نقاب وعبايه فما بالك اذا كانت دوله خليجيه

 

[دلوعة الطائف]

أحسبك كبرتي السالفة من ناحية الحجاب دوله خليجييييه يعني ما راح تكون فيه نظرات استغراب. لان راح تشوفين هناك المحجبات مثلك !!!!

ورأيي. انك تتحجبيييين لان الله بكل مكان ويشوفنااا. ،،،،،


تروحين وترجعين بالسلامة.""""""