الفزعه

[الحلا و الزين]

صباح الخير كويتيات ابي مساعدة او نصيحة تكفون انا اخر مرة جتني الدورة 30/9 و من يومها ما شفتها حللت هرموني مافي حمل و عطاني الدكتور حبوب تنزلها بس ما اخذتها يوم كنت باخذها نزل علي وسخ يوم واحد وبس و بعدها رحت لام فيصل قالت لي فيج تكيس و لا تروحين للدكاتره بس الدورة للحين مانزلت هل اكل للحبوب وروحله او اسمع كلام ام فيصل واكل اعشابها

 

[hazel eyes]

اسمعي كلام ام فيصل اذا اللي تقصدينها اللي بجابر العلي
لان الشغلات الطبيعيه افضل مليوووووووووون مررره من الادويه والحبوب

 

[الحلا و الزين]

اي اهي نفسها بجابر العلي

 

[الحلا و الزين]

ليش ماتردون علي اللي بترد بدعي لها الله يرزقها الذرية الصالحة و تكون احلى وحده بعين زوجها و الله يخليه لها لأني فعلا مترددة و محتارة

 

[الريشة]

ما دام سويتي تحليل هرمون الحمل و طلعتي مو حامل
عيل لازم تسوين تحليل هرمون الحليب يمكن يكون مرتفع و لهالسبب ما نزلت
عشان تعالجينه و تنزل الدورة
و أنا أنصحك شربي شاي البردقوش

 

[الحلا و الزين]

سويت اختي تحليل هرمون الحليب طلع زين و هرمون الغدة بعد زين بس مانزلت و نفسيتي اكس

 

[ابدا يالغالي مانساك]

متااااخره حيل دورتج استخدمي حبوب برميلوت تنزل
الدورره وان كنتي حامل ماتاثر تثبت حمااااالج
مو تقعدين جذيه تنطرين حبيبتي وربي يرزقج ان شاااالله

 

[ثنايا الورد]

متااااخره حيل دورتج استخدمي حبوب برميلوت تنزل
الدورره وان كنتي حامل ماتاثر تثبت حمااااالج
مو تقعدين جذيه تنطرين حبيبتي وربي يرزقج ان شاااالله

:rerrerek:انا اضم صوتي لابوده وربي يرزقج بالذرية الصالحه

 

[الحلا و الزين]

حبايبي و الله كويتيات الله يرزق المحرومة ذرية صالحة و يثبت حمال اللي ردت علي و يهون عليها يارب

 

[هذا مزاجي]

حبيبتي تكفين ابعدي عن الاعشاب
مضارها اكثر من نفعها
نصيحه مني لج والله هالنصيحه
لوجه الله تعالى وماابي منج غير الدعاء
روحي للدكتور ماجد الشمري بالجهراء
صدقيني حل مشكلتج بعد الله بتكون على ايده
والله يوفقج ويشفيج ويرزقج عاجلا بالحمل السليم

 

[سعودية بالكويت]

دورتج متأخرة حيييل دامج تأكدتي ماكو حمل

روحي الطبيبة أحسن وأكيد بتعطيج حبوب تنزلها أما دوفاستون

لأنها تثبت الحمل أو تنزل الدورة وممكن تعطيج حبوب غيرها

حسب ماتشوف وربج كريم​