الفصل الدراسي الثاني

[dectora 7elwa]

يسعد مساكم
يلا نشد حيلنا بالسبوع الثاني من العطله ونمهد لعيالنا اللي باولى وثانيه ابتدائي عودتهم للدراسه ونشرح ونراجع شي بسيط قبل الدوام بس المشكله ماعندنا مناهج الكورس الثاني يللا همتكم معانا يامدرسات الابتدائي تعطونا نبذه عن الدروس حتى ولو بسيطه يعني نثلا ابله بنتي اولى ابتدائي قالتلي علميها تعد من 1 لما100 فنبي شغلات بسيطه نساعد عيالنا فيها ويعطيكم العافيه
:aha:

 

[حضاره]

ماشاءالله عليج00شجعتيني بحاول ابتدي من باجر!!

قواج الله يادكتوره حلوه00

 

[um hamed]

اي والله يبيلهم مراجعه حق الاحرف والارقاام
والمسائل الرياضيه
وبحاول اخليهم يحفظون من القرآن الكريم

 

[dectora 7elwa]

يلا نساعد بعض منو تعرف السور اللي لازم يحفظونها للقران الكريم
وانا قمت اخليها تقرا اعلانات المطاعم اللي تجي مع الجرايد اقولها اقري يمكن تعجبج الوجبه وتطلبينها لان اذا قلتلها خلندرس ماتبي

 

[um hamed]

حبيبتي الكتاب مو عندج لان كتاب القران اهو واحد حق الفصلين
انا مادري انتو واصلين اي سوره
بس بقوولج اللي اعرفهم
الماعون قريش الفيل الهمزه التكاثر القارعه
وان شالله اكوون فدتج

 

[dectora 7elwa]

مشكوره ام احمد

 

[dnyay_mll]

انا بهالعطله مادرست عيالي الا مرتين


كل ماامسك جنطته يضيق خلقي من التدريس

بس بحاول باجر

يمكن يرضون يدرسون شوي

 

[الحراير]

الله يوفقهم

 

[KittyCat]

ايه والله المفروض نبتدى نهياهم بس ولله متعيزه

 

[mooomooo]

عيل انا يبت لهم مدرسه انقليزي بهالعطله حتى المدرسه تقول ما اخذ ايام المدارس بس بالعطل بس ذاك اليوم قالتلي انها احتمال اتييهم ايام المدارس يوم واحد بالاسبوع وقلت مو مشكله على الاقل مراجعه

ودخلتهم القاعده الحلبية من بدايه هالاسبوع وكلمت ابله الرياضيات راح اتييهم من الاسبوع الياي

انا كنت ابي اشوف اشلون تدرسيها لان ولدي كان ماخذ جيد بالرياضيات الفتره الاولى والحمدلله عقب مايبتها بالفتره الثانيه ياب الامتياز

اهيا تدرس بنتي وولدي وراح اكمل وياها ان شاء الله

وربي يوفق عيالكم وعيالنا

 

[رحيق العبير]

انا ادرس اخواني الصغار موعيالي لاني انا طالبه حالي حالهم
يعني ادرسهم عربي واعلمهم كل المهارات
وادرسهم رياضيات طبعا الجمع والطرح والضرب
واحفظهم الايات اللي عليهم
بالاضافه كل يوم املاء عربي