الفلوووووووس

[أنا كويتي]

قوة بنات
حبيت استشيركم بموضوع شاغلني وابي طريقة منكم
انا وزوجي مسويين استقطاع شهري في حساب واحد بس الحساب باسما
عشان نخشا حق بيتنا عشتوا

وصارلا فترة في البنك تقريبا سنتين وزوجي الحمدالله زين
بس انا خايفا ادا شاف الفلوس تكثر يقوم يسوي فيها شي او يتزوج الرجاجيل ما لهم امان حتى لو زين
بس بين فترة والثانية اشوف الفلوس زايدة بالحساب
وترى اهوا اللي عرض علي الفكرة وانا استانست عشان زوجي يصرف واجد قلت امسكا بالفكرة وخواتي ايدوني قالولي كلها 100 دينار عادي


ودي اقطع الاستقطاع واقولا كل واحد يجمع بروحا احسن بس ما ودي احرجا شنو اقولا محتارا

 

[تخيل اعطيك وجه]

اجل ليه قاطه معاه فلوس دامتس مو واثقه فيه ! امسكي ارضك وخلكم على فلوسكم والبطاقه خليها معاك او خليها معاه
وتعوذي من ابليس .!واذا كلش كلش مو واثقه قوليله ابي فلوسي وكل واحد يخزن لنفسه وللبيت .!

 

[أعرف قدر نفسي]

في طريقه ان ما يقدر يسحب الا بتوقيع ورضى الطرفين جيكي مع البنك

 

[UNICORNA]

صراحه انتى غريبه جدا

كيف يعنى عايشه مع زوجك و مو واثقه فيه ؟؟؟؟؟

وكيف الحساب بداخله فلوسك ومسوياه بأسمه هو ؟؟؟؟


ياختى انا اعرف واحده مو واثقه بنفسها ومو واثقه بزوجها وتحس ان زوجها راح يتزوج عليها اما تتركه او

تتحمل الامر الواقع

واعرف ان انا بدفع اى مبلغ بأى شى يبقى لاااااااااازم اسمى يكون عليه

صراحه احس كلامك ناقص شى ؟؟؟

وان شالله الكل يفيدك

 

[al-musk]

يابنت الحلال تعوذي من ابليس ولاتخسرين زوجج وصفي النية ومدام الكل يدري خلاص

 

[زهرة الزهور]

لا تصيرين شكاكة وان بعد الظن اثم وليش تعيشين نفسج بمشكل وشكوك واوهام مو موجودة وتضيعي على نفسج لحظات ممكن تستغلينها بامور مفيدة ليش تجيبين الهم والافكار السيئة لنفسج وهي مو موجودة تعوذي من ابليس ترى قاعد يوسوس لج
واذا كان هالمبلغ الي بيغيره عليج اجل مافيه خير
وكلي امرك لله وتفائلو بالخير تجدوه والعكس صحيح
واذا ما تبين تحطين معاه فلوس قوليله فلوسي ما تكفيني وترى اذا بيسوي شي مو هالمبلغ الي بيشجعه
ريحي راسج من الوسواس وعيشي حياتج مع زوجج بالتقه والمعروف وظني فيه كل خير ما يجيج الا كل خير

 

[وجـــــد]

كلن ياخذ حقه وبعدين شنو كلنا نجمع فلوس انت بكيفك وانا بكيفي والله الرجال ماله امان وانتي استقطعي بروحج كيفج حلالج انا اكره الزوج اللي عينه ع فلوس زوجته

 

[أماني الورد]

اذا شاكة فيه
ليش تقطين معاه الافضل كل واحد

بروح

 

[*ريما*]

وش ذا الفشيلة
اذا قلتي لة خلاص غيرت رايي
ووكل واحد بروح
حلات الثقة بين الزوجين

 

[L I N D T]

ليش ماكو ثقة بالرياييل ؟

هذا ريلج .. والمفروض هو اللي تثقين فيه ..

 

[*^^حرم الدكتور^^*]

يعني زووجج و عشرة عمر .. و مووووووووووووووووووووووووووو وااااثقة فيه

الوحدة لاااااااااااااااااااااااااااااااازم تثق بريلها اكثر من ما تثق بنفسها و من كل النااااس

حبيبتي تعوذي من ابليس هذااا زوجج و توأم روحج و شريك حيااتج يعني انت و هو واااااااااااااااااااحد

عن نفسي الصراااحة فكرة الحساب المشترك واااايد حلوة و التخطيط المشترك للمستقبل ممتااازة ،، انا و زوجي يتلنا هالفكرة و انشالله هاليومين بنروح البنك نفتح حساب مشترك

الله يخليكم لبعض و يحليج بعينه و يحليه بعينج

 

[.،:"$الـعـوبــــة$":،.]

انتي من البداية ليش استقطعتي معاه دام انك مو واثقة فيه ؟؟؟؟؟
الحين عاد صدق بتفتحين على نفسك ابواب مو باب للمشاكل !!
والله يعينك !​

 

[.،:"$الـعـوبــــة$":،.]

انتي من البداية ليش استقطعتي معاه دام انك مو واثقة فيه ؟؟؟؟؟
الحين عاد صدق بتفتحين على نفسك ابواب مو باب للمشاكل !!
والله يعينك !​

 

[أسيرة إنسآن]

تعوذي من بليس
هذا بليس يوسوس لج ويبيج تخربينها مع ريلج
اذا الرجال طق في راسه يتزوج يتزوج حتى لو كان حافي ومفلس والكل يطالبه
واذا قلتيه ودي اقطع الاستقطاع راح يحز بخاطره والرجال اذا طنقر ياويلي لا يحوشك

ودقي على البنك ساليهم اذا كان احد اطراف الاستقطاع يقدر يسحب بدون علم الطرف الاخر عشان ترتاحين
فياحبيبتي تعوذي من بليس ودحري عنج الشيطان وان شاء الله بعدين راح تستانسون بالفلوس الي جمعتوهم وبتضحكين على طريقه تفكيرج
وعسى يارب يهدي بالج ويسخر لج زوجك

 

[حلوه ولمآحه]

تعوذي من بليس بدا يلعب براسك بيخرب بينك وبين زوجك
خلي الكرت معك وكل فتره شيكي ع الفلوس ،،

 

[بداية النهايه]

استخيري الله
وبعدين فاتحيه بالموضوع

 

[tmtmt]

لا توسوسين مو زين ...
بتسوين حق عمرج سالفه من غير شي
الريال زين بعد ليش الشك

 

[om...al3ess]

لا حبيبتي اشدعوة لا تفكرين جذية بوووعيالج وتسيئين الظن في لا لا لا تعووذي م ابليس وانشالله صج صج قااعد ايمعلكم جم بيزة حق البيت

 

[هيومة فهد]

السلام عليكم بنات هذي أول مشاركة لي بس حبيت أشارك بالراي..انا مريت بتجربة مثل -انا كويتي-و كنت استقطع من راتبي وراتبه بحساب مشترك لكن بإسمه اهو و تاليتها و عقب كم سنة وصل الحساب 10 آلاف سحبهم بلحظة وقالي انه حطهم لبنيان القسيمة طبعا انا ما صدقته لأن الحكومة معطيتنا ال 70 الف و البيت انبنى بهالحدود..وين راحت الفلوس-الله أعلم-؟؟ وعلى فكرة ترى الثقة كانت 100% فيه..انا نصيحتي لج -المثل يقول --حرص و لا تخون--حاولي تفصلين الحساب لكن بالهدوء و تحكيم العقل..آسفة للإطالة

 

[ديانا سبنسر]

مدام تقولين الفلوس كل ساعة تزيد هذا يدل انه موحاط عينه على الفلوس وبعدين اذا هو بيسوي شي صدقيني محد بيرده خلي عندج ثقة فيه وتعوذي من ابليس