الفيزا وماادراك ماالفيزا

[ملح و سكر]

السلام عليكم ورحمة الله وبركاته

جمعه مباركه عليكم انشالله جميعا .....

ودى استفسر عن الفيزا البريطانيه ...ترانى والله زهقت ..ماادرى وين اروح ..

ادرى بتقولولى روحى حق التاشيرات وهم يعلمونج ....بس انا ماابى اروح وارد مره ثانيه واتعطل ...

انا عندى الاوراق الابلكيشن مالت التاشيره وعددها عشر صفحات ....بس فى ناس تقولى لأ ليش 10 صفحات احنا بس 3 صفحات عشان جذى تخربطت وموعارفه شسوى


وبعدين لازم يعنى احجز وبعدين اطلع الفيزا ولا عادى اروح اسوى الفيزا وبعدين احجز ....


رجاء بنات ردو عليى بسرعه لان ماعندى فرصه بعد الا باجر اروح اسوى الفيز


بس ابى اعرف لازم احجز ولا لأ ...ولازم اخذ عيالى لما اوديلهم الابلكيشن ولا عقب مايعطونى موعد


حق المقابله ...ادرى اذيتكم معاى بس والله محتاره ...ماادرى شسوى !!!!!!!
:0bee2e8d89:

 

[jen2n]

انتي رحت حق مكتب التأشيرة اليديد اللي جبال البنك المركزي بالديره؟

بالنسبه لج انتي لازم تاخذين الابلجيشن اللي فيه 3 اوراق اما عيالج اذا كانوا اقل من 18 سنه اللي بو 10 اوراق

واذا ما عرفتي تعبينهم بنفس المبنى بجهه ثانيه في ناس يترجمون ويعبونها لج

ولازم تاخذين عيالج معاج لان لازم ياخذون بصامات ويصورون

ولازم تكون عندج صور خلفيتها بيضه

انا لما سويت الفيزا ما اسألوني وين التذكره والا شنو اسم الفندق ولا جم بتقعدين سهالات اصلا

بس قالو لي عنوانكم ووقعوني بس هذا اللي صار

 

[ملح و سكر]

اشكرج اختى جين 2 بس اناعيالى 3تحت 18 وانا وابوهم يعنى اللى فهمته منج انه الابلكيشن اللى تحت سن 18 فيه 10 صفحات بس اللى اعرفه انه الابليكيشن مكتوب فيه امتى سفرتج فى اى تاريخ ..يعنى موشرط يسالونج لانه كاتبين فى الابليكيشن ..وعقب مااخذ عيالى ..هم بعد فيه مقابله ثانيه ... ازين انا صورت عيالى 4×6 وناس تقول 4×3 ..وخليت خلفيتهم بيضه .مثل ماقلتى ...بس لازم اخذ عيالى معاى.... طيب يوم السبت يفتحون ولا مسكرين ....................ومشكوره وايد على تواصلج معاى ....

 

[om l3yal]

هلا ملح وسكر مثل ما قالت jen2n اللي اقل من 18 يكون من 10 صفحات بس طبعا مو كله يتعبا واللي اكثر بس 3 صفحات
والصور تكون 4*6 خلفية بيضا واذا عيالج اكبر من 5 سنوات لازم يكونون معاج والسالفة ما تحتاج موعد والسبت فاتحين ععلشان يخففون الزحمة بس نصيحة حبوبة عبي الابليكيشن من البيت علشان ما يعطلونج

 

[ملح و سكر]

هلا فيج om l3yal............طيب الابليكيشن لازم نييبه من امكتب التاشيرات ...يعنى اوردى احنا لازم نكون كلنا هناك ...والا فيه مكان ثانى نقدر ناخذ الابليكيشن غير مكتب التاشيرات ..............

مشكوره وايد حبيبتى على تواصلج معاى ......

 

[om l3yal]

هلا فيج om l3yal............طيب الابليكيشن لازم نييبه من امكتب التاشيرات ...يعنى اوردى احنا لازم نكون كلنا هناك ...والا فيه مكان ثانى نقدر ناخذ الابليكيشن غير مكتب التاشيرات ..............

مشكوره وايد حبيبتى على تواصلج معاى ......

الشكر لله حبيبتي
اي لازم من المكتب مافي مكان ثاني

 

[ملح و سكر]

خلاص انشالله من باجر اروح للمكتب التاشيرات وابى اشوف ....

 

[ملح و سكر]

اليوم رحت الديره وقعدت افتر وادور على مجمع اللى فيه تاشيرات ومانى قادره ادله ...البعض قالى مقابل البنك المركزى

انزين انا اشدرانى وين البنك المركزى واقعد احوس ..واحوس ...ماخليت لاهندى ..ولاباكستانى ...ولاايرانى ..كلهم سالتهم عن البنك المركزى مايعرفونه ...اذا انا بنت الديره مااعرف مكانه اشلون العمال المساكين يدلونه خخخخخ....المهم ...قمت اوقف جم سياره وانا والله مستحيه !!!!


شقول وين البنك المركزى ..جنى الحين بروح اسوى سطو عليه ....وبعد معاناته دامت نص ساعه واكثر شوى قدرنا ندل البنك المركزى

وفعلا لقيت المجمع مقابل البنك ...الحمدالله دشيت ورحت اخذت منهم الابليكشن والحمدالله ان ماكان فيه زحمه ....وعقب ماطلعت


تاذكرت انى ماسالتهم عن الحجوزات ...يعنى اقدر اسوى الفيزا وبعدين احجز ....صج انقهرت( قدره الله وماشاء فعل ) بس مااقدر ارد مره ثانيه ....انشالله احنا بنسوى اللى علينا والباجى على رب العالمين ......

 

[الدلال]

اختي ملح وسكر تقدرين تسووين الفيزا تالي تحجزين,الفيزا مدتها 6 شهور ويمديج خلال هالمده تحجزين
واذا انتي ناويه هالصيف حجزي هاليومين ترى اغلب الخطوط فل, غير السكن هناك بعد

 

[LA TROO7]

حبيبتي ليش معذبه نفسج انا كل سنه اسوويهااا

أخذ اوراقي واروح لمكتب لتحت مكتب البريطانيه يعبي لج كل شي بساعه وخلاااااااااااص

 

[davidoff]

مو عارفين قصتج مع الفيزا اول الموضوع اتقولين عندج الابلكيشين منهم تالى مادليتى مكانهم والحين اتقولين اليوم اخذتى الابليكيشن

المهم السفاره مو شرط عندهم حجوزات الفندق او التذاكر اهم شي اتعبين الابلكيشن ويبون صور طبعا صورتين لكل شخص بخلفيه بيضه واذا
صعب عليج الابلكيشن ردي السفاره اكو تحت مكاتب اهم يعبون لج البيانات بس يسالونج وانتى جاوبي تالى يعطونج موعد حق البصمات واذا ماعليه زحمه بنفس الوقت اتسوون البصمات وسلامتج تعيشين

الله يكتب لج سفره ممتعه

 

[أحلى ما خلق ربي]

السسسلآم عليكم

إنتي بترؤحـين أؤربـآ فيزتهـآ تطلع بدقـآيق مو مثـل كندااا لآ ألحـين مـآ طلع ـت عسسى ربي يطلعهااا

روحـي السفريـآت والا ششؤفي مكتب السفاره البريطانيه في الكويت هذ1 موقعهـم

www.ukinkuwait.fco.gov.uk

واللي يعاافيج ادعي لي اسسافر هالصيفيـه كندااا

وششكراا