القاعدة الشامية !!!

[somebody]

السلام عليكم .. اشلونكم يا كويتيات ، هذي أول مشاركة لي معاكم
بنات من اسمعت أو جربت القاعدة الشامية ؟؟ اهم ياخذون العيال من سن 4 الى 10 سنين
بنات اللي عندها فكرة تفيدنا!! والله يعطيكم العافية

 

[somebody]

اشدعوه بنات ما حد سامع فيها .. ردوا علي

 

[منى وبس]

السلام عليكم ورحمة الله وبركاته
بصراحه القاعده واااااااااايد حلوه للأمانه
انا كتبت عن الموضوع بقسم المنقاشات بس ما شفت رد
ولدي عمره 4 سنوات دخلته تاسيس عربي وظليت مستمره معاهم لين خلص 4 مستويات عربي وبصراحه من خلصت معاه الكتب صار وااااااايد شاطر بالعربي بالبدايه كنت وانا معاه في الطريج بالسياره كان يقرى المناطق واهو بعده ما كان داخل المدرسه وتفاجئت بيوم انه وصل على تلفوني مسج والا يبطل المسج وقام يقرى اشوي انا بنفس الوقت تضايقت عشان شافه وفرحت عشان بدى يقرى
والحين الكل يشتكي من منهج امل فراشة بيضاء واسراء فراشة ملونه الا ولدي والحمدالله الحين يقدر يتملى اي شي وبدى يقرى قران وهالشي وااايد ونسني فيهم انه يعلم قراءت القران قراءه صحيحه وطبعا هالشي وااايد بيساعده بايات القران ما يغلبني واااايد بحفظهم
والحين عقب ما خلصت العربي دخلته انجليزي منهج اكس فورد وانا جاهزه حق اي سؤال حق خواتي للفايده وعلى فكره عندهم افرع وااايد تقريبا عشر اللي تبي اي فرع وانا اودي ولدي اجيب لكم عناوينهم حق خواتي المؤمنات
والسلام عليكم ورجمة الله وبركاته

 

[صباح الخيرفي كل الأوقات]

والله أنا سامعه أنه يقوي الأطفال حيل وودي أدخل ولدي عمره أربع سنين ...
يا ريت يا اختي تعطيني عناوينهم ...وإذا كان لهم فرع في مدينة سعد العبد الله اليديدة

 

[الفرسان الثلاثة]

شالفرق بين القاعدة الحلبية و القاعدة الشامية؟؟

 

[ابله نظيرة]

تكفيييييييييييييييييييييييييييييييين ابي مكان قريب من عبدالله المبارك (( غرب الجليب ))

 

[أم^تركي]

بالقرين اي صوب او مبارك الكبير

 

[<< أزيان >>]

بنات

شنو القاعده الشاميه

غير عن

القاعده الحلبيه

فيدونا الله يعافيكم

 

[صباح الخيرفي كل الأوقات]

واللي يعافيج أختي ردي علينا بسرعة وعطينا العناوين ...بدل ما عيالنا الصغار قاعدين جذي بالبيت ..خو ماكو روضة ولا شي

 

[منى وبس]

هلا وغلا فيكم
القاعده الحلبية غير عن الشاميه بواااااااااااااااااااايد للأمانه انا ولدي بالشاميه الصف عندهم عدد معين عكس الشاميه اقل شي بالصف 25 طالب بالحصه الوحده
وعلى فكره واااااااايد عسولين و يرخصون اذا دخلتي ولدج كذا ماده واللي مألف كتاب العربي خطيب بوزارة الاوقاف عشان تسير قراءت القران قرائه صحيحه واللي يعرف يقرى قران بيعرف يقرى كل شي
وهذا رقم الاداره المسؤله عن كل المراكز بالكويت اتصلي عليهم اهم يشرحون لج المنهج وقولي لهم انتي باي منطقه واهم يقولون اي مكان اقرب لج عرفتوا بالتوفيق انشالله للكل وعقبال عيالهم يتخرجون من الثانويه
97202578
بالتوفيق للجميع واي سؤال ثاني انا بالخدمه

 

[صباح الخيرفي كل الأوقات]

مشكووووووووووووووره يا عسل

 

[منى وبس]

العفوووووووووووووووووووووووووو وبالتوفيق يالغلا

 

[سيدة الكويت]

رفع

 

[*_* *_*]

السلام عليكم ورحمة الله وبركاته
انا لي تجربه معاهم عندي ولد ثالثه ابتدائي بالحكومه وكنت اعاني انه كان وايد ضعيف بالعربي بالقراءه والاملاء والانجليزي بعد اوف معاناه فدخلته القاعده الشاميه العصر في مدرسة الرؤيه فدخلته بعطلت الصيف وكملت معاه حتى مع المدرسه صج انه كان يرجع تعبان من المدرسه والعصر بعد تاسيس وانا دوام بس ضغطت عليه وشجعته والحمدالله الحين وايد تطور بالعربي والانجليزي واملاء العربي ممتاز بالمدود والحركات الحمدالله بصراحه امدحها لكم
على فكره انا كنت اجيب له مدرسة عربي خصوصيه وكنت اقط فلوس بالهبل بس مافي فايده كنت اوفر راحتي مالي خلق اوديه وارجعه وقلت عشان راحته اهو بس كانت تاخذ عالحصه 5 دنانير ولا في فايده
والحين العايله كلها قاعده شاميه اللي رياضيات واللي عربي واللي كذا ماده
وبالتوفيق للجميع وعقبال الامتياز انشالله للجميع :tek:

 

[النوالنو]

انا دخلت بنتي لغه عربيه والله مدري للحين اول يوم
اشرايكم امهات للي جربت القاعده تقول لنا

 

[*_* *_*]

[b]صج وايد حلوه التدريس قوي والله ولد اختي بثانيه ابتدائي صار يعرف يقرى ويكتب منهم ودايم يقول ابيىمشروب غازي قاري البيبسي مكتوب عليه مشروب غازي
العربي يالغاليه وايد حلو وكتبهم مبسطه وسلسه كامله كل كتاب يكمل الثاني يعني النتيجه بالنهايه اللي ترضيج[/b]

 

[غلاي عزوزي]

انا الحين مدخلته الحلبيه بصراحه تعليم بطئ وممل ولازم تستمرين شهور يالله تشوفين نتيجه الحين ولدي 3 اسابيع معلقين علي حرف الالف وجم تمرين حلهم انزين باجي الوقت الياهل شيسوي

لانهم تعليم فردي يعني بالساعه تقعد معاه 5 دقايق ومع السلامه ومايسوا روحتنا بهالشمس والعصاري كل يوم الحين بيصل الاشتراك شهر طبعا لاني بجرب وما استفاد شي احطلته مدرسه بروحه تي للبيت وتجابله وتهتم فيه بروحه مو تركيزها مشتت علي كل ياهل وانا دشيت كذا مره الصقوق الابله بس قاعده علي الكرسي ومالها خلق وتنادي يافلان وتقعده يمها وتمسك كتابه كلمتين تقوله هذا الحرف الف حل هالتمرين ويرد يقعد مكانه وتنادي الي وراه وعلي هالحال كل يوم

اصلا ولدي يبجي كل يوم مايبي يروح حسافه علي فليسلتي الي راحت وتعب روحتي والرده كل يوم

والله اني ادرسه فالبيت وصلنا لي حرف الشين لانه توه تاسيس روضه واهما توهم علي حرفين ثلاث بهالقاعده الفاشله

 

[علا الجهراء]

رد : القاعدة الشامية !!!

يسعد صباحكم يالحلووووووووووين

انا بالنسبه لي مدخله بنتي واخوي مدخل ولده لمركز فرح التعليمي واشووف النتائج طيبه

وتسر القلب والخااطر يكفي للامانه انهم مراعين ربهم وامانتهم في شغلهم والادارة

ممتازة لدرجه يقولون لنا انتم عيونااا داخل الفصل اي ملاحظه اي شي

بس بلغونه وانا ناس نفس جذي مافرط فيهم وماشاءالله اشووف فييه تحسن كبيرر في

مستوى بنتي وولد اخووي واذا تموا جذي ع المستوى اتوقع لهم مستوى مشرق


يكفي التأسيس عندهم قووووي عكس المراكز اللي قطيت عليها دم قلبي ولافي نتيجه

اعطي المركز منيه وادفع للمدرس منيه لكن للامانه مع مركز فرح التعليمي ارتحت


كثيييييير واتمنى ربي يوفقهم ويعطيهم الصحه والعافيه جد جد مايقصرون مع عيالنا


واللي تبي ارقامهم


موبايل /97793901
المركز / 24536150

ملاحظه نسيت اقولها ترى المركز بس العصر اما الصبح اداره ثانيه حضانه وهم يمدحونها زميلاتي اللي مع بالدووووووام

اتمسون على خير واتمنى لكم احلى صبااح يسعد ربي قلوبكم ​