القرقيعان ، دعوة عامة، هام جداً / جماعة الورد / جنتي

[حديث الروح]

:ggdw::eh_s(7): القرقيعـــــــــــــان !!!

الكل مدعو ليشارك ,, القرقيعان يقام بضيافة
الساحة وأصحاب الدعوة .. الوورد اليومي
باسم ( جنتي زوجي ) وهذه عادة تراثية جميلة
للترفيه فقط .. فأهلا بمن تحب المساهمة ..
بسلة كركيعان .. بحضور أطفالها أو إخوانها
وتسجل إسمها واسم من معها وحبذا لو تنشر
صورة للطفل إذا أحبت وإذا أرادت أن تحضر زهور أو حلوى فكما تريد والوقت مفتوح حتى
الساعة ال 12 ليلاً وستتجمع الحلوى ونوزعها
على أطفالنا أو أي أطفال يدقون الباب دق دق !
واللي عندها ذكرى من طفولتها او نشيدة
فالمجال مفتوح للكل ,,,,

رجاء لاتحضروون الكركيعان إلا بالليل واللي
تريد تكتب الآن أي شي فأهلاً بها

وراح اكتب فقرة بسيطة واللي تريدأن تكتب
نشيد القرقيعان وتذكر اسم ولدها فحياهااا....

 

[حديث الروح]

أسماء القرقيعان في الخليج :
في الكويت والسعودية // الكركيعـــــــــــــــان .
في الإمـــــــــــــارات // ( حق الليلة أو حق الله).
في البحــــــــــرين // الكركاعــــــــــــــون .
في عمـــــــــــــان // الطبلـــــــــــــــــــــة.
في قطــــــــــــــــر // الكرنكعـــــــــــــــــوه .

 

[حديث الروح]

القرقيعان من أهم العادات الشعبية الرمضانية في المجتمع
الخليجي. وحسب ماقرأت من المصادر أن هذه الكلمة معناها
لغوياً ( قرّة العين في هذا الشهر )
والقرة : إبتداء الشيء ، وبمرور الزمن صار اسمها قرقيعان .
وكان عبارة عن سلة من سعف النخيل يوضع بداخلها خليط
من المكسرات والسبال والتين المجفف والحلوى.

 

[حديث الروح]

من أناشيد ....
البنات : كركيعان وكركيعان ..
عادت عليكم صيّام كل سنة وكل عام ..
عطونا الله يعطيكم .. بيت مكة يوديكم
يامكـــــــــة .. يامعمــــــــــورة !
’’’’’’’’’’’’’’’’’’’ ******** ’’’’’’’’’’’ *********

 

[حديث الروح]

أناشيد القرقيعان للأولاد أعرف منـــــــها

(( سلم ولدهـــم ياالله.. خلّه لامّــه ياالله))

 

[شادن33]

وسلم توته يالله خلها لامها يالله
وسلم عبودي يالله خله لامه يالله
وسلم سوسو يالله خلها لامها يالله
وسلم روري يالله خله لامه يالله
ههههههه

 

[حديث الروح]

رائع شدوون ! الله يسلم لك الصغار الأعزاء ...

مؤكد عندك ذكريات عن طفولتك مع القرقيعان .. نتشرف اذا حكيتيها بكلماتك المتفائلة !!

 

[شادن33]

عيالي مو وايد صغار
اللي بالابتدائ واللي بسابع واللي واللي فديتهم وفديت عيونهم الحلووووه

 

[شادن33]

اي روح عندي ذكريات حلوووه مع القرقيعان

اذكر مره طقينا باب ناس جان تطلعلنا وحده معصبه وهاوشتنا ههههه
الظاهر ماخلينهاهم يرتاحون عقب الفطور
لين الحين اذكر شكلها ههههه

وبس تبنا اندور كل البيوت الا هالبيت ههههه

وانا كنت اختار بنات الفريج اللي مااحبها مااتيي ويانا نشرد عنها بسرعه ههههه
وناسه والله كانت ايااام

 

[Patcholli]

عادة تراثيه جميله جداً و عالاقل مازلنا نتمسك بريحة الماضي من خلال ممارسة هالعادات التراثيه الجميله حتى لو انها خذت طابع جديد ومختلف تماما لكن تظل الممارسه الجميله لها طعم وروح شعبي وتراثي خاصه في شهر رمضان الفضيل اللي تختلف اجوائه عن باقي شهور السنه ..


سلم باتشو والله خلها لامها يالله ^_^
سلم شدون يالله خلها لامها يالله
سلم قمور يالله خلها لامها يالله

سلم ربع الحياة الزوجيه يالله خلهم لامهم يالله

 

[شادن33]

فديييت أنا باتشوووو

يارب ياحبيبي يرزقج بالولد الصالح وتفرحين فيه وتغنين الله في القرقيعان يا قادر ياعزيز <<< دعوه صايمه
امين

 

[Patcholli]

اميييين شدون والله مادري ليش احس دعوتج واصله لان نيتج وقلبج طيب :***********
بعد قلبي والله

 

[عاشقة الاسلام]

وسلم ساره يالله خلها لامها يالله

 

[حديث الروح]

أحد .. أشكال القرقيعــان ..مــــع

الفانـــــــــوس.....::.....::.....

 

[نهى الأحمد]

قرقيعان وقرقيعان


يا حلو ايام القرقيعان في رمضان


مشكوره حبيبتي روح على الموضوع الحلو

قرقيعان وقرقيعان بيت قصير ورمضان

عادت عليكم صيام كل سنة و كل عام




سلم ولدهم يلا خله لامه يلا


عسى ربي يسلم عيالكم ويخليهم لكم

 

[زعفرانة_73]

يا حلاة القريقيعان وزمان أول
اتذكر يوم كنا نقرقع وكل وحده لابسه حول رقبتها جيس القريقيعان من قماش ونتجمع مع بنات الفريج ، كان بالنسبه لنا هالقريقيعان كنز نقعد نآكل منه ليما يجى العيد .:eh_s(9):
الله يرحم زمان له ذكريات محفوره بالقلب

​

 

[حديث الروح]

وهذا الكركيعان الفاخر هدية لزعفرانـــــة ونشكرها على مشاركتـــــــــــها بذكريات طفولتهـــــــا مع الكركيعان....
الله يخلي زوزو الله يخلها لامها عسى البكعة ماتخمهاولا
تواسي على أمها

 

[كلـــــي غنج]

السلام عليكم

سلم روحو يالله خلها لأها يالله

سلم شدون

سلم سمور

سلم فجور

سلم بنات الورد يالله

وخلهم لأهلم يالله

وربي يسلم لي امي ويخليها ويحفظها ان شاء الله

..

روح مشكورة يالغالية الموضوع يونس

 

[كلـــــي غنج]

هذا القرقيعان مني لكم

هذا لبنات الورد .. من باتشي

وهذا لبنات الزوجية

وهذا لركن العروس

وهذا لقسم العمليات الجراحية ربعي

 

[كلـــــي غنج]

وهذي الحلوة منو مزعلها عطوها قرقيعان