القشعه وكف مريم

[عيون ملكيه]

قوه بنات انا شريت العشبه و طحنتها و صراحه ماادري اشلون اشربها
افوحها و لا احطها على ماي حار و لا دافي و اشربها ؟


بنات قولولي ترا وايد مدحتوها لي جربت كف مريم و الله العالم اهي اللي نزلت العوار

بس العشبه او القشعه ما عرفت لها

بنات هاذي كف مريم ( شكلها يخرع)

وهاذي القشعه

 

[قطوووة]

مادري والله ..
بس صج الاولى شكلها غريب

 

[M!sS_D!oR]

اي الاولى كف مريم انا شربتها قبل ولادتي تساعد ع الولاده سبحان الله والسهالات من الله بس وصفها لي دكتوري وقالي شربيها واهيا تفوحينها بماي وتشخلينها وتشربينها والله المسهل

 

[الفدعى]

كف مريم حق شنو يابنات

 

[.،:"$الـعـوبــــة$":،.]

صح كف مريم شريتها قبل ولادتي سبحان الله تكون مثل المف شلون مسكر ،

واذا فوحتيها تنفتح بعد مثل الكف بعد ،

شي غريب ،

والقشعه توني شارريتها لأني سقطت الحمدالله على كل حال ،،​

 

[.،:"$الـعـوبــــة$":،.]

مكرر

 

[احساس الغضا]

كف مريم اذا الوحده معها طلق تحميه وتفتح الرحم بسرعه اما العشبه فيسمونها عشبه المدينه وهي تساعد على تقويه المبايض

 

[(ام سارا)]

كف مريم تهببل بس ماتخذينها الا اذا حسيتي ولادتج قربت وطريقتها تفوحينهااا بمااي بدون ماتطحنينها ترا وتصفينها وتشربين علا فترات باليوم ..وربي يسهل لج امورج ..

 

[شارليز ثيرون]

انا توني جربت القشعة الدورة اللي طافت خطيرة مع اني كنت خايفة منها مادري ليش
انا مافيني شي بس شربتها جذي
فوحي حليب طازج وحطي معاها مسكة قشعه ورشة حلبة مطحونة وحبة سودة واشخليها
اللي قالت لي الطريقة أم صلاح الشمري رحت لها قبل فترة مرختني
اما كف مريم ما اعرفلها

 

[مألوفة]

انا جربت كف مريم بولادتي وكنت بجرية

حسيت بالطلق حطيتها بماي بارد مو مغلي وقريت عليها سورة مريم بالقرآن سيدا رحت المستشفى ولدت بس التساهيل من الله سبحانه وتعالى

 

[بناتي سكر نباتي]

القشعه جربتها لما مات البيبي بطني وكنت ابي يطيح وبصراحه مافادتني رحت الطبيب ونزلوه

 

[shayto0oNa]

القشعه مو طبيعيه تهببببل انا لما سقطت ماسويت تنظيفات وشربتها من ثلاث الى خمس ايام اول الدوره تفوحين حليب فرش ( المراعي) وقفشة قشعه لاتفوحينها لا حطيها بالكوب بس بعد الفطور مو زينه عالريق

والله لما رحت الطبيب سولي سونار بعد التسقيط ب اسبوع انصدم الدكتور يقولي رحمك زي الورده هههههه

وانا دايما تصير فيني تكيسات وتنزلهم وتقوي المبايض حيييل زينه

 

[كل الحلا فحبيبي]

زين واللي ما فيها طلق وخلت اول اسبوع من التاسع تهقون تفتح الرحم

 

[عيون ملكيه]

صح كف مريم شريتها قبل ولادتي سبحان الله تكون مثل المف شلون مسكر ،​

واذا فوحتيها تنفتح بعد مثل الكف بعد ،​

شي غريب ،​

والقشعه توني شارريتها لأني سقطت الحمدالله على كل حال ،،​

العوبه حبيبتي ما تشوفين شر
و اجر و عافيه ان شاء الله
بس عفيه اشلون طريقتج بالقشعه
انا صارلي 3 ايام بس ما استعملتها

لأن لا امي و لا خالتي ام ريلي يعرفون لها

 

[عيون ملكيه]

انا توني جربت القشعة الدورة اللي طافت خطيرة مع اني كنت خايفة منها مادري ليش
انا مافيني شي بس شربتها جذي
فوحي حليب طازج وحطي معاها مسكة قشعه ورشة حلبة مطحونة وحبة سودة واشخليها
اللي قالت لي الطريقة أم صلاح الشمري رحت لها قبل فترة مرختني
اما كف مريم ما اعرفلها

عفيه شيكي عالخااااص

 

[عيون ملكيه]

بنات ترا انا احس ان اللي نزل الجنين من بعد رب العالمين كف مريم

لأن كانت خالتي ام ريلي تفوحها لي الصبح و بالليل

و اشربها اول ما اقعد من النوم و قبل النوم

و صراحه سهلات من رب العالمين

تميت عليها 4 ايام

 

[ضحاوي الديره]

الحمدلله نزل عسى ربي يعوضج خيييييير انشالله عاجلا غير اجل
وترا دايم يقولون التسقيط يتبعه الحمال

 

[.،:"$الـعـوبــــة$":،.]

العوبه حبيبتي ما تشوفين شر
و اجر و عافيه ان شاء الله
بس عفيه اشلون طريقتج بالقشعه
انا صارلي 3 ايام بس ما استعملتها

لأن لا امي و لا خالتي ام ريلي يعرفون لها

الله يسلمك ،،

للأسف تعبت حيل تعبت ومازلت تعبانه والله ،،

لأن صار معاي نزيف حاد واضطريت ادش المستشفى ،،

الحمدالله على كل حال ،،

طريقتي افوح كوب ماي فيه ملعقه كبيره من القشعه لما تفور اشخلها واشربها وبس ،

الله يعوضنا خير ان شاءالله ،​