القطيه- الهديه -الزواره؟؟؟ اللي تكسر الظهر

[الباسمه]

قوه بنات شخبااااركم
اكيد فهمتو الموضوع اللي صار زايد عن حده بالكويت وهوووووووو
الهدايا اللي ما تنتهي هذي ساكنه وهذي والده وهذي ماجره وهذي بالطبيب وهذي متزوجه
يابنات والله السالفه مو ساااالفه بخل بالعكس حلو ان الناس تشاركج الفرحه بس بحدوووووود
بعطيكم مثال الحين عندي وحده والده والثانيه بتزوج
وكلهم يقطون لي ويتعنون --- يعني مو اقل من 100 اذا انا ولدت
طيب ما يصير اني اصرف بشهر 200 دينار بس هدايا يعني ما ورانا التزاااااماااات؟؟
وهم مو حللللللوه تردين الهديه
الحييييين حدي متوهقه شسوي معاهم
والا معقوله اتسلف عشان اهادي وحده؟
هذا هم يعتبر من الاسرااااااف
ردوووووو علي واسفه على الاطاله:eh_s(14):

 

[ام نموله]

كلنا بالهم سوااااااااااااااا على ما قالو .بس شنسوي هم بعد فشله ما نقدر ما نقدر الناس الللي قدرتنا و الله يعينا معاكم على رد الجمايل لاهلها.بالنسبه لي انا مخليه لي رصيد للتوفير و هو بصراحه ما يقعد شهر واحد ثابت بسبب الهدايا بس يساعني وقت الازمات مثل هذي .

 

[الباسمه]

ادري ام نموله هذي مشكله تخص الجميع واتمنى البنات يشاركونا مو بس يقرون ويطلعووووون
بس اذا بحط حساب توفير وبيروح هدايا عز الله ما وفرت
حبيبتي الفلوس تخلص بس المواجيب ما تخلص

 

[بنت ناس وقلبها الماس]

انا مره توهقت وحده هدتني 50 وابي اردها لها وانا ما عندي شي غير اعانة الجامعة 100
عطتني اختي طقم ذهب مال بيبي مع ملابس من مذكير على ادمز عللى مجموعة من ماركس اند سبنسروخلص الموضوع
اذا ما تقدرين فلوس سوي نفس ما سويت وخلاص

 

[أم ناصر93]

نفس المشكلة عندي

أهلي أهل واجب بقوة

أمس كان عندي 4ولادات وكل وحدة بمستشفى ...وعليج الحساب

وغير الزواج واللي ساكنه بيت جديد وهلم جره

فعندي مشكلة في رد الهدية الكبيرة... تبي مدخول ثاني والله

*******


لكم تحياتي

 

[أم وهابي]

بنات لا تضغطون على نفسكم

تقدرون تاخذون اشياء بفتره الشيل وتحتفظون فيها

او تشترون اجهزه كهربائيه ما تكلف وايد مو شرط الا فلوس

 

[ام فجور 2008]

كلنا نفس المشكلة
انا وحدة لمن ولدت عطتني 100 هذه شنو بعطيها

 

[الباسمه]

يعطيكم العافيه على مروركم وردكم
بس صااجه اختي ام وهابي اقدر اشتري اله كهربائيه والحين سعرهم نااازل حيل
بس اللي والده ما تصلح لها ابدا؟؟
ام فجور الظاهر انا كل شهر بسوي قطيه لنفسي وبخشها عندي 20 او 30 لهالهدايا اللي ما تخلص

 

[الباسمه]

اب اب اب

 

[بيت التوت]

حلو التقدير بس بحدود المعقول ويكون شي رمزي

 

[الباسمه]

صاجه شووووق التقدير مو بالفلوس والعطا
بس شنسوي اذا المره جايبه هديه غاليه صعبه اعطيها شي ماشي حااله؟؟

 

[james546613]

الغاية من الهدية هي المحية مثل ماقال الرسول صلى الله وعلية وسلم "تهادوا تحابوا " لكن الي حصل المبالغة وواصبح الهدف مختلف قص ظهر وتدين من فلانة وغيرها وبنرد الهدية وخبة واضاعة وقت وفرفرة -انزين مسكينة الوحدة الي قاعدة بيت اهلها ولانزلت بيت ولاعندها عيال ,مامهنتها الا تقط وتصرف ومحد يذكرها (هاذي شنو ذنبها )

 

[الباسمه]

والله صاااجه انا معاج بهالنقطه فعلا فيه حريم ما عندهم مناسبات اقصد ولاده او بيت جديد وتلقينها تقط على الاكو والماكو عشان تثبت هويتها وعلشان الناس ما ينسونها بعد
بس بصراااااحه صار الامر مبالغ فيه مفروووووض نهدي اللعب شويه

 

[Nokia N95]

اذا الوحدة ولدت بنت ... عطيها تراجي ذهب ... اعتقد ما يكلفج شي
واذا يابت ولد .. اخذي لها ملابس من مذر كير .... ميزتهم ان الام تقدر ترجعهم وتاخذ شي بدالهم اذا ما عجبها اللي عطيتيها ياه

اذا وحدة نزلت بيت يديد ... اخذي لها مكينة براون 6 في 1 من مركز سلطان بـ 30 دينار
واذا وحدة مريضة ... اخذي لها صينية حلو


مولازم الهدية تكون فلوس ... الا اذا عرفتي ان اللي راح تعطينها الهدية محتاجة للفلوس اكثر من الهدية

خلي هذا منهجج بالحياة وصدقيني اذا في ناس ما عجبهم هالشي ... بعد فترة راح يقلدونج
انتي قومي بالواجب ...
والله سبحانه وتعالى قال ( ولا تسرفوا )

 

[سموالاميره]

انا صارلي تقريبا 5 سنوات ما اروح للوالدات خلاص لاعت جبودنا من الصرف بس خواتي وحريم خواني هذول ما اقدر اصد عنهم والعروس اخذتها قاعده ما اعطي شي لان الرياجيل قطعوا العانيات احنا الحريم نصير عكس السير .

خلاص محد في حاجه مثل قبل الحريم توظفوا مو مثل قبل يعني وفروا فلوسكم احسن لكم تجيكم سفره فجاه ولا شي انتي محتاجته شراح تسوون.

تحياتي

 

[A. style]

والله انج صاجة شوفي حبيبتي احنا في البيت 3 بنات مع الوالدة الله يطول بعمرها سياستنا في الهدية كالتالي .. حلوة
كل وحدة تقط 20 اذا هدية عرس او بيت ويصير المجموع 80 وممكن نزيدهم اذا الوحدة تستاهل ونهديها باسم ام فلان وبناتها والحريم صارو يعاملونا بالمثل واذا ولادة كل وحدة 10 ويصير 40 مع القهوة السنعة الا اذا احد قريب حيل وحبينا نساعد هذا شي ثاني
اسمنا مانسينا احد ووجبنا الكل .. شرايكم اول شي بتستحون وبعدين بتشوفون انكم ارتحتو وريحتو غيركم

 

[Fouz]

والله صاجة،، الالتزام من كل صوب الدوام الاهل الصديقات الجيران ماشاءالله

بس انا صار عندي قاعدة خاصة بالولادة،، الهدية حق الياهل الاول بس،، الدوام حطة 10 دنانير و نفس الشي الرفيجات هم نحط حطة تتيمع و تصير خوش مبلغ،، وايد أحسن من انج تشترين هدية بروحج او حتى ماعون حلو لأن ماكو شي بعشر دنانير فالحطة تيمع مبلغ يترس العين و ما يكلفج وايد،، و الله يعين

 

[الباسمه]

مشكوره اختي نوكيا على الافكار
وسموالاميره صعبه اقطع القطيه على طوول المفروض اقللها عشان الناس تتاثروتسوي نفسي والكل ما يسرف بس اقطعها فجاه موماااااااقدر
ام فهد فكرتج حللوه وانا وخواتي لنا سنه نسويها بس مراات اطر اقط بروحي لرفيجاتي وبعض معارفي
فوز على ماقالو كل مشروك مبروك الا الزوج طبعا هههههههه
مشكورين بنات على مروركم وتفاعلكم

 

[نوارر]

انا بصراحة اللي يقدرني أقدره ...... لكن مو مع الخيل يا شقره ... يعني مثلا بالدوام ما اقط حق كل وحدة علشان احط حدود بينا ..... تعرفون بعد الدوام يوم انتي حبيبتهم و يوم عدوتهم فأحس انه ما لاداعي ، تخيلو رفيجتي معاها وحده بالدوام توفت الله يرحمها ..... قامو البنات حطو لها حطة ..... وصلت الى الوفاة يعني الوحدة يخلص عمرها و الالتزامات ما تخلص..... نصيحتي لا تضايقون نفسكم علشان خاطر الناس يعني كل وحده و امكاناتها المادية لان الهدية بمعناها مو بقيمتها..... و كل الشكر

 

[baby johnson]

واااااااااااااااااي
جنج تدرين شفكر فيه
امبييييه صج احنا لازم نقدر الناس الي اييبونلنا بس ياربي تنحرجين والله
مثلا انا طالبة بالجامعه وعلى الله وعلى هال100 وفوقهم مصروفي من الوالد
يعني اذا بالشهر 3 او 4 عيدميلادات وكلهم يقدرون وييبون شي سنع قولوا انا ماعندي ولادات واستقبال بيت وهالكلام
بس العيدميلاد بروحه يهد الحيل
الله يعين وانشاءالله الي قصرنا معاهم الحين نعوضهم اذا اشتغلنا
بس امبيه انا عن نفسي احس معاشي كله بيطير عالهدايا
حرام