القولللون تعبني

[23ميما]

قووة بناااات عسااكم بخييير :eh_s(8):

انا اعاني من القولون واشعر بتعب شديد وتقلصااات بالمعدة وانتفاخ وغااازات بالمعدة مع

الالم مع اني اشرب اعشاب كمون ونعناع وزعتر ولكن ابد مايخف كرهت اني اقبل ع الدراسه بسبته

ف اللي تعالجت من القولون تطرح تجربتها والله يبعده عنكم ياارب لانه متعب حتى نفسيتي بالحظيظ

والاسبوع الجاي دوامي ف انا حييل مضايقتني هالمشكله سواء شريتوا شي من حريم فااد للقولون

اذكروة الله يبعد عنكم كل مرض

 

[7oor-el3uoon]

حبيبتي انا امي فيها قولون وراحت الطييب وعطاها دوا وابتعدي عن الخميييرة كلش لل تيين صوبها هذا الي اعرفه واسأل امي ان شاءالله وردلج خبر

 

[(حكاية قلب )]

هو فيه قولون هضمي من لخبطة الاكل وقولون نفسي من كثرة التفكير وهاي اكثر شيوعا ,حاولي ماتفكرين بالي يضايقج وانا اعرف ناس صار لهم قولون
والادوية مافادتهم غير انج تتقربين من الله سبحانة وتقرين قرآن
والله يشفيج حبيبتي ​

 

[ام فوفوو]

نفس الحاله

 

[عـيّــآره]

ماتشوفين شر حبيبتي ماعندي فكره روحي الطبيب احسن

الله يشفيج ان شاءالله​

 

[سيدة بيتي]

الحال من بعضها ربنا يشفيك

 

[غـلآوي ّ ~]

ليششش دوآ مِن حريم القولون مو شويه ترئ عوآره وآثـآره تأثر عليجّ لو مآعآلجتيّه

روحيّ دكتور استشاري انا فيني قولون عصبي تعآلجت عند الدكتور مساعد العصفور بالشعب

 

[بنت الاحلام]

هلا وغلا انا فيني من عمري 13 سنه مابقا دكتور مارحت لع علاجه نفسي صدقيني

ريحي نفسيتج وبس

 

[23ميما]

لكل اللي ردوا علي مشكورين وربي يرفع عنكم كل مرض وهم ياااااااارب

انا تعبت من ادويه الطبيب مامنهم فايدة وشريت من الصيدليه مثل النتيجه والحال سيئ

من صااار فيني القولون صرت احاتي واعصابي تلفااانه ع الاخر

 

[شندوخه]

مافي علاج نهائي للقولون بس في اشياء تخفف او تسكن
انا جربت المليسه حلوه للقولون والتقلصات
والبابونج واليانسون يهدون
وماتشوفين شر

 

[رجفة وهم]

أنتي مثلي الله اعلم بالحال وربي صارلي سنة وشوي وأنا اسهال مزمن معاي تكرمون

رحت للمستشفى قالت ماله علاج رحت لدكتورة ثانية أعطتني علاج فادني اسبوع وقف الأسهال بعدين رجعت مثل ماكنت

كل شيء اكله على طول على الحمام تكرمون حتى برمضان جربت أني ماأكل ولاشيء بس تمره وحده ومويا والله لايوريك نفس الشيء

كله حالتي مغص وانتفاخ والم بالظهر وجسمي كله يعورني

ياليت لو فية احد جرر علاج وفاد يفيدنا

الله يشافيك ويشافي كل مريض

 

[أم عمران]

حبيبتى الحجامه بفضل الله عزوجل تعالج القولون نهائيا

تبى اى استفسار راسلينى على الخاص

 

[know thyself]

شكلها جرثومة المعدة
سوي فحص الجرثومة ويمكن تطلع معاج
لان القولون يتعالج ويهدي بالاعشاب
اما الجرثومة لازم مضاد حيوي لمدة اسبوعين

الغي شي اسمه وجبات واكل مطاعم البلا كله منهم

وشوفي اكلج اذا كان قولون صج....
لا تاكلين بقول ولا بصل ولا كرنب ولا زهرة ولا فلافل ولا خيار ولا فجل ولا بروكلي ولا تكثرين خبز واجبان ولا تشربين حليب وايس كريم وكاكاويات
منعي القهوة والشاي الاحمر والهيل والفلفل الحار والبارد والمعكرونه والباستا والكريمة.....والخميرة.....
اكلي عيش مشخول روب دياي لحم مشوي كوسا طماط بيض بطاط مفيوح او مشوي وانسي تقلين اي شي القلي ممنووووووع لانه يهيج القولون
اخذي ملين اسمه نورماكول من الصيدلية وحبوب الفحم الدكتور يعلمج اشلون اهم شي حبيبتي ما يقعد شي ببطنج حااااربي الامساك وديري بالج من الاسهال.....
وللمغص اخذي دوا اسمه كولوسبازمين .......ان شالله يمشي معاج...
ومن المستوصف في غرشه وردية صلاحيتها اسبوع زينه للانتفاخ......سوري ما اعرف الاسم.....
وتري القولون يهيج من التعب والارهاق او قلة الحركة والخمول.....
وشربي ماي وااايد تري القولون اذا جف مشكلة وزيتيه سبحان الله نفس المكينه بزيت الزيتون بس حطيه بالسلطة او اخذي ملعقة صغيرة....
وداومي واستانسي ما في الا العافية.....
بس لازم تلتزمين
القولون مرض مزمن وقاسي ...........الله يعين.....

 

[مملكة العشاق]

الله يشفيج

 

[كفاك]

عليج بقشر الرمان

 

[nonote!]

نفس االحاله اهمم شي النفسيه ولا تزعلين روحج

اما عن الاكل ف انا مخربتها هههه

 

[الزورق222]

نفس اعراض اخوى الله يشفيكم .. نوعا ما الحجامه تفيد والحمدلله الحين وضعه زين افضل من اول ..
واكيد ماياكل من مطاعم ولا دسم وبعد الرقية الشرعيه لاتنسينها ..

 

[اللهم الجنة]

في حبوب الفحم بالصيد ليه تررريح

 

[اوبراا]

الله يشفيج