القولون ومن يعلم عن القولون

[ام يعقوب]

السلام عليكم
اخواتي ممكن نفتح موضوع القولون .
أنا شاكة إن فيني قولون بس مو متأكدة لأن الألم احس كأنه من المبايض.
منو ممكن تفيدني عن مرض القولون وقاكم الله منه

 

[شندوخه]

شنو تبين تسألين عن القولون بالظبط واحنا نجاوبج هل تقصدين القرحه ولا القولون العصبي

 

[ام يعقوب]

مشكورة ياأختي شندوخة . اللي أبي أعرفة ماهي أعراض القولون العصبي وما هو علاجه.
اللي احسه بالضبط ألم حاد على الجنبين من الحوض وقلت اختي ان هذا من اعراض القولون العصبي

 

[yam_yam]

بنات في أحد عنده معلومات ممكن يفيدها ؟؟؟؟

 

[ام يعقوب]

مشكورة يم يم
بس ياليت احد يرد

 

[ام يعقوب]

شدعوة محد رد ............كلمة ولو جبر خاطر

 

[الزين كويتي]

ياليت نعرف

 

[احلى كويتيه]

لا القالون العصبي كلش مو صوب المبايض القالون صوب المعده تحت القلب مباشره وعلى يسار المعده

الي تحسين فيه يمكن التهاب ​

 

[ضحـاوي]

انا على طول تعورني منطقة تحت المعده وتنتفخ عندي

وبالذات لما افتح ريجي بقهوه او شاي او كاكاو ولما اعصب

انا بعد شاكه ان فيني القولون :0bee2e8d89:

 

[هيونه1]

اختي القولون مرض نفسي وحاولي تعالجينه

 

[شندوخه]

القولون مو مرض نفسي بس يتأثر بالنفسيه
حاولي ماتاكلين بقول والياف وايد ولو ادري انه صعبه والنفس تشتهي
لاتعصبين لا تتنرفزين لا تتوترين وهالشي ادري كلش مو سهل بس طنشيييي
شربي نعناع مفيوح و مليسه وايد زينين للقولون العصبي
ومكانه مثل ماقالوا البنات تحت المعده ومرات يظرب عالخواصر
في شغله بالجمعيات وايبونها من البحرين اسمها مرقدوش تصير ماي مثل اللقاح هذي عجيبه تهدي بعد
اذا ظرب عليج القولون نصيحه خلج عالاكل المسلوق لانه اخف شي للمعده

 

[katko0ota]

حبوبه

اولا القولون نوعين الأول و الي منتشر بكثره اهو القولون العصبي اما النوع الثاني و الي يعتبر من النوادر و الي معروف ب التهابات القولون التقرحيه .

من اعراض الأصابه بالقولون بشكل عام ( الم و انتفاخ بالجزء الأسفل من المعده, الغازات )
لكن اعراض الثانويه(نقص في نسبه الدم, الستفراغ, الأسهال, ظهور طفح جلدي)

طبعا اهو يعتبر من المراض الي تتعلق بالنفسيه وااايد

 

[ام يعقوب]

الله يجزي خير كل من رد أو شارك وكل المسلمين والمسلمات

 

[مطيريه ماركه]

حبيبتي القولون عاليسار وتحسين بالم قـوي بالبطن وعوار بالراس والظهر وانتفاخ بالبطن ولا تبين تاكلين اي شي ويثور عليج مع الارهاق نفسيا او لما تاكلين اكل حار

 

[ROSE-BUSH]

مره وحده قالت لي ان اذا القولون عورها تاكل قفشة اصغيره من قشر الرمان مطحون مع روب ... وتقول ان القولون يتعبها اذا اكلت اشياء دسمه بعد... علشان جذي تقول قبل لا تاكل شيء دسم تاكل قبله قشر الرمان المطحون مع الروب ولا يأثر عليها وكثير بنات قريت بالمنتديات يمدحونها