القيصريات تكفون تعالوا جاوبوا على اسالتى

[راقية باخلاقي]

السلام عليكم

خواتى انا اخت راقيه باخلاقي

وتونى والده قيصريه لى 20 يوم

وابى اسالكم

1- احس بعوار للحين بالقيصريه وخاصه بالقومه والقعده ؟ متى يروح العوار

2- لما اتقلب بالسرير احس بالم ؟

3- احس بالم اكثر بالصوب اليسار من القيصريه والعوار داخل الجرح بره ملتئم ونظيف ماكو شى ؟؟

4- قيصريات متى رحتوا السوق وجهزتوا ؟

5- متى حطيتوا خلطات وتسبح ؟ الجسم خرايط


وايد متضايقه وتعبانه طمنونى


متى يروح الم القيصريه واتعافا :eh_s(16):

+

للحين ما وقف الدم ينزل خفيف خفيف :eh_s(16):

 

[ام الحلوااات]

مـــــاعــــــنــــدي فـــكـــــره عـــن الـــقــيــــصـــري
اللـــــه يـــخـــفـــف عــنـــج
u p​

 

[باربي لكويت]

ااااااااااااااب


انشاء الله ذوات الخبره يفيدونا انا مثلج ابي استفيد

 

["*آآآنؤؤؤقهـ*"]

لاتحاتييين وشوي شووي تقومين بسلااااامه


يعور قاعد يلتئم الجرح تو الناس الجرح الداخلي يبيله اقل شي حرص ٣ اشهور على التئاااامه


والله يعيينج ويصبرج ،، عوارها يذبببح


انا رحت السووق قبل لااطلع باسبوووع طلعت لي ٥٦ يووم

قبلها ماقدرت كلش. انا حاله خاصه راجعت دكتوري يوم صارلي ٣٥

وخذا سونار الجرح الداخلي مالتأم واااجد يبيله وقت وقال مافي جمااع لمدة اسبوعين جدام تخيلي وانا لي ٣٥ المفروض اطلع

تعبت منها عمليتي والله الشااااهد والحمدلله على كل حال

 

[العفاسيه]

١٠ ايام يلتأم الجرح وبعد ٢٠ يوم اتذكر تقدرين تنامين مثل الطبيعي
وحاولي ماتضحكين بقوه والدكتور لازم يعطيج دوا كحه لمدة اسبوع او اكثر
بعد ٢٥ يوم تقدرين اتجهزين لطلعتج ولا تشيلين شي ثقيل ولا تجهدين نفسج حيل
وطبعا كل وحده تختلف عن الثانيه

 

[ام عفاف الكويت]

1- احس بعوار للحين بالقيصريه وخاصه بالقومه والقعده ؟ متى يروح العوار

اي ياعمري عادي
انا كنت لما اقوم امسك العمليه علموني اضغط بخفه عليها
ومع الوقت تتعودين عطي نفسج 30 يوم بس تشوفين كل شي تمام

2- لما اتقلب بالسرير احس بالم ؟

شي طبيعي الالم لما تتقلبين انا بالطبيب كنت اتسند على الحدايد مالت الاسره
لكن بالبيت شوي شوي اقلب عشان ماتعب لكن بعد 20 يوم خلاص اقلمي نفسج ياعمري ادري صعبه لكن شنو تسوين

3- احس بالم اكثر بالصوب اليسار من القيصريه والعوار داخل الجرح بره ملتئم ونظيف ماكو شى ؟؟

الحمدلله دام الالم من داخل يعني عمليتج قاعده تلتأم من داخل وراح يجيج احساس حكه بعد تري عاااااادي دام نظيف من بره كله التام الجروح والغرز تذوب داخل الرحم

4- قيصريات متى رحتوا السوق وجهزتوا ؟

تقريبا يوم 35 لاتجهديييييييييييييييييين نفسج

5- متى حطيتوا خلطات وتسبح ؟ الجسم خرايط

تقريبا انا جبانه بقيصرياتي بعد الاربعين
لكن دكتورتي تقول من يوم 35 لكن خلي جرح عمليتج بعيد عن الخلطات
والله يقومج بالسلامه ومبروك ماجبتي وتطلعين من الشر يارب

 

[راقية باخلاقي]

يزاكم الله خير

 

[راقية باخلاقي]

5- متى حطيتوا خلطات وتسبح ؟ الجسم خرايط

 

[dmoo]

الحمدالله علي كل حااال انا بعد قيصريه و قاعده افكر نفسج واحااتي الجرح .. بس بسال بعد انا من الحماال صاار جسمي امبقع و واايد متغير لونه تتوقعوون اصيير اذا قيصريه اسوي حمام مغربي ؟؟

 

[كل الحلا فحبيبي]

لا القيصريات ما تسوي حمام مغربي الا بعد 3 شهور عشان بطانة الرحم تقوى شوي وتلتام تقدرين تسوين حق نفسج بس على الخفيف يعني بدون ضغط او مجهود والله يقومج بالسلامه

 

[حقـوق]

الله يعينج . القيصريه تذبج .. انا ماكنت اقدر اقعد ولا انام عدل .. بس دكتوري خلاني غصب اقعد .. وغصب اقوم امشي .. وحتى نومني على بطني ... يقولى نامي على بطنج عشان الرحم يرجع .. وانا امي تقولى لاتنامين على بطنج وخلج على ضهرج .. وهو زفني .. قالى هذه معتقدات غلط .. وانا قعدت بالمستشفى 6 ايام .. اذكر اليوم الخامس قالى نامي على بطنج .. وبالنسبه للسبوح .. قالى بعد اسبوع تسبحي عادي .. بس حاولي الجرح مايحوشه الماي .. واذكر انا كنت اتألم من صوب واحد من الجرح .. ولما رحت للطبيب .. بعد اسبوع وشال لى غرزه قالى هي الى مضايقتج .. وانا التهب عندي الجرح .. وكان احمررررررر .. وعطاني كريم للحساسيه .. وقالى فيج حساسيه من الماده الى حاطينها داخل عشان الكبس .. وانا الخلطات بديت فيها بعد 30 يوم .. لان بديت احس ان حالتي احسن .. وماطلعت الا بعد 60 يوم .. وللحين اتعور منها مع اني والده من شهر 4 .. بس يقولون ماتردين طبيعيه الا بعد انتهاء 6 اشهر .. والله يهون عليج .. ولاتشيلين شي ثقيل .. ولا تجهدين نفسج .. حاولي كثر ماتقدرين ترتاحين .. وبلنسبه للدم شي عادي .. انا كان الدكتور يقولى ماراح ينزل وايد لانج عمليه .. ومنظفين الرحم .. غير الطبيعي .. كل شي ينزل طبيعي .. والسوق انا كنت مجهزه وانا حامل .. مخلصه شغلي

 

[ورده عنابيه]

البنات ماقصروا

 

[راقية باخلاقي]

يزاكم الله خير

 

[راقية باخلاقي]

الله يعينج . القيصريه تذبج .. انا ماكنت اقدر اقعد ولا انام عدل .. بس دكتوري خلاني غصب اقعد .. وغصب اقوم امشي .. وحتى نومني على بطني ... يقولى نامي على بطنج عشان الرحم يرجع .. وانا امي تقولى لاتنامين على بطنج وخلج على ضهرج .. وهو زفني .. قالى هذه معتقدات غلط .. وانا قعدت بالمستشفى 6 ايام .. اذكر اليوم الخامس قالى نامي على بطنج .. وبالنسبه للسبوح .. قالى بعد اسبوع تسبحي عادي .. بس حاولي الجرح مايحوشه الماي .. واذكر انا كنت اتألم من صوب واحد من الجرح .. ولما رحت للطبيب .. بعد اسبوع وشال لى غرزه قالى هي الى مضايقتج .. وانا التهب عندي الجرح .. وكان احمررررررر .. وعطاني كريم للحساسيه .. وقالى فيج حساسيه من الماده الى حاطينها داخل عشان الكبس .. وانا الخلطات بديت فيها بعد 30 يوم .. لان بديت احس ان حالتي احسن .. وماطلعت الا بعد 60 يوم .. وللحين اتعور منها مع اني والده من شهر 4 .. بس يقولون ماتردين طبيعيه الا بعد انتهاء 6 اشهر .. والله يهون عليج .. ولاتشيلين شي ثقيل .. ولا تجهدين نفسج .. حاولي كثر ماتقدرين ترتاحين .. وبلنسبه للدم شي عادي .. انا كان الدكتور يقولى ماراح ينزل وايد لانج عمليه .. ومنظفين الرحم .. غير الطبيعي .. كل شي ينزل طبيعي .. والسوق انا كنت مجهزه وانا حامل .. مخلصه شغلي

ما قصرتى فديتك

منو طبيبك ؟

 

[كويتيه مذهله 87]

1- احس بعوار للحين بالقيصريه وخاصه بالقومه والقعده ؟ متى يروح العوار

عادي حبييتي انا اول 10 أيام قعدتي وقومتي تعور انا باليوم 11 الحمدالله راح بس كنت احس بنغزات خفيفه



2- لما اتقلب بالسرير احس بالم ؟

مثلج وتحسنت نومتي باليوم العاشر

3- احس بالم اكثر بالصوب اليسار من القيصريه والعوار داخل الجرح بره ملتئم ونظيف ماكو شى ؟؟

هذا قاعد يلتأم طبيعي

4- قيصريات متى رحتوا السوق وجهزتوا ؟

طلعت من الاربعين وفوقها اسبوع ورحت السوق


5- متى حطيتوا خلطات وتسبح ؟ الجسم خرايط
ماحطيت الحمدالله ما احتجت بطني ماصار خريطه

وايد متضايقه وتعبانه طمنونى


متى يروح الم القيصريه واتعافا :eh_s(16):

حبيبتي كل هذا بأجره تحملي ياقلبي والتزمي بحبوبج واخذي مسكن ودقي علي الدكتوره ليش طول معاج جذي العوار يمكن وزنج زايد !!

للحين ما وقف الدم ينزل خفيف خفيف :eh_s(16):


ايييييييي عااااااااااادي

 

[عاشقة امريكا]

الله يهون عليج

 

[anooma_86]

عوار القيصريه يختلف من وحده لي الثانيه يعني حسب عميليتج يعني أنا بعد 10 ايام راح العوار ماعدا نقزات بسيطه و لم اقعد من النوم احس بعوار بس من امشي يروح و بعد 20 يوم الحمدلله مافيني الا العافيه و رحت تمشيت بالسوق و كل مامشي زياده احس أني احسن
و لم تتقلبين طبيعي يحوشج عوار و عميلتج تعورج من الداخل لان الجرح قاعد يلتئم لا تحاتين كلها جم يوم و يروح...
حبيبتي حطي خلطات عادي بس لاتسوين حمام مغربي مو زين للجرح

 

[راقية باخلاقي]

عوار القيصريه يختلف من وحده لي الثانيه يعني حسب عميليتج يعني أنا بعد 10 ايام راح العوار ماعدا نقزات بسيطه و لم اقعد من النوم احس بعوار بس من امشي يروح و بعد 20 يوم الحمدلله مافيني الا العافيه و رحت تمشيت بالسوق و كل مامشي زياده احس أني احسن
و لم تتقلبين طبيعي يحوشج عوار و عميلتج تعورج من الداخل لان الجرح قاعد يلتئم لا تحاتين كلها جم يوم و يروح...
حبيبتي حطي خلطات عادي بس لاتسوين حمام مغربي مو زين للجرح

مشكوره يا روحى

طيب شلون احط خلطات اخاف يحوش الجرح ؟؟ انت شلون طريقتك ؟؟

 

[ملح الدنيا فيني]

حالى من حالك 25 يوم وعووووووووووووووووووووااااااااااااااااااااااااار اح يذبح

 

[حرم_طيار]

الحبوبه المشي وايد يريح
كل ما مشيتي راح ترتحين ويروح العوار
شربي اشياء اطلع الهوى( بابونج-ينسون-كراويه)
لبسي سروال يغطي البطن راح يرجع بطنج بسرعه وراح يفش