القيصرية و الكرررررشه.... ازمة ابدية هههههه

[Sisyphus]

بنات شنسوي مع كرشة القيصرية
انا سمعت عن النقوعه باخر عشرين يوم من النفاس
يقولون تمحي الكرشة
لكن مادري اذا تصلح للقيصرية والا لا
شرايكم
شنو تجاربكم

 

[auoma]

ما تروح الكرشه إلا رياضة بعد ٦ شهور أو شد

 

[ام الحلوااات]

اااااااااااااااب

 

[دلوعه القمر]

اح صدمتوني ببجي

 

[ام غازي 2012]

ماتروح. انا ضعفت والكرش نفس ماهي

 

[Sisyphus]

معقوله ماتعرفون النقوعه؟؟؟
يمدحونها حيل للكرشة لكن مادري تنفع للقيصري او لا

 

[دلوعه القمر]

مآترووح صدمتوني شلون يعني يظل البطن مترهل

 

[انجبر قلبي]

شكو ما تروح

ترا القيصري مو مقياس تلاقين الوحدة كسوله وتقطها براس القيصري

لاني الحمدلله عقب ست شهور من ولادتي القيصريه بطني رجع نفس قبل الحمل كرشتي صغيره كانت قبل لا احمل

و حملت عقبها مرة ثانيه و انشالله عقب هالولاده بهتم اكثر

بنفاسي اللي فات رضعت طبيعي وهذا عامل مساعد ان يشد الرحم المرتخي
ثاني شي ادويه النفاس من ام خالد التزمت فيها الحمدلله وشغلات تساعد بشد الرحم
و لبست حزام العمليات من الصيدليه بعد ماتولدين بعشر ايام قولي ابي حزام خاص بالعمليات واستخدميه كل يوم لين تطلعين من الاربعين
و سوي رياضه خفيفه انا عادي كنت اسوي ما اثر علي ولا شي بس رياضه خفيفه حيل مو بقوة لان الجرح توه
وانا سائله دكتورتي قالتلي عقب شهرين تلعبين رياضه وتسوين كلشي عادي مادري منو مألف ان ماتسوين رياضه الا بعد ست شهور
و التغذية لا تنسينها يعني مو يولدون و يدبونها اكل مايهتمون ولا شي ويقولون ماتروح
واستخدمت كريم شد البطن من الصيدليه يعني ما كان براسي كريم معين دقيت علا الصيدليه قلت لهم ابي كريم لشد البطن و نصحني بواحد وخذيته واستخدمته فترة النفاس وكنت اسوي مساج خفيف دائري وانا احط عالكرش


شدي حيلج وبتروح انشالله

 

[Sisyphus]

ماشالله عليج يا انجبر قلبي
شكلي بسوي نفسج

بالنسبة لحزام العملية
متى اقدر استخدمه؟
انا سمعت لازم عقب شهرين

 

[Sisyphus]

شسم كريم شد البطن اللي انتي استخدمتيه
اذا ممكن نشوف صورته
لاني متوهقه حيل ببطني حيييل رخو و مترهل وهالشي مأزمني
عقب شكثر بانت النتيجة؟

 

[ام دليار]

كانو بنات عمو بس يولدو
بعد شهرين يشترو تجليد حراري تبع تغليف الاكل و شماغ الأحمر سميك

لفي بطنك بلشماغ وبعدين تجليد او العكس
وخليه كل نهار عليكي بس وقت النوم
الصبح أشربي اربع كاسات ماي. يعني ماء شوي شوي بخف

كان يرجع البطن بس يظل خط القيصرية
كل فترا يرسمو عليه نقش بلحنة يعني أحسن من ما يكون خط

 

[أبله أريج]

شكو ما تروح

ترا القيصري مو مقياس تلاقين الوحدة كسوله وتقطها براس القيصري

لاني الحمدلله عقب ست شهور من ولادتي القيصريه بطني رجع نفس قبل الحمل كرشتي صغيره كانت قبل لا احمل

و حملت عقبها مرة ثانيه و انشالله عقب هالولاده بهتم اكثر

بنفاسي اللي فات رضعت طبيعي وهذا عامل مساعد ان يشد الرحم المرتخي
ثاني شي ادويه النفاس من ام خالد التزمت فيها الحمدلله وشغلات تساعد بشد الرحم
و لبست حزام العمليات من الصيدليه بعد ماتولدين بعشر ايام قولي ابي حزام خاص بالعمليات واستخدميه كل يوم لين تطلعين من الاربعين
و سوي رياضه خفيفه انا عادي كنت اسوي ما اثر علي ولا شي بس رياضه خفيفه حيل مو بقوة لان الجرح توه
وانا سائله دكتورتي قالتلي عقب شهرين تلعبين رياضه وتسوين كلشي عادي مادري منو مألف ان ماتسوين رياضه الا بعد ست شهور
و التغذية لا تنسينها يعني مو يولدون و يدبونها اكل مايهتمون ولا شي ويقولون ماتروح
واستخدمت كريم شد البطن من الصيدليه يعني ما كان براسي كريم معين دقيت علا الصيدليه قلت لهم ابي كريم لشد البطن و نصحني بواحد وخذيته واستخدمته فترة النفاس وكنت اسوي مساج خفيف دائري وانا احط عالكرش


شدي حيلج وبتروح انشالله

حبيبتي شنو اسم المشد ومن اي صيدليه وبجم

 

[انجبر قلبي]

ماشالله عليج يا انجبر قلبي
شكلي بسوي نفسج

بالنسبة لحزام العملية
متى اقدر استخدمه؟
انا سمعت لازم عقب شهرين

هلا حبيبتي


والله بالنسبة لي استخدمته بالتدريج عقب عشر ايام من ولادتي استخدمت الحزام " خاص بالعمليات "

بس مو طول اليوم لان لمه كنت احس عوار صوب الجرح كنت اشيله شوي و بعدين ارده و جذي لمه كنت احطه عادي

لين طلعت من النفاس هديته مع الاسف والا كان مفروض احطه بس لهيت بشقتي مع البيبي و اهملت الحزام

 

[انجبر قلبي]

شسم كريم شد البطن اللي انتي استخدمتيه
اذا ممكن نشوف صورته
لاني متوهقه حيل ببطني حيييل رخو و مترهل وهالشي مأزمني
عقب شكثر بانت النتيجة؟

اعذريني ماذكر اسمه كلش لاني استخدمته فترة النفاس كان مرتين باليوم و خلصته بالنفاس و قطيته حتا مادري النتيجة متا بينت لاني ما استخدمت بس الكريم كنت وايد شغلات استخدم مع بعض ف مادري النتيجة من شنو


لان انا محد مدح لي الكريم ولا شي انا حزتها من الاحباط دقيت علا صيدلية اسمها صيدلية الشفاء بالعقيله قلت لهم ابي كريم شد البطن و قاللي عندي هذا احسن نوع و خذيته ققلت اجرب شخسرانه


و نفس الوقت كنت استخدم خلطة غراس مالت خطوط البطن كنت كلما اتسبح و اخطه اسوي مساج حق بطني بشكل دائري


ومع الحزام و الالتزام بالاعشاب و برنامج نفاس اتوقع كله يساعد



خصوصا خصوصا الرضااااعه الطبيعيه اهي اللي راح اترد الرحم مثل ما كان سبحان الله

 

[انجبر قلبي]

حبيبتي شنو اسم المشد ومن اي صيدليه وبجم

ماله اسم انتي قوليلهم ابي حزام الخاص بالعمليات اهم راح يعرفونه


انا خذيته من صيدلية الشفاء بالعقيله

مو ذاكرة السعر بالضبط جنه 7 اذا ماخانتني الذاكرة


الحين تقولون هذي شفيها كله ناسيه لووول لان هالحجي قبل سنة ونص وانا مو مسجله شي

 

[انجبر قلبي]

اي تذكرت يعني في بنات يطبقون خرافات اول اللي يقولون الوالده ماتشرب ماي لين تطلع من النفاس شكو خرابيط والله ان كان الماي علا طوووووول عند راسي اشرب كنت حدي ماستغني عنه وقتها كان حر و غمته وكله ابي ماي و اصلا زين للرضاعه الطبيعيه بس لا تشربينه مع الاكل شربيه بروحه

 

[غلاي انا]

حبيبتي اسالي مجرب ولا تسالين طبيب


انا توني والده اول ١٠ قيصريه

ولله الحمد مشالله تبارك الرحمن

بطني رد مثل قبل واحلا بعد حتى الترهل انشد

ادري راح تقولون مايصير او شنووو مسويه



عقب ما بطلت عمليتي سالت دكتوري اللي هو عمرو عصام اللي بالسلام يصير اربط ولا لا


قالي ربطي بس مو بالقوووه وقالي في مشد خاص للقيصريه ومو بكل صيدليه تحصلينه بس الاكيد راح تلقينه بصيدلية الغانم


وفعلا رحت دورته لما جربته صج صج لا يعلا عليه وسعره فيه

واسعملت الشورت معاه علشان يشد فخوووذي لان بالمره جسمي لما كنت حامل حدث ولا حرج


والله يابنااات مو حرام فيه فلوووسه


وعلى فكره ما لبسته الا لما كملت ١٥ يوم البسه الصبح ولما اجي انام اقطه ومشالله رديت مثل قبل واحسن وكنت اشرب جاي اعشاب ونقوعه


المشد سعره ٢٥ والشورت ٣٣


وهذي تجربتي بكل اماااانه .....

 

[Sisyphus]

غلاي انا
حبيبتي جزاج الله خير
ابي اسألج ياقلبي من اي صيدلية شريتيه؟
ودي اشوف صورته اذا تقدرين تصورينه او تكتبين اسمه لنا
ودي اشتري نفس مالج

و بغيت اسألج عن النقوعه شلون كنتي تستخدمينها؟؟
انا شريتها امس ولا عرفت شسوي فيها
ياليت تفيدينا

 

[غلاي انا]

هلااا حبيبتي.

ؤالله المشد. ما عرف اسمه بَـس شريته من صيدلية الغانم بحولي شارع تونس


ؤالصور ؤالله ما عرف أنزل


والنقوعه تنحطينها مع القهوه

أو في قلاص ماي حاره وتغطينها. وتشربينها إذا بردت

تحطين قفشة الجائ الصغيره بَـس بالقهوه أو المائ

 

[Sisyphus]

غلاي انا
انجبر قلبي
عسى الله ينور دروبكم جانكم خففتوا همي