حلوة ومملوحة الكويت
New member
صباح ومساء الخير يا أحلى كويتيات
اشلونكم ،،
اليوم سويتلكم أكله دايم نسويها في البيت واليهال وابونا دايما يطلبونها وهالأكله سهله وما يبيلها شي
اشرايكم نبلش..يالله نبتديلحم مفروم..وآنا افضل المواشي وآخذ لحم البقر أخف من الغنم
بصلتين مفرومين ناعم
بقدونس مفروم
طماطه متوسطه مقطعه صغارصغار
مكعب ماجي
علبة بازيلا ودوري حبيبتي الترفه مو اليابسه
ملح حسب الرغبه وبهارات مشكله وشوية كركم وفلفل اسود
علبة معجون على حسب الرغبه آنا حطيت نص شوية ثوم مدقوق لزوود النطاعه
اللحم المفروم عقب ما غسلناه بالمشخال
وبالمقلاه حبيباتي نحط شوية دهن ونحمس البصل ليما يصير اشقر وبعدين نضيف عليه الثوم ونحمس شوي ونضيف الماجي ونحمس وبعدين الطماط ونحمس وبعدين البقدونس وبعدين المعجون ونخلى النكهات تمتزج شوي وبعدين نضيف اللحم ونحمس عدل وإذا شفنا ان اللحم استوى نضيف آخر شي البازيلا ونقلب لنا جم قلبه على النار ونسكر
واهني الأكله اجهزت وقدمناها مع الليمون وانواع من الفلفل والكاتشاب وجرجير وكرفس وريحان
وهذي لقطات مقربه للحلوات
حبيباتي جربوها والله سهلللله ولذيذه وتصلح حق الغدا والعشااا
على قلوبكم
اشلونكم ،،
اليوم سويتلكم أكله دايم نسويها في البيت واليهال وابونا دايما يطلبونها وهالأكله سهله وما يبيلها شي
اشرايكم نبلش..يالله نبتديلحم مفروم..وآنا افضل المواشي وآخذ لحم البقر أخف من الغنم
بصلتين مفرومين ناعم
بقدونس مفروم
طماطه متوسطه مقطعه صغارصغار
مكعب ماجي
علبة بازيلا ودوري حبيبتي الترفه مو اليابسه
ملح حسب الرغبه وبهارات مشكله وشوية كركم وفلفل اسود
علبة معجون على حسب الرغبه آنا حطيت نص شوية ثوم مدقوق لزوود النطاعه
اللحم المفروم عقب ما غسلناه بالمشخال
وبالمقلاه حبيباتي نحط شوية دهن ونحمس البصل ليما يصير اشقر وبعدين نضيف عليه الثوم ونحمس شوي ونضيف الماجي ونحمس وبعدين الطماط ونحمس وبعدين البقدونس وبعدين المعجون ونخلى النكهات تمتزج شوي وبعدين نضيف اللحم ونحمس عدل وإذا شفنا ان اللحم استوى نضيف آخر شي البازيلا ونقلب لنا جم قلبه على النار ونسكر
واهني الأكله اجهزت وقدمناها مع الليمون وانواع من الفلفل والكاتشاب وجرجير وكرفس وريحان
وهذي لقطات مقربه للحلوات
حبيباتي جربوها والله سهلللله ولذيذه وتصلح حق الغدا والعشااا
على قلوبكم
التعديل الأخير:
