الكاتب الفلتة - باولو كويلو

[oyoon al maha]

السلام عليكم ،

كاتب فريد من نوعه - ماراح يتكرر

باولو كويلو ( كاتب رواية الخيميائي) اللي كسرت الدنيا على قولتهم ..

هل انتي من متابعي روايات باولو كويلو ؟

ماريك بأسلوب كتابته ؟

اجمل رواية اعجبتج ؟ مع ذكر السبب ؟

هل تقرأين الآن رواية جديدة له ؟ وما اسمها ؟


:ggdw::eh_s(7)::ggdw:

 

[mishmisha]

انا من عشاق باولو كويلو، يعجبني اسلوب كتابته يرسم بفردات النص لوحه جميله .. يعجبني وصفه للطبيعه
لو تلاحظين كل روايه له تطلعين بفلسفه معينه .. مفرداته مبسطه فلما تترجم لاي لغه تظل مبسطه
عجبتني فلسفه الخيميائي، وكذلك فلسفه احدى عشره دقيقه (تتكلم عن الجنس )
قرأت له مجموعه كبيره من رواياته
منها الخيميائي، ساحرة بورتوبيلو، فيرونيكا تقرر أن تموت، الشيطان والانسه برايم، احدى عشر دقيفه،الحج، على نهر بيدرا جلست فبكت
وفي بعد بس والله ناسيه اساميهم اصدارات الثمانينيات فقريتهم من زمااااان
وصدر له كتاب مؤخرا بعنوان (The Aleph) باللغه البرازيليه والتركيه ومن المتوقع ان تنزل الترجمه الانجليش هالسنه

تحياتي

 

[وهج الحب]

السلام:
انا من محبيه وقرات واملك معظم كتبة ..
واحبه واحب اسلوبه هو صحيح معقد شوي بس تخرجين منه بحكم ..
اخر كتاب قرائته الجبل الخامس ..

 

[نونة حبيبها]

ترددت انه اشتري روايته الخيميائي
للاسف الى الان ماقرات له بس ودي اقرا له

 

[:: Diva ::]

باولو

لولا الاباحيه جان قصة حب انا وياه
لوووووووول


رائع و استمتع بكتبه
بس انيي صوب التخربط لا ستوب
لانه يشرح و يسهب حيل
مع اني ام بس هم استحي من اسلوبه احياناً !

 

[شمع تحترق]

انا مع ديفا

احب اسلوبه و قاريه كل كتبه بس عيبه الاباحية و شوي يتعمق بالدين يطشر مخج

من احلي رواياته
الخميائي و الجبل الخامس
و الجاج روعه بس يخليج وايد تفكرين بس صج تعيشين القصه توقفين عشان تفكرين باللي قريتيه و هذا نادر عند باجي الكتاب

 

[AL ANOOD]

هذي الرواية بالذات اسوأ رواية قرأتها .. محتواها فقييييير >>>> خطير التعبير ادري

بس جد ما حبيتها تخيلت ان محتواها يكون اغنى من جذي .. اسفة حبطتكم

 

[oyoon al maha]

رد : الكاتب الفلتة - باولو كويلو

انا قريت له الخيميائي + على نهر بيدرا

وحاليا قاعدة اقرى الشيطان والآنسة بريم

في وايد كلمات أثرت فيني

ساعات احس انها (( عبرت عن مشاعري واللي يدور بداخلي ))

بس المشكلة رواية داشة بتفاصيل وااااجد .. يصكني النوم أما اقراها :/ مو نفس الخيميائي احداثها احلى

 

[وهج الحب]

السلام:
انتو نقزتو لقصتين بس فيه القليل من الاباحية بس معظم قصصة ما فيها شئ واللي فيها كلام 11دقيقة والرابح يبقى وحيد وهو قال من نشرها انها فيها اباحية تخدم مسار روايته ..
بس الخيميائي - ساحرة بارتيليو - الجبل الخامس وغيرها واين الاباحية فيها ..؟؟؟