الكتاب و الاي باد !!

[ـوودي آبـكـي]

قوه بنات شلوونكم ؟

حبايبي عندي برزنتيشن عن الاي باد و الكتاب العادي
المهم
الدكتوره تبي 3 شغلات مختلفه بينهم و 3 شغلات مشتركه

انا حصلت شي مختلف
الي اهوه الاي باد صفحاته الكترونيه و الكتاب صفحاته ملموسه اوراق عاديه

بعد ابي شيين مختلفين و 3 شغلات متشابهه

مشكوورين مقدما فديتكم

 

[Un-6be3iya]

امممم يمكن ان الكتب قابلة للتلف بس الايباد شوي صعب اتلافه
و الكتب تدفعين لكل كتاب سعر بس الايباد كل الكتب مجانية
و الكتب لازم تتعنين لمكآن تشترينهم اما الايباد بثواني يوصل الكتاب لي عندج
بس اذا تبين نقطة سلبية شوي
الايباد كثرته تضر النظر اما الكتب لا

 

[ـوودي آبـكـي]

مشكووره حببي كتبتهم عنندي
و الشغلات المتشابهه الفت من عندي
كتبت ان حجم الكتاب العادي مثل حجم الايباد
و هم كتبت ان الاثنين ناخذ منهم معلومات و نستفيد
باقي وحده بس

مشكووره حبيبتي :eh_s(17)::eh_s(17):

 

[عهود الحب]

رد : الكتاب و الاي باد !!

ممكن تحصلين كل الكتب
لكن الايباد مو كل الكتب تحصلينها بنسخة الكترونية


الايباد يبيلة كتب الكترونية
وكثير من الكتب العربية مالها نسخة الكترونية خصوصا الجديدة

الايباد خفيف و ماياخذ مساحة
بعكس الكتب


الكتاب القراءة فيه ممتعة

الايباد بعد


ترستي مخي
ابي ايباد

 

[رحيل المرافيء]

رد : الكتاب و الاي باد !!

الايباد تقدرين تحصلين على الكتاب مجانا وبدون تكلفة
الكتاب العادي مكلف

الايباد تقدرين تحصلين على كتب ممنوعة وغير متوافرة بسهولة
الكتاب لا احيانا يكون ممنوع وصعب الحصول عليه وصعب دخوله للبلد

الايباد اعتقد فيه برامج ترجمة ممكن تستعينين فيها وتساعد وتوفر وقت
الكتاب لااا لازم تبحثين عن الترجمة

الايباد غير ملموس كالكتاب
الكتاب ملموس

الايباد ماياخذ مساحة للتخزين
الكتاب يحتاج مساحة للتخزين ومكتبة


التشابه
اثنينهم يعطون ويوفرون معلومات

اثنينهم بذات الاهمية الكتاب لايغني عن الايباد والايباد لايغني عن الكتاب

 

[selanya-sha8ra]

ألآيبآد حجمه صخير ويقدر يحمل اكثر من 50 كتاب جذي توفرين مسآحة الكتب ,.
الآيبآد في خاصية تكبير الخط و الترجمه و قراءة الكتب تصير اكثر متعه ,.
الآيبآد تقدرين تشيلين كتب وايد بأي مكان واي وقت انتي تروحيله ,.

 

[الإسراء]

اممم ما أدري بصراحة ..
بس يعني الآي باد عملي .. فمثلا بدال لا تشلين معاج كتاب واحد ثقيل من ٣٠٠ ورقة .. تشلين مئات الكتب من آلاف الأوراق بوزن ما يتعدى الغرامات ..

 

[English.Teacher]

رد : الكتاب و الاي باد !!

خاصية النسخ والتكبير

 

[MiSs kw]

رد : الكتاب و الاي باد !!

التشابهه
الاثنين ينقلون الماده العلميه و الادبيه الاثنين ممكن تشيلينهم معاج في حالة الكتاب الواحد

الاختلاف
الايباد يوفر لج مساحه التخزين ممكن تشيلين 100 كتاب بالجهاز بالمقابل الـ 100 كتاب الورقي ياخذ منج مساحه كبيره شوي بالحفظ و التخزين

 

[آحبه حب هآلكني]

رد : الكتاب و الاي باد !!

يعطيج العافيه

 

[غزاله شارده]

رد : الكتاب و الاي باد !!

ما عندي معلومات عن الأي باد
بس وايد استفدت من موضوعج
من ردود البنات
مشكوره

 

[ماي العين^_^]

ماشاء الله عليكن

انا ناويه اشتري اي باد

ياليت حد يعلمنا كيف ننزل كتب على الآي باد^_^

 

[دنااو90]

طريقه التنزيل عاديه من المنتديات حاله حال الكمبيوووووتر
صرااااحه الايباد وااااايد حلووو في مميزااات التكبير وكل اللي انذكر قبل
بس اللي مو حلووو في مافي كاميرااا
ومشكووره حبيبتي يعطيج العافيه