الكتب الانجليزية

[vviipp]

السلام عليكم

عندي مشكلة في اختياري للكتب الانجليزية

اولا: طبعي ماحب اقراء الاقتب الكبييييرة يعني 300 او 400 صفحة لاني امل
ثانيا: الكلمات صعبة

صراحتا مره اشتريت رواية ومن كثر ماهي كبيرة نسيت اولها
ومره شريت كتاب ثقافي اجتماعي بس كانت كلماته واااااايد صعبة

فياريت تساعدوني

 

[Ms.PeRFeCT]

وعليكم السلام..

أولا : مو لازم تشترين كتب كبيره فيه وايد كتب صفحاتها اقل من 300 او 400 اقريهم كبدايه
ثانيا : انا اعاني من هالمشكله احيانا بالروايات وعندي طريقتين لج
1- اقري الجمله كلها.. لانه بعض الجمل تفسر الكلمات يعني انا افهم معنى الكلمه اذا انحطت بجمله
2- لما تقرين وتواجهج كلمه مو فاهمتها كتبيها بورقه وكملي قرايتج اذا خلصتي سوي سيرج وترجميهم بجذي تتعلمين كلمات يديده
او حطي يمج قاموس < هذا حق الفاضيه واللي لها خلق

انتي مشكلتج الكلمات خلاص ابدي بالكتب الصغيره والسهله وشوي شوي تلاقين نفسج مخلصه روايه كامله بدون ماتحسين انها بالانقلش!

وبالتوفيق =)

 

[miss.kash5a]

الموضوع يتوقف عند ميولك
اذا كنت تفضلين الـ fiction
او الكتب اعلمية اللي لعا علاقه بالنفس والمجتمع مثلا
و
حاولي تشترين الروايات الحديثه لأن لغتها غالبا اسهل واللي تكون مختصره
للمبتدئين بحيث تعرفين فحوى القصه وتفهمينها بسهوله
وبعدين مش ضروري تفهمين كل كلمه احيانا المعني يتضح في سياق الجمله

بالتوفيق حبوبة

 

[ScarletteO'Hara]

جربي كتب mitch albom
وايد قصيرة ما تتعدى ال200 صفحة
بس تعالي شوفي المضمون
القصة تبجي و تعور القلب
مو شرط القصة يكون حجمها عود
المهم المضمون
و عموما انا وايد روايات مارين علي صفحاتهم اتطوف ال300 و من اسلوب الكاتب تحسينه جنه عشر صفحان من سلاسة اسلوب الكاتب و حلاة القصة

 

[vviipp]

مشكورين وماقصرتوا

 

[يوم جديد]

ابدي بالقصص اللي تكون صفحه بالانجليزي و مقابلها ترجمتها بالعربي
تلاقينهم بمكتبه المثنى
و يكون الكتاب الواحد احيانا فيه مجموعة قصص