الكحة القوية عند الحامل

[In Geneva]

السلام عليكم ورحمة الله وبركاته



خواتي انا حامل ومعاي كحة قوية حيل واحس باحتقان ببلاعيمي قوي

ومع الكحة يطلع بلغم اصفر

هل الكحة تفتح الرحم خاصة ببداية الشهر السابع

بما إنه إجازة كلمت الدكتور وعطاني ادوية

وبراجع الدكتور بعد إن شاء الله لأنه اليوم آخر يوم من عطلة العيد وباكر يفتحون العيادات أنا بس كلمته بالتلفون

من اللي عندها خبرة تفيدنا

هل تفتح الرحم صج

أنا خايفة يكون فيروس قوي بالرئة أو أنفلونزا خنازير الله يبعدها عنا وعنكم وعن جميع المسليمن

لانها حالة غريبة أول مرة امر فيها

 

[njoom1]

رد : الكحة القوية عند الحامل

والله مادري حبيبتي ...
بس عموما ترى الحامل وايد تتعب بالمرض لان اساسا جسمج ضعيف مع البيبي

بس لا انشالله تكون كحه عاديه لا تحاتين حبوبه والله انا حايشني برد وصداااع الله لا يورييييج من كثر التعب والعوار ماقدر اخذت بندووول الله يعينااا

 

[غنوة ستايل]

الكحه بالاشهر الاولى مو زينه

بس بالاخيره يخافون لا تصير حراره .

 

[LiL MaMa]

رد : الكحة القوية عند الحامل

لله يسهل عليج و يرزقج الذريه الصالحه
لا تحاتين انشالله ماكو الا العافيه

 

[الصعيريه]

رد : الكحة القوية عند الحامل

لاتحااتين إن شاءالله مآفيج الا العاافيه
انا بالشهر الخامس جتني كحه لدرجه مآقدر انام مرتااحه لازم كل شووي أقوم مختنقه


عليج بالادويه اللي صرفها لج الدكتور وكثري من شرب اليانسوون ممتاز للكحه والبلغم

أجر وعاافيه إن شاءالله

 

[شيــوخه]

ماعليج شر ان شاءالله
بس حاولي اتكثرين سوائل دافيه حليب ينسون زعتر الشغلات هذي
علشان اتلين لج الحنجره وماتكحين والبلغم ينزل بعد من الشغلات الدافيه والله يسهل عليج ان شاءالله ويتمم عليج حملج يارب

 

[كويتيه مذهله 87]

حياتي حاولي تروحين عند اي عياده مفتووحه علشان الحكه وان شالله مومضره

 

[الــــغاليـــه]

رد : الكحة القوية عند الحامل

وااااي نفس الحاله والله ونفس الوسوسه ,رحت الطبيب وعطاني ادويه ومافاد وياي شي حتى السوائل الدافيه ماسوت شي والله تعبت!!! حبيبتي امانه شوفي شنو يصير وياج وبلغينا.
وماتشوفين شر.

 

[In Geneva]

يزاكم الله خير خواتي على الردود والتفاعل


وبفيدكم شنو صار معاي

خاصة هالايام الجو مو مستقر ووقت أمراض الله يبعدها عنا وعنكم وعن جميع المسلمين

 

[saratee]

نفس حالتي بعد انا اردي ربو وخذيت مضاد حيوي شسوي مظطره قالت الدكتوره التهاب بالرئه وبلغم الحين الحمدالله احسن بس تروح وترد
والله كريم مالج شر لاتحاتين

 

[جذابه بنت ذيابه]

رد : الكحة القوية عند الحامل

سبحان الله

نفسي الحيييييين واعاني منها صار لي اسبوعين ,,


وليومج فيني


الله يهون علينا يارب


للكحه والبلغم اشربي بروسبان


وجربي هالشي والله جربته وخف حيييييييل


قلاص ماي حار وعصرت عليه ليمووونه كامله
وقفشة عسسل


والحمدالله طلع البلغم تكرمين


وعسى ربي يتمم لنا على خير يارب

 

[خليفة العظماء]

ربي يهون عليج يارب

 

[In Geneva]

مشكورين بنات وماقصرتوا والله

والله يهون على جميع الحوامل

 

[miss-winter]

رد : الكحة القوية عند الحامل

مافيج الا العافيه بذن الله

 

[fufu el7lwa]

نفس الحاله الله يخليهم لناا بس ويعافيهم ويعافينااا بس ماراجعت ولا شي اخاف الادويه تاثر عالبيبي فطنشت توكلي على ربج واستودعي نفسج وولدج ومافيج الا العافيه ان شالله

 

[om al ghaleen]

مثل حالتي وكحتي ناشفه
آوف تعبت

الله يعنيآ

\\

 

[احب المنتدى]

رد : الكحة القوية عند الحامل

ان شاء الله ماكو الا العافيه

 

[الجفول&]

رد : الكحة القوية عند الحامل

هاليومين كثرت امراض الصخونه والنشله من تغير الجو وان شاء الله مافيج الا العافيه..

 

[الــــغاليـــه]

رد : الكحة القوية عند الحامل

ها يالغاليه بشرينا عنج

 

[moraje3a]

الله يشافي ويهون عليج وعلينا
انا بعد ذبحتني الكحة واحس بطني يعورني كل ما أكح
الله يشافي ويعافي