الكشيخات الكويتيات لو سمحتوا ساعدوني

[ملكة76]

انا قطرية وباجي بالعيد عندكم بالكويت وانا اول مرة اجي الكويت بغيت حد يدليني على محلات فساتين حلوة وموديلات غريبة مابي لبنانية مش شرط ماركات معروفة واماكن حلوة عندكم اتمنى حد يرد علي

 

[برميت]

يا قلبي قلبج ..الف مرحبا فيج
شوفي يا قلبي عندج مجمع زهره بالسالميه و جنبه البستان و ليلى جليري و الصالحيه و الرايه هذولا يبيعون فساتين حلوه بس ممكن تكون غاليه اشوي ..يعني اسعارهم تقريبا من 100 لي 1000دك لانه اغلبه ماركات او مصممين لبنانيين

و عندج المجمعات العاديه مثل الافنيوز و دبنهامز و في محل اسمه كوست يبيع نفانيف حلوه بعد و اسعارهم من 50 لي 100 هذا اغلبه مستورد

و عندج بعد مجمع النقرة الشمالي و مجمع النقره الجنوبي تلقين فيه من 5 لي 50 بس اغلب هدومه اما سوريه او صناعه كويتيه

و اتمنى لج زياره سعيده
و لا تنسين ملابسج الشتويه لانه بررد الحين

 

[*سوسو ستار*]

عندج الافنيوز والسالميه شارع سالم المبارك فيه زهره والبستان والفنار والمارينا مول


وفي الفحاحيل الكوت وكويت ماجيك ..

 

[tolay]

تبين فساتين عرس ؟؟

عندج منطقة الفروانيه سوق ( العربيد بلازا ... الحمرامول ) واسعارهم معقوله

او

منطقة حولي (سوق النقرة الشمالي) .... قبله محطة بنزين وتشوفينه مبناه قديم دشي وسألي

في يمكن 8 محلات فساتين سهره


اما سوالف الافنيوز الفنار الرايه كلها غاااااااااااليه واسعارهم ماتسوى

 

[tolay]

واذا قصدج فساتين طلعه عاديه عندج كل مكان

مجمع الافنيوز ( منطقة شويخ )

المهلب ( منطقة حولي )

النقرة الجنوبي والشمالي ( حولي )

سوق كويت ماجبك ( ابو حليفة )