(( الكــــــــــويـــــــت ))

[بنفسجية]

تحميل صور​

:nbvppw: السلام عليكم بنااات :nbvppw:
شلووونكم ؟؟ شخباركم ؟؟
لاحظت بالفترة الاخيرة ..
وايد بنات حبايبنا من الخليج
و الدول الحبيبة
يحطون مواضيع
يسالون فيها و يستفسرون عن
حبيبتي الكويت و الاماكن الحلوة فيها ..
فقررت احط هالموضوع ، راح يكون
مثل مرجع شااامل
لاحلى الاماكن بالكويت
الي انصح السواح و بشدة ان يروحونلها ..
الموضوع راح يكون منوع
وكل مرة انشالله راح انزل شي يديد ..
ورااح ابدي اول شي
بمارينا مول
تااااااابعوني :ggdw:​

 

[بنفسجية]

مارينا مول​

​

ينقسم مارينا مول
لاربعه اقسام ..
القسم الاول :

القسم الداخلي و اهوا المول
في بداخلة محلااات وايد و متنوعة مثل
H&M
بريشكا
اثلتيك فوت
ايكو
زيربافت
ليميتد تو
ماك
فافافوم
بربري
بوتس
فيرجن
برمود
وغيرررررررهم كثير
و ايضا بداخله
3 صالات سينما
و فود كورت للمطاعم الوجبات السريعه مثل
جريت ستيك، هارديز ، ماكدونالدز و باستا مانيا و غيره ..
بمارينا مول الداخلي عدد كبير من القهاوي مثل
واتر لمون ، باول ، ستاربكس ، لينوتر ، سينابون و غيره ..

اما الجزء الثاني فهو
مارينا كرسنت ، و اهوا الجزء الخارجي
يربط بين هالقسمين من مارينا
جسر كبير داخلي لتسهيل التنقل بين القسمين

بالجزء الخارجي من مارينا كرسنت
في هناك عدد واااايد كبير من القهاوي و المطاعم
منها
فرايديز ، كافيه بلانك، زعتر و زيت
ستاربكس ، كوستا ، تشوكليت بار ، كرسبي كريم
و غيرهم بعد ..
هناك القعده وايد حلوة تكون على
مرسى القوارب مثل مينا صغير
و نافورة و جو حلو ..

وايضا في بمارينا مول
فندق مارينا

واهوا مكان حلو للسواح ان يسكنون فيه
لان قريب من السوق و السينمات
بمنطقة السالمية المشهورة بمجمعاتها بالكويت ..
موقع الفندق
http://www.marinahotel.com/news5.aspx

اما الجزء الرابع فاهوا
مارينا ويفز

بهالقسم من مارينا مول
في مطعم ماكي الياباني
قهوة اسمها ليفينج روم
هالاثنين وايد حلوين و رومانسين
يصلح للمعاريس هههه
و فيه ايضا قسم لالعاب اليهال من
ملاعب لكرة السلة
و اماكن لاستخدام الرول (التزلج )
وتسلق الصخرة

وهالقسم بين فترة و فترة
تصير فيه فعاليات و استعراضات
للطائرات الجوية و الورقية و الزوارق
​

تااااااااااابعوني
وراح اكملكم باجي الاماكن الكويتية ​

 

[بنفسجية]

مجمع الكوت و مجمع المنشر
منطقة الفحيحيل ..​

​

يعتبرون هالمجمعين قراب جدا من بعض
و يمكن التنقل بينهم مشي ..
موقعم بمنقطة الفحيحيل
تبعد تقريبا من 20 لي 30 دقيقة بالسيارة عن
عاصمة الكويت ..
هالمجمعين روعة و جدا حلوين ..

نبدي اولا بمجمع الكوت :


يعتبر الكوت صغير نوعا ما بحجمه
لكن ممتع .. في بداخله قسمين
القسم الاول يضم
مركز سلطان ( جمعية كبيرة )
سوق السمج و الخضرة ..

و القسم الثاني اهوا المول ،
بداخله في مجموعة صالات سينما
محلات متنوعة مثل
زارا ، لاسينزا ، اويشو ، اويسس
برمود ، رالف لورن ، اون تايم ، مكياجي و غيرهم ..
اما عن المطاعم و الكافيهات
فيشتهر الكوت بنافوورته الكبيرة
الراقصة
الي يلتم حولها كافيهات الكوت

اما عن الكافيهات الموجودة هناك فمنها :
كوستا ، مطعم ياميجانا لبناني ، باول
ماربل للايس كريم .. و غيره الكثير

والحين ننتقل لمجمع المنشر
يبعد خطوات بسيطة عن الكوت
عبرة شارع ..



يعتبر المنشر اكبر حجما من الكوت
يحتوي على صالة العاب كبيرة للاطفال
و صالة مطاعم متنوعة منها
تشيليز ، جوني روكتس ، ماكدونالدز ، شرمبي و غيرهم ..
و من المحلات الموجودة بالمنشر
فيلا مودا
الماسة
بوتس
محلات انتيكات متنوعة
كارولاين
وغيررررهم ..
المنشر فيه فندق
يسمى فندق المنشر روتانا



موقع الفندق
http://www.rotana.com/area-10.htm

و نطرووني .. بكمل معاكم عن باجي الاماكن بالكويت
يتــــــبع ​

 

[بنفسجية]

الافنيـــــــــوز
The avenues ​

​

يعتبر الافنيوز من اكبر و احدث المجمعات بالكويت
حجمه كبيييييييييييييررر جدا جدا
و يستاهل تقضين فيه يوم كامل
لان يحتوي على كل شي داخل من
مطاعم
سينمات
كافيهات
جمعية كبيرة ( كار فور )
و اماكن لالعاب الاطفال ( بروي )



ينقسم الافنيوز جزئين ،
القسم الاول :
يحتوي على صالات السينما
و قسم المطاعم مثل
فرايديز ، بيتزا اكسبرس ، ليلى ، زعتر و زيت
و الكافيهات : ستاربكس ، لورينزينو ، تشكوليت بار و غيرهم طبعا ..
و المحلات المتنوعة مثل :
زارا ، مانجو ، توب شوب ، اسبرت ، دبنهامز
فوريفر 21 ، نيو لوك ، كوكاي ، مورجان ،
تشارلز اند كيث ، بريشكا ، كليرز ، فيرو مودا ،
بيكوكس، بي اتش اس ، جوردانو
و محل بروي هالمحل يعتبر كبير للاطفال
و بداخله قسم للالعاب
و غيرررررررررررررررررهم وااااايد ..



اما الجزء الثاني
فهو الجزء الاحدث بمجمع الافنيوز ..
و اهما مرتبطين ببعض
لكن الجزء الثاني
يحتوي على السكند لاين من الماركات مثل
موسكينو لوف
مارك باي مارك جاكوبس
سي باي كلوي
منوش
سيفورا
كافالي جينز
دكني
لحظة من فضلك
لايم لايت
الاسطورة
انا سوي
فولار فاشن
و غيرهم غيرهم وااايد
اما عن الكافيهات و المطاعم :
هاجن داز ، كوولور مي ماين ، كافيه بلانك ،
كريب كافيه ، دين اند ديلوكا ، مياس لبنان ،
كاريبو كافيه ، و غيرهم وااااايد يصعب عدهم ..


و يتبــــــــع ..​

 

[بنفسجية]

للامانة بنات :
الصور كلهم ميمعتهم من مواقع
متنوعة و مختلفة
يعني مو تصويري ..​

 

[بنفسجية]

ســــوق شـــرق ​

يعتبر سوق شرق مجمع كويتي حلوو و جميل
يطل على البحر ، و شكله مقارب للبوم الكويتي
فيه مرسى بحري



سوق للسمج و الخضرة
مركز سلطان
3 صالات سينما


محلات متنوعة مثل :
نكست ، زارا ، دبنهامز ، بوتس
ميلانو ، ستبس ، نوران ، كليرز
كوكاي ، مانجو ، انوتا ، تشويس
و غيرهم طبعا ..



وفيه صالة مطاعم كبيرة فيها
تشيليز، ابل بيز ، ماكدونالدز ،
جريت ستيك ، هارديز، باستا مينيا
كنتاكي ، بيتزاهت و غيرهم ..
وايضا في بسوق شرق
صاله كبيرة لالعاب الاطفال الالكترونية المسلية


تاااااااااااابع ..​

 

[MaZyOoOoNa]

يعطيييييييييييييييج ملييييييييون عافيه ولله ماقصرتي خوووش تقارييير وكملي متابعييينج

 

[العهووود]

واااااااااااااااااااااو يسلمواااااااااااااااا خووووووووووووش موضوع ويستااااااااااااااهل التثبيت .............شكرااااا مره اخرى

 

[meskq8]

تسلم إيدينج

بصراحه إنتي أحسن من لجنة هلا فبراير

في الترويج للسياحه في الكويت

متابعين باقي التقرير

 

[بنفسجية]

مشكووووورين بناااات
شجعتوني وااايد!
كنت شايفة الموضوع نايم
ومحد يعلق
فترددت اكمله او لا ..
دام تقولون احسن من هلا فبراير
بكمل و بقوة :ggdw::ggdw::ggdw:
تستاااهلون .. نطرووووني ​

 

[بنفسجية]

مجمع المهلب ​

مكانه بمنطقة حولي الكويتية ..
يعتبر مجمع عائلي حلو ،
هالمجمع حجمه متوسط في عدد كبير من المحلات
نذكر منها :
نوران ، مانجو ، سترادي فاريوس ، كليرز
كوتون ، الطاهر ، لحظة من فضلك ،
محلات متنوعة للاكسسوارات و الاحظية وغيرهم ..



و بالمهلب صالات سينما كبيرة ..
و عدد من المطاعم و الكافيهات الحلوة مثل:
كوستا ، فدركرز ، باستا مينيا
جوني كارينوز ، كنتاكي ، و اكشاك متنوعة للوجبات السريعه



تااابع مع مكان ثاني ..​

 

[بنفسجية]

سوق السالمية​

سوق السالمية نقدر نقولعنه انه
سوقشعبي بسيط..
في بداخله عدد كبير جدا من المحلات المتنوعة
الي تبيع المكياج
البجامات
الالبسة العملية
الاحذيه
العاب الاطفال
اكسسوارات المنزل
وكلها باسعار حلوة و رخيييييصة
وفي بداخله محلات تبيع البضايع بسعر
100 فلس كوييتي ..



بسوق السالمية فوق
صالة كبيرة للمطاعم
وصالة كبيرة لالعاب الاطفال
والكبار بعد ..
فيها بولينج
و العاب الكترونية ممتعه وااايد ..



وتلقون داخل سوق السالمية
جمعية ستي سنتر الكبيرة ..

يعني باختصار
سوق السالمية مجمع عائلي من الدرجة الاولى
وايد مناسب للاطفال..
و خلوكم معاي
بنكمل بمكان كويتي يديد ..​

 

[بنفسجية]

مجمع الفنار ​

مجمع الفنار موجود بمنطقة السالمية
بشارع سالم المبارك تحديدا ..
هالمجمع يعتبر كبير و متنوع و تقريبا هادي
بداخله محلات كثيرة و متنوعة اذكرلكم منها
رالف لورين ، لاكوست ، باول سميث ، بينكو
كارين ميلن ، بودي شوب ، ستبس ، ميلانو ،
فيلا مودا ، بوتيك جوتشي ، شوارفسكي ، مانجو
البوشيه ، دورا ، مانجو ، زارا و غيرهم ..


تلقون بمجمع الفنار عدد متنوع من الكافيهات
مثل : لينوتر ، انتركوت ، كاريبو
جوجوز كب كيك ، و غيرهم ..
لكن مافيه صالة الطعام ( الفود كورت )
حيث ان مطاعم الوجبات السريعه تلقونهم بالشارع المقابل له
بمجمع كامل للمطاعم مثل تكا و سبارو ..


بمجمع الفنار 5 صالات سينما
تابعه لشركة سينما سكيب الكويتية
و مصور للصور الشخصية
وصالون لتجميل السيدات
وفرع لنيل بار و اهوا صالون
متخصص بتجميل الاظافر ..

​

 

[بنفسجية]

مجمع الصالحية​

مجمع الصالحية يعتبر المكان الانسب
لعشاق الماركات العالمية الكبيرة
لان يحتوي على ارقى البوتيكات مثل :
ديور ، فندي ، تودز ، شوبارد ، كارتير ،
بولغاري ، لويس فويتون ، كارلوف ،
تاناجرا ، سونيا روكيل ، و غيرهم من المحلات المتنوعة ..


و من الضروري ان اذكرلكم
الصالحية يفتح من الساعه 9 الصبح لين 1 الظهر
و بعدها يسكر بفترة العصر
و يرد يفتح من الساعه 5 العصر لين 9 بليل
ويسكر يوم الجمعة ..

و في بمجمع الصالحية فندق
يصلح للي يحبون الهدوء ..
واهوا من سلسلة فنادق ماريوت



موقع الفندق :
http://www.marriott.com/hotels/travel/kwijw-jw-marriott-hotel-kuwait-city/

وان شاء الله بكملكم باجي الاماكن ..​

 

[بنفسجية]

مجمع الراية ​

مجمع الراية بقلب الديرة بالكويت ..
يعتبر من المجمعات الصغيرة الهادية
في محلات متنوعة و حلوة و راقية
مثل سيلين ، بربري ، ويسلس ، كافالي كلاس
البوشية ، لابيرلا ، لوندري ، بينيتون و غيرهم ..



وفي عدد متنوع من الكافيهات مثل :
واتر لمون ، كاريبو ، شوكليت اند ماكارون
برجر بوتيك ، كريب كافية و هاجين داز ..

بمجمع الراية فندق يتبع سلسلة ماريوت ( كورت يارد )


موقع الفندق :
http://www.marriott.com/hotels/travel/kwicy-courtyard-kuwait-city/

وعلى فكرة .. ترى الراية اوقات العمل فيه
نفس الصالحية
يعني يسكرون العصر ..​

 

[اوملييتا]

الله يعطيج الف عافية حبيبتي " بنفسجية " شهالزين
صج عجبني التقرير تسلمين يالغالية

 

[بنفسجية]

الله يسلمج اومليتا ما تقصرين
الحمدلله عجبكم
ان شاء الله الياي احلى .. تابعوني

 

[بنفسجية]

فيلا مودا ​

لفيلا مودا بالكويت 3 افرع
الاول بالمنطقة التجارية الحرة
الثاني بمجمع المنسر بالفحيحيل
و الثالث بمجمع الفنار بالسالمية ..
ولهم اوتلت صغير بالمباركية يعرضون فيه
البضايع الي عليها خصم من الكولكشنات القديمة ..

الحين راح اكلمكم عن فيلا مودا الرئيسي
و اهوا الي بالمنطقة الحرة



يعتبر اكبر الفروع حجما
و اقدمها ..
فيه احلى و اكبر الماركات العالمية مثل
etro
gucci
bottega venetta
yslselvatore ferragamo
prada
dolce & gabbana
the athletic foot



يفتح يوميا من 10 الصبح لي 10 بليل
ماعدى الجمعة فيفتح من 4 العصر لي 10 بليل ..



و يعرض احلى و احدث التصاميم للماركات هذي
من ملابس و جناط و احذية ( عزكم الله ) و اكسسوارات ..

​

 

[بنفسجية]

المجمعات الي تكلمت عنها ..
تعتبر من اكبر و اهم المجمعات الكويتية ،
لكن الحين
بوريكم و بشكل سريع
باجي المجمعات الي تعتبر صغيرة مقارنتا بالباجي
لكن تسوى الواحد يطل فيها عالسريع
اذا كان يااي الكويت للسوق ..

مجمع الثريا ،



فيه بوتيكات تابعه لسلسلة محلات الاسطورة بالكويت
من المحلات الي فيه :
موسكينو ، pucci , chloe
roberto cavalli
marc jacobs
بالنسياغا

مجمع زهرة ،

من المحلات الي فيه :
الشنطة ، الاسطورة ، نورامينا ،
اس ستايل ، الفاتنة ، ديربي ، بنتون ، و غيرهم ..

جاليريا 2000 ،



في نيل بار المتخصص بالاظافر النسائية ..
كب كيك بوتيك
هانج اوت كافية
محلات متنوعة للاكسسوارات
محل مخصص لملابس الحوامل
و غيرهم ..

ليلى جاليري ،



فيه عدد كبيررررررر من المحلات المتخصصة
بملابس السهرة النسائية
و مفساتين العرايس
مثل محلات الاسطروة ، روتس ، سهرة بوتيك و غيرهم ..

بلازا السالمية ،




فيه صالات سينما
بوتيك ارماني و ارماني كيدز
ريكاردي ، مصور ارت ستيديو و غيرهم ..

مجمع البستان ،


فيه عدد متنوع و حلو من الكافيهات
و محلات متنوعة مابين الاكسسوارات
ملابس السهرة و الملابس العملية ..​

 

[amoon]

والله خوووووووووووووووووش تقرير

تسلميييييييييييييين الغاليه