الكل (جك بوم) سواها...الا احنا ياحظي لازم ندق طبل ونتحجى :(

[om MaRyooM]

احترت بالعنوان لحد يعلق .. لووول

.
.

في موضوع محيرني .. وباط جبدي بنفس الوقت من فــترة :eh_s(10):



مادري اهو بس انا جذي ولا حتى انتم !

احس بأي موضوع يصير من العايلة (خصوصـا الحمـــــــولة) احنا آخر من يعلم وهالشي مووايد يهمني بصراحة ..


بس يصير خصوصا بسالفة السفر والحمل والولادة

الناس تسافر وتروح وترد ومايقولون .. عادي خو مااعترضنا


الا احنا ياحظي ..

انا و ريلي على نياتنا نتحجى حق اهله .. نقول بنسوي وبنسافر .. :eh_s(10):

ووين المشكــــــــــلة !


اني اذا مادقيت طبل وقلت للجميع قبلها بوقت نحصلنا زفة .. ولانغزة او كلمة مني ولامناك .. ولا عين ياية بالطريج لوول

ومرة بس خفيت رحت حق اهلي بإحدى دول الخلييج وماقلنا لهم

صارت مشكلة !! (انتو ليش تخشون كل شي تسوونه .. خو قولو بتسافرون )

انا وريلي جذي صرنا

تدرون ليش .. لأن هالاوادم اللي يتشرهون اهما اللي يسافرون وماندري ولانسال عنهم ولانبيهم يقولون اصلا بس شكو يحاسبون .. واي ماحب هالطريقة


عيل ليش تناجرونا !!!!

كل واحد حر ياخي


والمشكلة هالسنة بعد حاجزين وعلبو ان ماله داعي نقول قبلها بشهرررر ..

فاليوم بوالشباب قاعد مع امه الله يخليها له .. جان يقولها احنا احتمال نسافر

انزين ليييييييييييش

امانة ليش يقووول ..

لأنه بيتمون يطفرونا الله يهداهم بالاسئلة والطلبات إلااا أن نسافر ونتوكل ..





اترك المايك لكم لأن ريجي نشف

 

[BiiShOoO]

صااااااجة والله الناس اجناااس


انا اسمع من هني و اطلع من هناك لانه ماكو فايدة فيهم

والي يطالب ببزة ياخذ عشر محد له حق يتدخل سافرت و لاحملت و انا قلت حق ريلي ان تحجوا يا ويلهم لازم انا اصير وكالة اعلان و اهمه باخش بالدش

والله ماني ملزومة اقول

اصلا تخيلي انا حملت و ما تحجيت و عقبها دروا و شوفي التحلطم عاد و انا و لا جني موجودة سواء من خالتي و لا حمواني بس سكت و طنشت و لا لقيت لهم بال

 

[غمزه وإبتسامه]

اي انا ملاحظه حمولة خواتي ماايقوولون لهم اي شي يصير

وخواتي اذا ماقالوو تصير نغزااات وحركاات وسوالف

وبما اني حماااة كل شي بسويه اقوله حق مرة اخووي عاادي

بس فيني طبيعه فيهم يحبون يخشوون وعندهم مرة الولد والولد ملك لهم لازم نعرف كل شي عنهم

 

[Queen nor]

رد : الكل (جك بوم) سواها...الا احنا ياحظي لازم ندق طبل ونتحجى

ونااااسة اول وحدة ترد

حبيبتي احلى طاااااااف

اب اب اب >>>> حزب الطماااشة

 

[om MaRyooM]

مشكورين ع الردود وسرعة الاستجابة لوول


*غمزة وابتسامة*

صاااااااااجة بهالكلمة .. يحسون ان احنا ملك لهم !!

اففف ياملق هالحركات


انا مومقهورة الا من زوجي . . مادري ليشش يتحجى

 

[نور كوليكشن]

والله انا عادي عندي اقول بسافر
لأنه ما يهموني اذا تحجوا معناته محترين

 

[gourges 1]

رد : الكل (جك بوم) سواها...الا احنا ياحظي لازم ندق طبل ونتحجى

حده الموضوع طاف ...

انا عندي مبدئ عاملي الناس مثل ما انتي تحبين ...

يعني انتي من طبيعتج تقولين قولي لاتخشين علبونه اهما يخشوون

هذا ايدل على الثقه وان محد هامج

خليهم اهما يخشون ويلفون ويدورون وانتي ترفعي عن الموضوع وبالعكس لي بلغوج بالاخير استهزئي ان وييع امبيه اول مره تسافرون؟؟ شدعوه تغبوون وابتسمي او ضحكي وبس عطي الموضوع طاف مثل ماينغزون نغزي وتصرفي بطبيعتج

 

[om MaRyooM]

اي والله كلامكم صح


انا عادي اقول بس طبعي احب الامور يصير فيها تكتم . . لأن الناس ماقامت تعطي خير للاسف

بس أخ من ريلي .. بشنق نفسي !!

 

[( مي )]

أم مريوووووووووووم
عيزنا واحنا نقوووووول ،، الحمولة ( الخالة والحموات ) ما يغلطون كلش
دوم الجنة غلطانة

انا خلاص اقتنعت ابهالسالفة لوووول

انا مثلا اطلع من المختبر اطرش لحمولتي مسجات اني حامل ،، وكل اسبوع يتأكدون ،، اكيد بنت ؟؟ ها !! للحين بنت ؟ جنه اليهال بتحول هههههههههه

واهم ادري انهم حمل بالخامس والسادس ،، بس انا ما يهمني ولا حتى أسأل بنت ولا ولد ،، طبعي جذي ،، الأمور اللي ما تأثر بحياتي ولا فيني ما أسأل عنها

فعادي سوالفهم فيها تكتم وغموض ،، بس الجنة شغلها لازم فيه اعلان ،، عاد انتي طوفي ان دروا دروا ،، وان ما دروا خير وبركة لوول

 

[om MaRyooM]

صاجة ميون احنا الغلطانين دايما لوووول



ارجع اقول .. انا مقهورة من ريلي ليش يتحجى ..

واهما كل شي بالخش والدس حسبالهم بنحسدهم لوول

وشاكرة مرورج حبي

 

[اخت خالتهم]

انا للحين مو في بيت ريلي
بس انتي جنج احنا
نقول السنه اليايه مخططين وين نروح
والصيف الياي وين بنروح
واذا حجزنا شاليه نعلن قبل شهر

وسبحااااااااان الله يسبقونه ويروحون المكان اللي بنروحه
واذا ردو لا تشوفين
ويييع شالمكان و مو حلووو
يخلونج تشكين بعمرج وتفكرين تكنسلين

نفس مرة بنروح زلمسي
راحو ويييع مو حلوه هدوء ماكو شي تلوع جبدج

فكرنا نكنسل بس لما رحنا شي مو طبيعي

عادي تصير تصير

عيل مرة حاجزين شاليه قبل لا نروح يسئلون بجم وشلون رحنا وردينا
قالو اي هذا يمكن 3 مرات رحناله ويورونه الصور :s
جان تحجيتوووو


عادي عادي

 

[om MaRyooM]

*اخت خالتهم*

لووول مواقفكم عجيبة

اشوا وظعي موغريب يعني . .

انزين لييش !!


وشاكرة مرورج حياتي

 

[السكرتيرة النشيطة]

عادي بالحمال مااعرف الا بالصدفة
وحمالي اول ماحللت طرشت مسجت للكل
بكل شي ماادري مع اني معاهم بنفس البيت شلون طبيعة انا عن نفسي مااتحمل تقعد الكلمة تدور بحلجي واقرر اني مااقول لحد تصدقون والله ورا ساعة ماحس الا الكلام بروحه يطلع بعدين اقول ياربي انا ليش تكلمت طبيعتي حسافة مو نفس طبيعتهم احس الكتمان وايد زين في بعض الاحيان ومرات يحسسونج انهم مايبونج تعرفين عادي عندهم والا قاعدة يمهم بالصالة ويسولفون بصوت واطي عشان لااسمع والا وحدة تساسر الثانية استغفر الله انا احسسهم واطلع من الصالة بكبرها عادي عندهم يعيدونها كل مرة


اهما زينين معاي بس هذا العيب الوحيد اللي يغثني فيهم

 

[om.7madiiin]

رد : الكل (جك بوم) سواها...الا احنا ياحظي لازم ندق طبل ونتحجى

وااااي هذا ريلي الثاني ما يخش الطقـ,,,,
قطيعه و اهما يروحون و يردون و كل شي و لا ندري عنهم
مرة تخيلي اول ما ولدت يقول حق اخته مالت علييج مرتي ترضع
انتي كله قواطي
2 يوم ناشف حليبي من هني بط جبدي@@@@@
واي موصج الله يعيينج ..ويعيني

 

[summer's day]

رد : الكل (جك بوم) سواها...الا احنا ياحظي لازم ندق طبل ونتحجى

واااي وايد تصير!
أنا وريلي كنا بنسافر وما علمنا مرت حماي ولما شافونا نطلع جناطنا الله لا يوريج! شنو وشنو وليش ووين!
انتي شكو؟ كا تسافرين وتطلعين وما تعلمين ولا تشرهت

 

[om MaRyooM]

Om 7amdiin

لوووول موقف الحليب غريب وعجيب ..

الظاهر ريلج يصير حق ريلي لوول

 

[امواج الكويت]

الحمدلله انا ريلي طبعه غير يوم السفر يقول لابوه وعمي ما يعلم يدقون علينا ينصدمون ان احنا برى الكويت ههههههه

 

[برد ابو الذهب]

اب اب

 

[المها التميمي]

رد : الكل (جك بوم) سواها...الا احنا ياحظي لازم ندق طبل ونتحجى

من صجج تراعين شعورهم بهالسوالف !!!

حبيبتي هذول ناس ما تنعطى ويه .. حياتج تعيشينها على كيفج وخصوصياتج محد له حق يتدخل فيها

هم ما يتشرهون الا عشان يضايقونكم مثل ما اهما محترين من سفرج .. اهل الزوج مهما كانوا ما يخلون من هالطبع

يستانسون لا نكدوا على مرت ولدهم ويحترون لا شافوها مبسوطة مع ولدهم

انا اكثر وحدة كنت احصل زف من سالفة سفرياتي مع اني كنت اعلمهم أول ما احجز ,, يعني قبل السفر باسبوع تقريباً

ومع ذلك احصل زف وانتقادات .. اخر شي قلت والله العظيم ما اعلمهم بشي من الحين ورايح وبخليهم ما يوعون الا واحنا رادين للديرة

مدام الانتقادات بتطولنا مهما سوينا عيل خلاص خلهم ينتقدون براحتهم بس هالمرة على سنع خخخخخ والحين خلاص ملوا مني وماقاموا يفتكرون فيني > وهذا اللي كنت ابيه

حبيبتي ألززززززززم ما عليج راحتج ثم بيتج وعيالج ثم ريلج والناس مارح تاخذين منهم لا حق ولا باطل so عطيهم طاف عشان تعيشين




.

 

[اخت خالتهم]

ام مريوم انا اقولج ليش
اهم يشوفون ان هذي اشياء عائلية و هم خايفين احد يكون مثلهم او يذم المكان اللي بروحونله
او ان يحسدونهم جنه مافي ناس تسافر

بس انتي يعتبرونج محسوبه عليهم ماا يحقلج ما تقولين وانتي تعرفينهم

جذي تفكيرهم .. انا مرة حاولت اكون مثلهم بس قطيت قطة شكبرهااااا ان اذا سافرنا ان شاءالله هالسنه هههههههههههههههههههههه

فـ مااا نيووووووووز