الكمفورت..ابيه تثبت ريحته بالملابس..اشلووووووووون؟؟

[Om JooD]

السلام كويتيات



انا استخدم الكمفورت بس ابي ريحت تهف هف من الملابس وخاصة ملابس البيت




اشلوووووووووووووون الطريقة ابلييز فيدوني


وتشكرات

 

[Om JooD]

اب



اب

 

[مروقه على الكوفي]

وعليكم السلام
ممكن تحطي نقط من الكمفورت مع ماءالكوي تثبت الريحه اكثر

 

[% HoooR %]

أم جود
شلون تستخدمينه؟
أنا شريته بس ما عرفت له
خفت يخربون الملابس<توها متزوجه وما تعرف شي لووول

 

[نداااوي]

مرحبا أم جود يسعد صباحك وبتمنالك إنتي وبنات المنتدى كل السعادة

أنا من ناحيتي بحط الكومفورت بآخر دورة للغسيل
بخلي الكومفورت عالغسيل وبخلي الغسالة تلف لفتين وبطفي الغسالة 10 دقايق وبعدين بشغلها لحد ما تنشف الغسيل وبعدين لما بنشر الغسيل ما بنشره بره بالغبره بنشرة على المنسر بالبيت وبشغل عليه المروحة

بيطلع الغسيل على كيف كيفك

استعملي داوني الأخضر ريحته روووعة

 

[نوارة الكويت]

اختي اذا حطيتي كمفورت بالغسيل لا تستخدمين النشافة اللي تنشف 100% لنها تروح الريحة ( عن تجربه )
شري الهدوم على المنشر بالبيت مو بره
والريحة راح تظل

 

[روح آلمشآعر]

آستخدمي دآوني ريييحته روعهـ

آنآ آختي تستخدمه لملآبس عيآلهآ وآآآو ريحة ملآبسهم سبحآن آلله مميزهـ ~



،

 

[لمار الكويت]

استخدمي كومفرت نواعم البنفسجي والوردي

 

[UM^LEEN]

رفع

 

[shai5at al3arab]

اي ما تثبت الريحة

وازف خدامتي اقول لها انتي مو قاعدة تحطين

تقول والله احط ووايد

بس ما يثبت

 

[ام فجر3]

انا كانت ريحه ملابس وملابس عيالي مميزه الكل يتكلم عنها هذا لما مانت عندي الغاساله العاديه بس من سريت الاتوماتيكيه انقلب الحال

بس من يومين شريت جوهر كومفرت وخليت الغساله على بس تدوير واحط الكومفرت واخليها شوي والحمدالله كنها رجعت الريحه نفس قبل

اتمنى اني اكون افدتك

 

[Om JooD]

الماس حبيبتي..بعد ما تغسلين الملابس وتخلصين حطي بالغساله جذي كوبين او ثلاثة من كمفورت البنفسجي


بالغساله وبعدين حطي الملابس وفريها فرتين وبعدها حطيها بالنشافة وخلاص وشريهم


انا اسوي جذي بس الملابس مو حيييل فيهم ريحة


ابي تجارب اكثر

 

[Om JooD]

up

up

للفايدة

 

[(كويتيه عسل)]

خل اسألج طريقة امي هم علشان انا اتعلم

لان ريحة الكونفورت تظل ثابته مده طويله

واشوف ملابسنا ماننشرهم ابد كلا نغسلهم بالغساله ونشفهم بالنشافه والغساله

حتى ماشالله الملابس اللي صارلهم مده بالاشهر مغسولين ومحطوطين في الكبت ريحتهم كونفورت

ولما البسهم ريحتهم تهبل تبط الراس وتظل ثابته عالملابس ليما اقطهم

 

[Om JooD]

كويتية عسل ..حبيبة قلبي سأليها وقوليلي ناطرتج

وعسى ربي يخليها لكم يارب

 

[العلياء]

حبيبتي اهم شي انج لما تشرينهم بره بالشمس مايطولون بره تدرين ربع ساعه وينشف الغسيل لان اذا طولو بياخذون ريحه الحر
والاحسن تشرين الغسيل على المنشر داخل البيت على المروحه احسن تثبت الريحه اكثر
وعن تجربه للامانه جربت كل الانواع داوني وكمفورت ومافي احسن من الجديد
داوني البنفسجي الغامق الجديد اللي عليه رسمه حرمه اللي هابين بدعايته هالايام عجيبه ريحته وتدوم حيييييييييييييل جربي وبتدعين لي

 

[Om JooD]

مشكووووووووووورة العلياء وبانتظار كويتية عسل

 

[(كويتيه عسل)]

كويتية عسل ..حبيبة قلبي سأليها وقوليلي ناطرتج

وعسى ربي يخليها لكم يارب

آمييييييييييييين مشكوره

ترى من امس حطيتلج الموضوع وعنوان الموضوع باسمج

http://www.q8yat.net/showthread.php?t=427803

و امي تسلم عليج وعلى كل اللي يبون يعرفون الطريقه

 

[شكليطه]

حبيبتي انا لاحظت ان الكومفورت بسرعه تطير ريحته اذا كنتي تشرين الملابس بالشمس ولمده طويييييييله

لكن لما يتنا فتره الجو غبار......كنت اشر ملابسي بغرفه الكوي........والله والله بدون مبالغه الملابس ريحتها كومفورت...وطولت معاي اكثر من اسبوع تقريبا
خصوصا الملابس الداخليه...كل ماييت استخدم واحد اشم الريحه اتينن


بس انا احب الشمس واحسها تعقم الملابس......للاسف ماكو حل وسط

الا انج تحطين شوي كومفورت مع ماي الكوي

 

[قلبي تركواز]

استخدمي جوهر كمفرت
ترى ريحته اقوى وتظل بالملابس مثل العطر