الكونسيلر العجيب .. علاجي + تجميلي + وقاية من التجاعيد والهالات السودا .. حياااكمـ

[Mjnont '3lay]

قوه كويتيات شلونكم عساكم باحسن حال
طحت لكم على كونسيلر عجيب والله يشهد علي امس اول يوم استخدمه وقلت ابدن والله لأنزل موضوع عنه وافيد فيه خواتي كويتيات حبيباتي
بس عاد اذا جربتوه طالبتكم ابي دعوه حلوووه انه الله ياخذ بحقي وحق الوالد من اللي ظلمونا عاجل غير اجل ويورينا فيهم عجايب الدنيا ويرزقني الذريه الصالحه ويسخر زوجي لي ويحقق لي اللي في بالي على خير ويسهل لي اموري في الدراسه الله يتقبل منا جميع دعواتنا ويغفر لنا ان شاءالله
المهم هو رول غارنيه فيه منه اثنين واحد عادي والثاني على كونسيلر مع لون
يا بنات عجيييييييييييييب يهبل يهبل وبما اني منقبه وبنفس الوقت ما اعرف اوزع الكونسيلر عدل كل مره يبقع نقابي وملفعي والسبه الكونسيلر لين لاعت جبدي وقمت اطلع من غير كونسيلر بس بودر خفيف
لكن بعد ما بطلت الرول امس واستخدمته ياربي عجييييييييب شويه بحقه هو شكله كريمي وبسرعه يتوزع عالعين وبعد اقل من دقيقه يقلب على بودر مايدبق اتمنى فهمتووني قلت كل يوم بستخدمه حق الدوام هو ينفع حق الدوامات الصبح بما انه مالنا خلق من صباح الله خير نحط ونوزع وندمج :ch12:
فهذا سريع وسهل وتغطيته حلوه وسعره بدينار وربع بالجمعيه
واللي مالها خلق تدور بالجمعيات لانه مو شرط كل الجمعيات تحصلونه
انا اخذته من جميعة سلوى
وعلى فكره مو بس كونسيلر ويغطي الهالات لااا مع الوقت يوخر الهالات والانتفاخ والخطوط وانا جربت العادي بدون لون بعد يهببببببل بسرعه وخر الهالات عندي
ولا تنسوني بدعواتكم الحلوه واللي تجربه تقولي رايها فيه وعليكم بالعافيه مقدمااا :eh_s(17):

 

[حلاوتي حلوه]

اليوم شريته عاد من مركز سلطان و علبته سوده !

وجربته بدون فاونديشن و عادي. بس بسرعه ينشف و حلوه حق منقبات

للحين ماركزت بتغطيته

يعطيج العافيه

 

[مــســك]

مشكورة حبيبتي ...:/


والله يرزقج ويوفقج بالي تتمنينه ...:/

 

[تبيني آرضى عليك]

مشكورررررررره

 

[foshia girl]

مشكوووره
عندي اياه حيل احبه حق الدوام الصبح

ربي ينصركم انتي والوالد على من ظلمكم ويردلكم حقكم

 

[جوك احلى جو]

الله ينصرج علي من ظلمج

 

[حكايا المطر]

انا احبه يبرد على العين وحلو بس مشكلتي معاه انه لون هالات عيني غامقه واللون شوي فاتح فيقلب على رمادي من كذا وقفت استخدامه

 

[brettey]

عندي اياه مشكوره
الله ينولج مرادج

 

[M!ss Dalo3a]

ربنا يعطيكى ضعف ما تتمنى

 

[Mjnont '3lay]

عليكم بالف عااافيه بنات فديتكم


اللي قالت مو غامق لااا بالعكس ردي على المنطقه اكثر من مره رح يطلع كونسيلر مو خفيف قوي عاد وزعيه بيدج بالطبطبه مو بالرول
رح ينشف بسرعه ورح يغطي عدددل والحلو فيه ينووووووووور العيييييين يهبببببببببببببببببل حيل عجبني وبروح اخذ مننه بعد

 

[عسوله ودلوعه]

ياليت تنزلين صوره له

 

[منبــع إحســاس]

مشكوووره ياقمر

 

[احلى جورية]

تسلمين حبوبه ع الافاده

 

[الشـوق عطري]

انا فعلا جربتة بس ماصلح لي
ممكن حق الي عندها هالات خفيفة اوك

 

[كلارا]

ايه روعه وفيه منه درجاات بس بالخليج مايوفرون غير درجتين

 

[Mjnont '3lay]

ياليت تنزلين صوره له

السموحه حبيبة قلبي كلش مالي مزاج للتصوير
جبت لج صوره من النت
الاصفر علاجي واللي لونه بني نحاسي هذا الكونسيلر وتلقينهم بالجمعيه ماركة غارنيه ..~

 

[Mjnont '3lay]

الشوق عطري ..~


غريبه حبيبتي انا هالاتي غامقه وتفتحت على الرول احطه اول ما اقوم من النوم مباشره وقبل النوم احط كريم للهالات السودا وحييييل بصراحه خفت عندي الهالات الحمدالله بس احتمال يكون عندج انيميا بسم الله عليج او حديد فلازم قبل العلاج الخارجي تسوين فحوصات داخليه عشان تتأكدين انه الشغله مو وراثيه ولا بسبب نقص بالحديد او انيميا
والسهر والارهاق والتعرض للشمس بكثره وشرب الكافيين والمنبهات زياده عن اللزوم والمشروبات الغازيه الغامقه هذي كلها تسبب هالات سودا اخذي حذرج منها ولازم يوميا تمشين لو 20 دقيقه عالاقل عشان تتحرك الدوره الدمويه والهالات تروح من نفسها عن تجرررررربه ماكنت قبل استخدم ولا شي حق عيني بس كنت امشي ساعه كل يوم الفجر بالبيت على ايام بيت اهلي وابوي كان يسألني شنو استخدم يقولي مافي هالات غامقه مثل قبل صايره حيييل خفيفه ؟؟..

واستخدمي شرايح الخيار كل يومين وترك حطيهم على عيونج وهم باردين واسترخي بالفراش لمدة ربع ساعه وكل خمس دقايق بدلي بشرايح جديده
واستخدمي ثلج ماي الورد حيل ينور العين ويصفيها ويشدها

اتمنى فدتج حبيبتي :***

 

[Mjnont '3lay]

كالارا
وناااسه توني ادري بهالمعلومه انه في منه درجات ..~
ياليت ينزلون لنا كل الدرجات اللي موجوده
ومشكوره حبيبتي على مرورج ..~

 

[broor_20]

يعطيييييييييييييييييييييج العااافيه
والله يأخذ حقج انتي وابوج يووفقج بدراسته وبحياتج

عــلى مدحج لــه ان شاءالله بجربه ​

 

[Mjnont '3lay]

برور
الله يعافيج مشكوووره حبيبتي على هالدعوووه الحلووه ربي يسمع منج ان شاءالله
بس الرول العلاجي اللي لونه اصفر يمكن مايناسب الكل انا بالنسبه لي حيييل ناسبني اخاف تاخذينه وما يفيدج بشي وتتضايقين مني لاني مدحته عاد كل شي ولا احد يتضايق مني

اما الكونسيلر لا والله عجييييييييب وبالنسبه للتغطيه اذا ماغطى الهالات عدل ردي عليه اكثر من مره بحركه دائريه ووزعيه عدل بالرول والله سحر سحر ورخييييص انا امس مو مصدقه عيني لوووول اشوف عيوني منوره ماشاءالله وتغطيته حده عجيييبه واهم شي مابقع نقابي ولا ملفعي قلت لااازم اقووول لكم عنه دامه عجبني