الكويتيات.. الفزعـــــــــه لا هنتوا

[no0o_so0o]

مساكم جوري
بنات الكويتا العزيزات
انا جايه على الكويت ان شاء الله
وحابه استفسر
ابي محلات مواعين حلوه واشياء حلوه للبيت وسعرها حلو
ومحلات ملابس سهره انيقه
ومحلات تيورات طويله لان اتورط مبالبس
واماكن حلوه ومطاعم على البحر مأكولات بحريه
ومطعم مغل الهندي وين مكانه
الفنار الذهبي بالمباركيه وش فيه شيء مميز
ومجمعات النقره الشمالي والجنوبي ايهم احلى
ولو فيه معلومات ياليت لاني عروسه ودي ارجع بملابس حلوه لاني مليت جهازي
والللف اللف شكررررررررررر لكم

 

[ScarletteO'Hara]

هلا والله فيج بالكويت و الف مبروك على زواجج, شوفي من ناحية محلات المواعين ما عندي خبرة وايد, يعني الكويت فيها الغالي و الرخيص بس للاسف ما اقدر افيدج, ما ادري جان مركز سلطان ينفعج من هذي الناحية او اي تو زي او ترو فاليو و فياصل بعد, البنات انشالله يفيدونج اكثر, ملابس السهرة الانيقة تلقينهم بليلى جاليري, البوشية بالصالحية, في معرض بيكون بهيلتون المنقف انتي بس قولي متى ييتج عشان ادلج عليه, معرض حيل راقي لملابس السهرة, الاسطورة بس غالي كله ماركات عالمية, المهلب بعد الدور الاخير فيه وايد محلات راقية لملابس السهرة, و حق التيورات هم المهلب ينفع, مطاعم المأكولات البحرية الي على البحر جربي سفن سيس, مغل محل له وايد فروع, في بالديرة و السالمية و اعتقد الفروانية, الفنار الذهبي اول مرة اسمع فيه بس سوق المباركية شعبي و يونس تلقين فيه الملابس و سوالف الدرابيل السنعة و قرص عقيلي.... مجمعات النقرة من سنين الطواعين مو داشتهم انشالله البنات يفيدونج
انشالله اني اكون فدتج و حياج بالكويت

 

[aBoOoRa]

حبوبه المواعين السنعه


عندج بالفحيحيل شاهبندر الامارات روووووووووعه


وبجليب الشيوخ العميد والسلطان


الماعين عندهم روووووووعه


اما بدلات السهره


رشا شيك البدع

انسام الخلف

برجواز عالبحر

هذول الي اعرفهم


النقره ملابسهم عاديه حيييييل مو حق عروووس


عندج الاسطوووره وانسام الخلف و شمس سالمين هذول بدل للعرايس


بس ها ترى غالين

 

[no0o_so0o]

ياقلبي انتي الله يبارك فيك
مشكوره ياعمري
بس سفن سيس باي مكان
وابي لبس طويييييييييييييييييييييييييييل وحلو حيل متورطه
والملافع ابي شيء غريب وين القاها
ياعمري مشكوووووره
عسا الله يفرج همك ويرزقك من حيث لا تحتسبين
جيتي ان شاء الله الاسبوع الجاي

 

[no0o_so0o]

لا انا مابي غالي مره
ابي اشياء حلوه وبسيطه
ماتوصل انسام الخلف لا ابي محلات المصصمات اللي الناس هابين فيها ودايم يقولون الكويتيات ذوق ولبسهم حلو بس مادري من وين اجيب
الف شكر ياقموره ومحلات المواعين كيف الاسعار ؟

 

[ScarletteO'Hara]

سفن سيز تلقينه على البحر, اذا تعرفين برج حمام اهو يصير فوقه, ملابس المصممات الكويتيات اغلبهم تلقينهم عادة بالمعارض, ما ادري حاليا اذا في معارض في بيت ديفا و كاريزما الي مجابلين مستشفى الاميري, يمكن البنات عندهم خبر عن المعارض عشان صج مشالله موديلاتهم روعة, الملاقع هم بعد بالمعارض و في فولار بالفنار كله ماركات, في بعد محل ثاني بالفنار فوق ناسية اسمه خوش ملافع عنده و الملافع الرخيصة تحصلينهم بمجمعات الفروانية و القيصرية بالسالمية فيه شغلات حلوة

 

[q8q]

ملابس سهره اسعار معقوله عندج بالفروانيه الحمرا مول
البدل بالافنيوز والمهلب وسوق شرق مارينا مول والفناروالكوت الرايه وكل المجمعات
المواعين بكل مكان
النقره من زمااان عنه اعتقد الشمالي احلى
المطاعم مطعم الخليج الصيني بحولي يم حنان دشتي حلو
مطعم مركز سلطان على البحر
مطعم النوخذه بحري
في مطعم ناندوز حلووو
مطعم فريج صويلح اكل كويتي
مطعم قصر البردوني ريوقهم حلووو
شارع الخليج كله مطاعم على البحر وكل شي لبناني امريكي هندي كل شي

انتي روحي الافنيوز اول شي راح تلاقين تقريبا كل اللي تبين لانه كلللللللل شي فيه

 

[الحــــــلا كله]

شوفي حبيبتي
الافنيوز نفس طقت مجمعاتكم

تبين محلات كويتيه

عندج كويت ماجيك والمهلب

المواعين تلقينها بالاسواق الشعبيه

ملابس السهره
تلقين بليلى جاليري وزهره وهذول بشارع سالم مبارك بالسالميه

العبي تلقينها بالفروانيه
بس انا برايي ان انتو احلى من عبينا

 

[no0o_so0o]

مشكورين ياقمورات
الف الف شكر

 

[فرحتي بقربه]

:eh_s(6):ياهلا ومرحبا اختي والف مبروك مقدما ..

أول شي المواعين والسوالف هاذي تلقينها بالاسواق الشعبيه اشكال والوان متنوعه وحلوه وتصاميم غريبه وفخمه بتلقينهم في مثل شاهبندر الامارات والموعد والوافي والباشا .. هذيلا بالجهراء بس افرعهم مااقدر افيدج فيهم

الدراريع تلقينهم مجمع العربيد مو السوق لا لا سألي عن العربيد الخياطين فوووق 200 محل واسعارهم مناسبه وشغلهم حلوو اهما مجمعين يم بعض قديم وجديد الجديد بالسرداب تلقين محلات عبي اسعارهم حلووووه وموديلاتهم ناعمه وذربه وغريبه وبعد بمجمع مبارك الصيفي كله عبي الثلاث طوابق طبي وتخيري وكل هذا بالفروانيه

البدل والتايورات روحي شارع سالم المبارك بالسالميه تلقين المجمعات مسطره تمشي وشوفي وهم روحي السالمية القديمه فية شغلات حلوه

قبل لاتجين الكويت بيوم يومين حطي موضوع واسألي عن المعارض المفتوحه عشان تروحين لهم كلها شغل حريم من بدل عروس لبدلات استقبال اغلب العرايس يجهزون من المعارض

موفقه بإذن الله