الكويت.. والحرب على ايران ورأيكم؟

[coffee]

أهلين بنات ديرتي

هل تتوقعون بتصير حرب؟ الله لا يقوله
وهل سويتو أي استعدادات ؟

أنا عن نفسي ضد الحرب بس تعبنا من التلوث والأمراض

جهّزنا «البوتاسيوم» للمستشفيات تحسباً لتسرب الاشعاع
«الصحة»: نعم.. الخطر على الكويت إذا ضرب قلب مفاعل بوشهر
كتب جمال الراجحي:
أبدت وزارة الصحة مخاوف من حرب نووية في المنطقة «إذا ضرب قلب مفاعل بوشهر الإيراني، ولذا وضعنا خطة احترازية من ضمنها توزيع أدوية البوتاسيوم على المستشفيات والمراكز الصحية لمواجهة تسرب الاشعاع»، موضحة ان «الخطة تشتمل على منع استيراد أي أغذية ومياه من طهران.. ولن نكون تشرنوبل الثاني».
وأكد مصدر مسؤول في الوزارة لـ «الوطن»: «الخطر هو ضرب قلب مفاعل بوشهر، لأن معلومات ترددت أن الوقود النووي نقل إليه.. لكن إذا ضربت معامل التخصيب في منطقة ناتاز وملحقات المفاعل.. فهنا لا خطر على الكويت والخليج»، مضيفا: «واشنطن تدرك ذلك، وتضعه في الحسبان».
وتابع المصدر: «وزارة الصحة جهزت خطتين لمواجهة أي احتمالات حرب في المنطقة الأولى لحرب تقليدية، والثانية للنووية، ونحن مستعدون للظروف كافة في شأن توفير الأدوية والكمامات وعمليات الاخلاء».
الوطن

 

[مطيريه ماركه]

والله واشنطن لا يهمها ذلـك مايهمها الا مصلحتها وبسسس وتحمي اسرائيل برافوو على ماما امريكا شو حنوووووووووونه

والله يحمي الكويت وأهل الخليج

 

[pink cat]

هاي اول شيء اشكرج على الموضوع وثاني شيء الحرب الله لا يقوله الكل يقول :: صااارت :: :: صااارت :: أبي أقول لكم
السالفة شلون بدت بين امريكا وايران اول شيء كان في مشكلة بين إيران والامارات يت أمريكا الملقوفة و اتدخلت جان ايران تقول حق امريكا انتي شكووو وعاد صار في بين امريكا وايران حرب بالكلام بعدين ايران تسوي النوويات يعني شوف امريكا حدج لا وامريكا تاخذ من الدول الاوروبية نووي لا والمشكلة ان أمريكا قاعدة تقوي من علاقاتها مع إسرائيل عشان
لي صارت الله لايقوله أمريكا واسرائيل togather لا و هم بعد على الاخبار من جم يوم الكوندليزا رايس تقول عن اسرائيل ان لها مكان بين الخليج يعني شنو الكلام هذا يأكد ان امريكا تحب الحروب وخصوصا بين العرب وبالاخص بين المسلمين وييييه
انا وااايد سولفت سووووري بس هذا الصج و عن الاستعدادات انشالله سوووووون وانا افضل ان اموووت شهيدة بديرتي احسن ماامووت واتعذب بره ديرتي <<<<< ياعيني عالوطنية ههههه

 

[coffee]

مطيرية ماركة الله يحفظنا من كل شر

pink cat حياج الله حبيبتي والله يطول بعمرج واهنيج على الوطنيه لان البعض يفكر بالقبه واللي بياخذها حجه رايحين حق أهلنا على الصيف ههه.. وأتمنى ان تتغير ابسرعه حكومة بوش اللي مايابت لنا الا المصايب

 

[lolocati]

اللله يامنا بديرتنا>>>>شي مو هيين واحنا اقرب مكان

 

[coffee]

lolocati صاجه موقعنا ماشاءالله بين حانه ومانه.. الله يحفظنا يارب وتنتهي هالحروب اللي ماوراها الا الأذية

 

[زيـنـه]

الله يستر علينا بستره .
و الله يحفظ الكويت واهلها من كل شر

 

[coffee]

زينه اللهم آمين ونورتي الموضوع

 

[جوزاء]

الله يحفظ الكويت واهلها من كل شر

 

[&مناي&]

الله يحفظنا

 

[ريماا]

الله يحفظنا ان شالله

 

[عيمية^والقلب^كندري]

الله يلعن امريكا واسرائيل محد يكره المسلمين كثرهم ويلعن صدام اللي خلانا نحتاج للامريكان يحررونا بس خطة كاهم بسطوا عندنا وشفطونا عدل وصاروا معششين بالكويت وشوي شوي بيقضون عالمسلمين حسبي الله عليهم يارب تحفظ ديرتنا من كل طامع يارب

 

[اشراقة الحياة]

عسى الله يحفضنا من كل شر انشالله

 

[حمام شاقني فنه]

زين امريكا شكوو تتحرش بايرران ابي افهم بسسس

لاحول ولا قوه الا بالله

حافضج الله ياالكويت

 

[blue diamond]

امشكوره حبوبه على الموضوع
والله يحفظ الكويت وشعبها ان شاء الله
بس بعلق على شي صغير : ان امريكا قاعده تحارب ايران ومو قاعده تحارب إسرائيل لان وبكل بساطه ايران داخله بإتفاقية السلام وعدم استخدام السلاح والنووي وبهالشي تكون ملزمة لها وواجبه التطبيق واذا عارضت او خالفت الاتفاقيه فتكون مخاالفة لها وتعاقب وتكون محل المسؤولية اذا كانت الاتفاقية تفرض هالشي بس اسرائيل ما ادخلت بهالاتفاقيه من جذي محد يقدر يقولها لأ عن استخدامها للسلاح والنووي

 

[عسله*]

اللهم احفظ الكويت وشعبها من كل شر


وانصحكم خوااتي بكثره الاستغفاااااااار


ليزيل الله عنا البلاء والكوارث

 

[ii DareeN ii]

برغم ان نسبة كبيرة من مصايب دول الخليج ايران لها دور فيها وتدخل تدخل كبير في الشؤون الداخليه لدول الخليج لكني ضد الحرب لانها مو من صالحنا


اول الناس الي راح ينظربون احنا

ثاني شي تلوث بيئي اكبر من الي عايشين فيه المحصلة امراض اكثر


ثالثا ارتفاع اسعار البترول يعني غلاء بالسلع وكل شي اكثر


رابعا ماضن امريكا بتضرب ايران وايد ناس اعداء بالعلن اصدقاء بالخفاء وشكرا اختي كوفي على الموضوع

 

[:: Diva ::]

الله يستر

 

[غزلان]

الله يستر

 

[A7la 7la]

إيــراااااااان صارت مثل الـجلب المسعووور تمشي و تهدد ... واللي باط جبدي الرئيس الايراني اللي يقول اذا امريكا ضربتنا ضربنا اللي حوالينااا .....!! ليش يعني ؟؟؟؟؟؟ شنو هالعقليه ؟؟؟؟ و ايران من طلعت عالدنيا و اهي منطقه مضطربه مثلها مثل العراق ... وحاطه خشمها بكل صغيره و كبيره .. وصدقوني مهما ابتسموا .. نواياهم سودا ...!!!!
واحنا المساكين اللي صرنا بينهم ....!!

وبعدين اللي طايحين له سب بأمريكا .. اهو صج امريكا حررتنا مو لسواد عيونا .. لسواد نفطنا .. ندري .. بس تخيلو لو امريكا ماتدخلت ... تتوقعون الدول العربيه الشقيقه على قولتهم اهي اللي تبي تتدخل يعني ؟؟؟؟

نسيتو مواقفهم اللي يشهدلها التاااريخ ؟

نسينا الاردن و فلسطين ؟؟؟؟

هذول سوو اللي ماسووه اليهود ...

على الاقل اليهودي يهودي ماعليه شرهه .. الشرهه على اللي تربطنا فيه رابط العروبه و الاسلام .. وهاااذي مواقفهم ..!

لاحول و لاقوة الا بالله .. والله يحمينا يااارب .. احنا الغزو و يالله تشافينا منه ... هالحين بعد ايران و نووي ؟؟؟؟؟ اففف شي يحر الجبد و الله .....