الكويت

[pink^q8]

السلام عليكم اليوم موضوعي ومناقشتنا عن الكويت

نبي نتكلم بصراحه لان كلنا قاصين بالموضوع انتوا مالاحظتوا ان ماعندنا سياحه كلش بالكويت غير الترفهيه وقديمه بعد والشعب والمجمعات واكثر شي المطاعم وين مانروح مطاعم ولا سينمات :eh_s(2):

تتوقعون ليش جذي احنا مابيدنا شي الا نفضفض وندعي ان تمشي عجله التنميه مثال (دبي ) الصراحه لا يعلى عليها مشاء الله بالسياحه من كل النواحي ليش احنا مو جذي شاللي ناقصنا الصراحه شي يعور القلب ويحر :eh_s(2)::eh_s(14)::eh_s(14)::eh_s(14)::eh_s(14)::eh_s(14):

ولا اشرايكم
​

 

[الشوق معذبني]

مـأ عنـدي شـي أقــولــه بصــأرحــه بس انتي لو تكتبين هالشي ب التويتر او المنتديات اللي تختص ب هالامور او اي شي يمكنننن يتعدل الوضع

 

[ورع البدو]

أنا أقولج ليش يا عمري

والسؤال مو بس ليش ما عندنا سياحه ؟ , السؤال لييييييش ما عندنا خدمات مثل مستشفيات جامعات ...الخ

منو اللي يقر هالمشاريع ويطور الكويت ؟؟ جهتين 2

المجلس (ممثل بالنواب )
الحكومه (ممثله بالوزراء )

السلطه التشريعيه (النواب) يتناقشون بمشروع ثم يصوتون فإذا حصل المشروع على غالبية يقر القانون ويسلم إلى (الجهة التنفيذيه ) اللي هي الحكومه ممثله بوزرائها وكل وزير ينجز اللي عليه


والمشكله الأخرى : احنا ما عندنا وزارة للسياحه كما يحدث بالدول المتقدمه ! قطاع السياحه يتبع أحد الوزارات وحسب ما سمعت من احدى المسؤولات عن السياحه تقول يجب فصل قطاع السياحه عن الوزاره لأن الوزير عليه أعباء كثيره وقطاع السياحه سيكون آخر اهتماماته !

دبي الله يهنيهم , الحمدلله احنا مو ناقصنا شيء يا قلبي , وعندنا فائض مالي وعندنا أيدي عامله وعندنا أفكار ومشاريع لكن تحتاج إلى من يقرها في مجلس الأمه وينفذها الحكومه

ومجلس الأمه في الخمس السنين اللي طافوا ما شفنا ولا قانون واااحد , تخيلي 5 سنين ولا قانون أقر ! وظهرت علينا قضية الايداعات المليونيه والفساد والاحتقان السياسي والدول تتقدم واحنا نتراجع

وجاءنا مجلس 2012 وأقروا نواب الأغلبيه في 4 شهور قوانين ممتازه مثل جامعة جابر , ومكتبة طالب العلم , قانون منع الاحتكار , قانون المناقصات , قانون المدينه الطبيه , تعديل قانون الاجراءات , قانون تجريم سب الله تعالى والرسول عليه الصلاة والسلام , قانون مراجعة السلم الوظيفي لوظائف الدوله , لجان تحقيق لمكافحة الفساد , تعديل قانون الحبس الاحتياطي , صندوق دعم المشاريع الصغيره ..الخ

وبعدها انحل المجلس فجأه ! والسبب خطأ اجرائي , وتم إرجاع مجلس 2009 , يعني نمنا واحنا 2012 قمنا ورجعنا 2009 !

كنت أتمنى يكملون أغلبية 2012 بالإنجازات ونرتقي بالكويت للأعلى لكن خاب ظني


والبعض يقول ما نبي مجلس الأمه وهذا قمة الجهل ؟! لأننا إذا أوقفنا مجلس الأمه
فلن نعيش بحريه ولن يكون هناك رقابه على أموال الشعب ومقدراته , لأن النواب لهم وظيفتين (تشريع قوانين , مراقبة انجاز الحكومه ومحاسبة أي وزير مقصر ) وبذلك يرتقي البلد
أما لو كان ما عندنا مجلس أمه جان ألحين احنا ما نعرف عن الايداعات المليونيه وتضيع أموالنا وإذا تكلمنا بكلمه نقذف بالسجون ! فاحمدوا الله على هذه النعمه والتي كل الثورات العربيه قامت الآن بسببها
لكن احنا الحمدلله عايشيين بحريه ولا ننسى الشيخ عبدالله السالم رحمه الله الذي وضع لنا هذا الدستور


ادعوا الله يرزقنا مجلس قوي وحكومه قويه ينهضون بالكويت للأماااام


ياااااااااااااااااااارب ترزقنا مجلس قوي شريف أمين ينهض بالكويت إلى مصافي الدول المتقدمه :yaaaaaarb:

 

[تذكر خافقي رمحك]

^^
لو مجلس الاغلبية يظل 30 سنة
محنا شايفين منهم شي سنع

وتسألين شناقصنا
ناقصنا ناس همها الديرة مو الدولة الفلانية والدولة العلانية
وان فكروا بالديرة فكروا باشيا مالها معنى
وناقصنا ناس نظيفة اغلب الي ماسكين المناصب
نصابين وبواقين ولا الافكار موجودة بس وين الي ينفذ

 

[omaseel]

رفع

 

[pink^q8]

مجمع صاهود على كلام صاهود ان راح ينقل الكويت للعالمية لان اول مجمع فيه تلفريك والعاب مائيه وتزلج عالجليد والعاب ترفيهيه ومجمع فيه سوق وكل شي متكامل اي هذي المشاريع اللي تفتح النفس

 

[فتافيت.]

والتجار والي يملكون

فالحين يبنون برا الكويت

 

[Madrideya ~]

الكويت ما فيها سياحة عز الله ما صدقتي !! أنا قبل كنت نفسج اقول جذي
بس يوم رحت لدول الخليج وشفتهم والله الكويت وهي بأسوء حالتها بهالسنين احسن منهم ب180 درجة
بإستثناء دبي طبعا لأن دبي محد ينافسها من الدول العربية كلها مو بس الكويت !!

بس من ناحية التنمية [ الجامعات / المستشفيات ..إلخ ] انا معاكم أحنآ متأخرين فيهآ !
بس من ناحية المجمعات والاماكن الترفية لااا طبعا !

على كل حال العيب مو بمجلس الامة ولا بالنواب العيب فينا نعطي اصوات لناس مو كفو تركض ورا مصالحها الشخصية !!
لو كل واحد يفكر بديرته بعيدا عن طائفيته وقبليته بتشوفون الكويت احسن ديرة بالعالم ..
بس شنقول غير عســـى الله يصــلح الـحال

 

[حناينq8]

كل اللي اقدر اقوله
ان الوضع بالكويت بشكل عام مكانك راوح

حتى مهرجان هلا فبراير بدا قوي ومع كل سنه يتراجع لي ورا ليمه صار مهرجان بدائي ومقتصر على افتتاح يفشل وحفلات بصاله التزلج

وين مسارحنا ( مسرح الدسمه وكيفان) ؟؟ ليش ما نشوف مسارح يديده
المولات ما عليها كلام ولو انه نحتاج مولات بمناطق ثانيه علشان تتطشر الزحمه وتتوزع
النافوره الراقصه ماادري ليش محتفظين فيها على خرابها - اوكي جددوها وطوروها
صاله التزلج كبروها
حديقه الحيوانات - شيلوها من وسط المناطق السكنيه - الله ما كثر الاراضي الصحراويه عنده نقولها وكبروها
بحرنا يحلوه - ليش ما نحط فيه رحلات سياحيه بمطاعم متنقله

الجزر - هذول يبي لهم موضوع بروحه وخصوصا فيلجا

لي عوده

 

[pink^q8]

الكويت ما فيها سياحة عز الله ما صدقتي !! أنا قبل كنت نفسج اقول جذي
بس يوم رحت لدول الخليج وشفتهم والله الكويت وهي بأسوء حالتها بهالسنين احسن منهم ب180 درجة
بإستثناء دبي طبعا لأن دبي محد ينافسها من الدول العربية كلها مو بس الكويت !!

بس من ناحية التنمية [ الجامعات / المستشفيات ..إلخ ] انا معاكم أحنآ متأخرين فيهآ !
بس من ناحية المجمعات والاماكن الترفية لااا طبعا !

على كل حال العيب مو بمجلس الامة ولا بالنواب العيب فينا نعطي اصوات لناس مو كفو تركض ورا مصالحها الشخصية !!
لو كل واحد يفكر بديرته بعيدا عن طائفيته وقبليته بتشوفون الكويت احسن ديرة بالعالم ..
بس شنقول غير عســـى الله يصــلح الـحال

الصراحه الكويت مافيها سياحه مقارنه بدول الخليج الثانيه مشاء الله شوفي قطر عمان دبي السعوديه كل هذول عندهم اماكن سياحي الا احنا شنو عندنا غير الترفهيه وكل مارحنا قالو الالعاب يصلحونها الخيران من سنه الطفحه كله براحات داخل الخيران حتى مافكرا يحطون سينما مطاعم نفس الناس العاب نفس الناس هذا يعتبر شاليه مقارنه بشاليهات الدول الثانيه اسوء شاليه هذا الصج

 

[pink^q8]

كل اللي اقدر اقوله
ان الوضع بالكويت بشكل عام مكانك راوح

حتى مهرجان هلا فبراير بدا قوي ومع كل سنه يتراجع لي ورا ليمه صار مهرجان بدائي ومقتصر على افتتاح يفشل وحفلات بصاله التزلج

وين مسارحنا ( مسرح الدسمه وكيفان) ؟؟ ليش ما نشوف مسارح يديده
المولات ما عليها كلام ولو انه نحتاج مولات بمناطق ثانيه علشان تتطشر الزحمه وتتوزع
النافوره الراقصه ماادري ليش محتفظين فيها على خرابها - اوكي جددوها وطوروها
صاله التزلج كبروها
حديقه الحيوانات - شيلوها من وسط المناطق السكنيه - الله ما كثر الاراضي الصحراويه عنده نقولها وكبروها
بحرنا يحلوه - ليش ما نحط فيه رحلات سياحيه بمطاعم متنقله

الجزر - هذول يبي لهم موضوع بروحه وخصوصا فيلجا

لي عوده

اي والله صدقتي كلشي داثر محتفظين فيه مايجددونه ليش ( الترفهيه مافيها شي يديد مع ان كبيره ويقدرون يكبرونها وتصير افضل مدينه ملاهي بالشرق الاوسط ) احنا والله نحب ديرتنا ونبي لها الخير ونبي تكون من ضمن الدول المتقدمة ماعندنا الا المطاعم شادين حيلهم فيه نبي مستشفيات نبي جامعات نبي ونبي ونبي اشياء وايد ناقصتنا الحمدلله عالامن والامان بس هذا مو كافي اذا احنا قاعدين ينشوف ديرتنا ترجع لي ورى