اللبس المحتشم

[فجر الغلا]

حبيبتي بدبي وين شفتي هاللوحة بالضبط؟؟؟

ايه والله وين هاللوحات إلي تقولين عنها والاحتشام مو معروف عند الاجانب إلي بدبي

 

[شمس عمري]

الي تتسزين في السوق عندها نقص وعدم ثقه
حسبي الله ونعم الوكيل
شلون لو تموت وهي بها الشكل

 

[شمس عمري]

الغريبه من الاهل شلون يرضون
على بناتهم

 

[هنوده]

ايه والله وين هاللوحات إلي تقولين عنها والاحتشام مو معروف عند الاجانب إلي بدبي

انا ما اقول انهم محتشمين ومافيه مفصخين هناك انا اقول انه احنا اهنيه لازم فيه تذكير ولوحات عشان كل واحد ينتبه شنو اهولابس بعدين اذا الناس تفصخ احنا نسوي مثلهم احنا لنا عادات وتقاليد واعراف اذا احنا اتبعنها الناس اللي تزورنا تتبعها معانا واذا صار استهتار باللبس راح يستهترون مثلنا

 

[ضمى روحي]

الحمد لله ماعندنا هالشي بالسعوديه هيئه الامر بالمعروف قايمه بدورها
الله يهدي الجميع

 

[توتاتوتا]

الله يهدي شباب و بنات المسلمين

العتاب الاول على الاب قبل الام لام اهو الولي والرجل الي يعرف دواخل الرجال والي يفكرون به تجاه كل سفور

العتاب الثاني على المجتمع الي يسمح بهذا الشي

العتاب الثالث على ولاة الامر وين تطبيق الشرع و ينزع الله بالسلطان مالا ينزع بالقران

ليش مايفرض لبس العباة و الحجاب حتى لو قلنا بتضيقها و تكشخها اهون من شكل عورتها المخنوقه ببنطلونها او شكل صفطات الشحوم

الله يسترنا بستره فوق الارض وتحت الارض ويوم العرض

اتمنى الموضوع مايوقف عند مجرد الانتقاد و ينتقل الى بحث الحلول مع الجهات المسؤله

 

[هنوده]

الحمد لله ماعندنا هالشي بالسعوديه هيئه الامر بالمعروف قايمه بدورها
الله يهدي الجميع

للاسف الاستهتار باللبس في كل مكان مو بس بالكويت وانا كل سنه ازور جده واقعد فيها فتره اشوف بنات بس يلبسون عبايه مفتوحه وكل شي مبين تحتها حتى الملفع يكون على الكتف مو مغطيا شعرها الاهمال في مراقبة اللبس من قبل الاهل في كل مكان ان الاب يشوف بنته توها صغيره لين تكبر بعدين يصعب الصيطره عليها لازم نعلم بناتنا على الستر

 

[تنآهيد ..~]

أي والله صاجه الله يهديهم إن شاء الله



والله حتى أنا أستحي لما أشوفهم وأستغرب من جرأتهم



ياربي تسترني وتسترهم تحت الأرض وفوق الأرض يوم العرض ~

 

[Miss.6Mo7]

الله يرفع عنهم ويهديهم ولا يبلانـآ إن شآءالله ..

 

[كوكيز]

ما انسى اللي يشتغل بمطعم مره شلون جيك على جسم البنت .
شلون ترضين على نفسج يطالع جسمج .. ؟؟!!
ليش تاخذين كل هالذنوب

 

[puppet]

انا ما اهتم بس اوافق اللي يتضايقون على رياييلهم

اذا شاف وحدة لف ويهه وإذا لف الناحية الثانية شاف ألعن

عشان جذي انا ما ابي اتزوج ، وش حقه احرق اعصابي ؟

 

[*(أبرار)*]

صاجين اللة يهديهم

 

[[[ عيون جابر ]]]

وانتي صاجه ياريت كل وحده تطالع شكلها بالمنظره قبل لاطلع من البيت وتروح المجمع تخرع اليهال وتصدم العالم سواء بمكياجها او لبسها
تسلم ايدج

 

[بوران]

و الله تعبنا و احنا نكتب بهالمواضيع من غير فايدة

يعني بفهم اللي يلبسون هاللبس مادري ايفصخون هدومهم فبل لا يطلعون من بيتهم اكيد طالين بالمنظرة

عادي عندها فخوذها طالعة ؟؟؟ عادي تفاصيل الاندروير واضحة ؟؟؟

اهم يستانسون عبالهم الناس تطالعهم على اناقتهم؟ عبالهم الريايل ميتين عليهم و الحريم ميتين غيرة من جمالهم الصاروخي

لا غلطانين لانه الرياييل حتى لو شافوا صدر بقرة فجوا حلوجهم:eh_s(1):

و ترا التفصخ مو دليل حضارة و اناقة بالعكس دليل الهلاقة

حتى لاحظوا زوجات الملوك و عوائل الطبقات العليا من المجتمع لبسهم محتشم اكثر من غيرهم

لانه التفصخ حق النساء الساقطات اللي اهمه ادنى طبقة بالمجتمع

 

[a5er el3angoood]

اييي والله صاجه بكل حرف والمصيبه مو بالمجمعات شرهتج على جامعة الكويت البنات هناك لبسهم فلم وماكووا رداد ولا صداد الجامعة الاستراليه واهيا الاستراليه اللي ينقال عنها جامعه اجنبيه روحوا وشوفوها عندهم مسؤوله هنالك تفتر بالممرات جنها اخصائيه مدرسه وتناشب الرايح والراد على لبسهم وكل الطلبه يخافون منها واللي عارف نفسه انه لابس غلط ينخش منها خايف انها تشوفه
واحنا جامعتنا جامعه الكويت اللي تمثل اسم الكويت جذي لبس طلبتها ؟؟؟؟ هذا صرح علمي والطلبه يايين يدرسون مو يتمكيجون ويتعطرون جنهم رايحين عرس ناهيكم عن اللبس الفاضح اللي والله اني ما البسه جدام خواتي حتى والنفانيف القصيره اللي دايرين فيها هذا غير الشباب اللي ايونج الجامعه بشورت مبكر لي نص فخذه ولابسلج بلوزه سبورت حفر يعني شنو عرض عضلات وشعر ريووول من زيينهم ريولك خوووش احترام حق الجامعه والله
اذا اهما بالجامعه لبسه جذي واللي مفروض انه يكون اكثر مكان نفرض فيه القوانين على الطلبه تبينهم يفرضون قوانين على المجمعات اي امبلاااا بس خليهم يفرضون قانون منع الاختلاط والطلبه يواجهون عدم توافر المواد وياكلونها بالتاخير الدراسي واهم نقطه ناسينها يعني اللي بيسوي الغلط بيسويه سواء داخل الكلاس او بره يعني يوم انتو منعتوا الاختلاط امنعوه مره وحده مو بس بالكلاسات ازين روحوا شوفوا المصخره اللي صايره بره وقولوا منع الاختلاط حطوا مباني معزوله عن بعض كليه للبنات وكليه للشباب انتوا جذي بدال ما تكحلونها عميتوها جني طلعت عن الموضوع الاساسي :dddds:
وشكراااااااااا

 

[عاشقه رويشد]

والله ساعات لما اشوف جذي ودي اروح اكفخ اللي لابسه ضيج والمصيبه لي احد لحقها راحت قالت حق الامن اي عدلي لبسج قله ادب صراحه وساعات اللي مو متحجبه احسن من لبس بعض المتحجبات

والله مره جذي رايحه الفنار وحده لابسه بنطرون ابيض وسليب بو خيط اسود واحد لاحقها طول الوقت وصادف بطلعتنا اهو يكلمها يقولها اختي اسف علي الازعاج بس السليب مبين

انا وخواتي قمنا نطالع بعض واهي عادي قالت له مشكور وراحت وفشلها صج صج الواحد قلبه ينعصر لما يشوف جذي الله يستر عليهم وعلي امه محمد يارب

 

[عاشقه رويشد]

بنهايه كل شي يرجع حق شخصيه البنت وتربيتها

 

[a5er el3angoood]

اييي والله صاجه بكل حرف والمصيبه مو بالمجمعات شرهتج على جامعة الكويت البنات هناك لبسهم فلم وماكووا رداد ولا صداد الجامعة الاستراليه واهيا الاستراليه اللي ينقال عنها جامعه اجنبيه روحوا وشوفوها عندهم مسؤوله هنالك تفتر بالممرات جنها اخصائيه مدرسه وتناشب الرايح والراد على لبسهم وكل الطلبه يخافون منها واللي عارف نفسه انه لابس غلط ينخش منها خايف انها تشوفه
واحنا جامعتنا جامعه الكويت اللي تمثل اسم الكويت جذي لبس طلبتها ؟؟؟؟ هذا صرح علمي والطلبه يايين يدرسون مو يتمكيجون ويتعطرون جنهم رايحين عرس ناهيكم عن اللبس الفاضح اللي والله اني ما البسه جدام خواتي حتى والنفانيف القصيره اللي دايرين فيها هذا غير الشباب اللي ايونج الجامعه بشورت مبكر لي نص فخذه ولابسلج بلوزه سبورت حفر يعني شنو عرض عضلات وشعر ريووول من زيينهم ريولك خوووش احترام حق الجامعه والله
اذا اهما بالجامعه لبسه جذي واللي مفروض انه يكون اكثر مكان نفرض فيه القوانين على الطلبه تبينهم يفرضون قوانين على المجمعات اي امبلاااا بس خليهم يفرضون قانون منع الاختلاط والطلبه يواجهون عدم توافر المواد وياكلونها بالتاخير الدراسي واهم نقطه ناسينها يعني اللي بيسوي الغلط بيسويه سواء داخل الكلاس او بره يعني يوم انتو منعتوا الاختلاط امنعوه مره وحده مو بس بالكلاسات ازين روحوا شوفوا المصخره اللي صايره بره وقولوا منع الاختلاط حطوا مباني معزوله عن بعض كليه للبنات وكليه للشباب انتوا جذي بدال ما تكحلونها عميتوها جني طلعت عن الموضوع الاساسي :dddds:
وشكراااااااااا

 

[GOLDEN ANGEL]

حبيبتي كلامج صاب الجرح هالظاهرة جدا منتشرة بين البنات السفور والمتحجبات بعد !!! محد قال لا تكشخون بالعكس لبسوا وكشخوا بس لبس راقي و محتشم يدل على انكم من طبقة كلاس وبنات حمايل، واستغرب حييييييييييل ليم الأم تقول والله لبس بنتي مو عاجبني بس شسوي ما اقدر عليها !!!!! عيل تقدرين على منو اذا على بنتج مو قادرة المشكلة ان بالبداية يقولون البنت صغيرة وعادي 16 سنه صغيرة؟؟ البنت مثل النيته اللي تسقينها وتكبر فلازم من الصغر يكون فيه حزم و اقناع بالحسنى واذا مافاد عادي حرميها من الطلعة اذا مو لابسه عدل ما تطلع.:krkrkr:
وللأسف اي شاب تثيره بنت ويطيح بالحرام راح تتحمل جزء كبير من ذنبه
الله يهدي الجميع ويستر على الجميع والشكر لصاحبة الموضوع ولكل المشاركات:eh_s(6):

 

[amoon]

و انا اشوف ان الكويت الديرة الوحيدة اللي فيها حرية خارجة عن الحدود واللي يشوفهم يقول كويتيات والله قهر احنا مو جذي والله الغبار والحر من طغى الحريم
الله يستر عليهم وعلينا وعلى حبيبتنا الكويت

فديتج نحن في الامارات نعاني من هالمشكله الله يهدي الجميييييييييييع