اللثه الكبيره (ضحكة الضبان)

[anoud93]

السلام عليكم ورحمه الله وبركاته
حبيت أفيدكم في أول موضوع لي ....
الموضوع عن : اللثه النازله؟؟؟؟؟؟؟؟

مثل الصوره السابق
طبعا أنا كنت اعاني من هذي المشكله لكن الحمد لله صارت أبتسامتي مثاليه
بعد ما سويت عمليه قص اللثه عن طريق الليزر؟؟؟
لكن الليزر مو موجود بالكويت أنا سويته بدبي
في عياده ليبرتي للأسنان وكان دكتوري هو
د.مجد ناجي

هذي صورته
وهذي عيادته بشارع الجميره الي بدبي

والحمدلله العمليه ما تعور أبدا ومن دون بنج
لكن كنت بسوي قص لثه بالشفره الي بالكويت لكن خفت على نفسي أني أغامر بلثتي لأني سألت أكثر من وحده مسويتها وتقول بعد العمليه تعورج لثتج .
لكن أنا ماحسيت بأي شيء
وكان سعرهم أفضل من عيادات الكويت
والأجهزه مطوره عندهم لأن جهاز اليزر الموجود عندهم الوحيد في الشرق الأوسط
كلفتني العمليه مع فتح الملف وتنظيف الأسنان من الجير و قص ورسم اللثه
6400درهم
والحين أنا سعيد بأبتسامتي الجميله
من غير تصنع
وانتهيت من مشكلتي للأبد
وأخيرا حبيت أفيدكم
وأعطي العياده حقها​

شكرا للدكتور أمجد وشكرا للدكتور مناف أغا
ملاحظه : الصور منقوله​

 

[3wash cute]

رد : اللثه الكبيره (ضحكة الضبان)

يسلمووو حبيبتي وأن شاء الله الكل يستفيد

 

[ازمه وتعدي]

حمد لله ع سلامتك وحلووووو موضوعك صراحه فرق بين الصورتين


مشكووورة ع الموضووع الحلو

 

[dob106]

خوش دعايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[رينآآد]

موووضووع راائع من جد

واتمنى الكل يستفيد

عوااافي

 

[كويتية نايس]

رد : اللثه الكبيره (ضحكة الضبان)

يسلمووووو حبيبتي عالموضوع

 

[Do0odeee]

السلام عليكم
حبيت اسالك عنوود بعد قص اللثه سويتي شي ثاني .. يعني ماركبتي على الاسنان شي؟
لان الدكتور قالي اذا بقص لك اللثه لازم اركب لك قشره على السن .. اللي هي veneer
يعني يبرد السن ويركب تلبيسه وهذا غالي

وكم قعدتي لين خفيتي وصار الشكل طبيعي ؟
وكم مدتها كلها العمليه

اسفه على كثر الاسئله بس حابه اتطمن
ومشكوووره على الموضوع

 

[anoud93]

حبيبتي دوودي الموضوع منقووووووووووول

 

[ماك تشيكين]

يعطيج العافيه

 

[Ψ 3soola Ψ]

thnx​

 

[غلاتيي]

السلام عليكم
بغيت اسالج كم سؤال
كم مدة العمليه ؟
هل خدروج وحطولج بنج ؟
كم يوم حسيتي في العوار ؟
لاني سالت وعرفت ان في الكويت دكتور يسوي عمليه ليزر
حق اعصاب اللثه علشان ترتخي اذا ابتسمت ويقول ان هذي العمليه اقل من ساعه ولا يحتاج لها شاش ولا اخياط وراح تنزل الشفه علي الاسنان واذا ابتسمت ما راح تبين اللثه
انتي عمليتج نفسها او غير

 

[تحيآتي الخيآنه]

اي حتى انا سويتها بس بعياده خاصه بالكويت

كنت انحرج اضحك حييييل معنى ضروسي تهبل مافيها شي أهي قالت لي اسبابه اذا كنتي حاطه قبلها تقويم راح تنزل لثتج وخاصة لو اسنانج صغار مصيبة انا جذي ماتبين أسناني كلللش

طبعا انا تكرمون صار معاي نزيف باللثة بعد ماسويتها بليل صار نزيف حااااااد وخفت قال الدكتور شي طبيعي عادي


العوار يومين استمر معاي انا واذا كنتي مسويتها لاتشمين عطورات ولاشي

مدتها ساعه بالضبط << هههههه من الخوف حاسبة الوقت

طبعا حطوني بنج بالإبر واااااجد حوالي ١٢ إبره من داخل اللثة وخارجها يعني ٦ داخل وخارج بـس اللثة اللــي فوق سويتها

بنج مـــو عاأام عادي مثل ماقلت لج

وان شاإإء الله اكون فدتكم​

 

[flower._.girl]

أنا سويت العمليه بالكويت عند عيادة نيو أبها بالمهبوله عند الدكتور وليد العلي
كلفتني 140 دينار طقني تقريبا سبع او ثمان ابر تخدير والابر ماحسيت فيهم لانهم ضعاف حيل اضعف من الشعره ومادري شنو سوا بالضبط بس خلال نص ساعه خلص وحط لي مثل المعجون عاللثه وقعدت فيها ثلاث أيام ولا حسيت بأي ألم نهائيا لا بوقت العمليه ولا بعدها المهم عطاني غسول مضمضه قوي احس يشد اللثه عقب ما اتمضمض فيه وعطاني مسكن كل ثمان ساعات وعقب ماشال الجبس المعجون ماشاء الله شي رووووعه الحمدلله بس طبعا الأكل قطعته خفت اتسبب بنزيف اللثه كله برد وسوائل ونقعت لي مره ببطل ماي اتمضمض فيه من فتره لفتره ​

عقب ماشال الجبس سألته شنو سويت قال قصيت اللثه ونحتناها لانها سميكه ​

ماشاء الله صج صج صج عمليه سهله وبسيطه مع العلم ان الكل خرعني قالو لثه صعبه تسوينها اقسم بالله يابنات انها اسهل من عمليات الاسنان العاديه عند الدكتور وليد العلي اهو جنه استشاري لثه يعني تخصصه هالشغله ​

 

[بـرشلونية]

مشكورة

 

[a7la dallo3ah]

thank you