اللجنه الماليه وافقت على زيادة الرواتب

[غلطة حياتي]

بنات قريت اليوم بالجريده ان اللجنه الماليه وافقت على زيادة الرواتب؟
السؤال هو للكل أو لفئات معينه بصراحه مو موضحين بالجريده وكم؟ ومتي؟ وشنو صار على اسقاط فائدة القروض؟

 

[ii DareeN ii]

انشاء الله الزياده تشمل الكل والقروض مرفوض لحين تقديم مشروع ثاني يكون مدروس واقعي

 

[أم بدير]

والله امس قريت الموضوع هني بالمنتدى
كاتبين الزياده خمسين دينار ولجميع الكويتيين بالقطاعين

بس انا وحده ما اصدق لين تنزل براتبي
ويامال الفقر جان خلوها اميه
يبونا نزين رواتب خدمنا
ومعاشاتنا يالله تيزينا​

 

[Suki_Candy]

athari
lil kel el ziyada
lil mowathfen fe el ge6a3 el 5a9 wel 7komy
o 3qbal el el grooth 3ala e agal enyzloon foweed el grooth

t7yati ya 7ayati

 

[ريفيل]

يبه مانبي زيادة بالمعاش نبي تنزل الاسعار
الاسعار صارت ناار انت مو ملاحظين
االواحد لازم يكبر عقله
العملية طردية
زيادة رواتب =زيادة اسعار
معقول حبنا للفلوس يخلينا ما نشوف الوضع الحاصل
اي وحدة فيكم خل تقارن اسعار المواد الاستهلاكية ببلدنا ولا تروح بعيد خل تقارنها بالسعودية اة الامارات شي يخرع

 

[LaSt WoMeN]

اي والله صاجة ريفيل ..

يزيدونا خمسين و نصرف فوقهم 100 بسبة زيادة الأسعار ...

و التجاارة .. شخرررري​

 

[Shestylet]

اذا وراها رفعت اسعار ما نبيها والله مو حالة يزدونا 50 وتطلع من جبدنا ندفعها دبل ....

 

[سكون الليل]

بنات يعني صج السعودية ارخص من الكويت بالمواد الاستهلاكية

 

[ريفيل]

ايه صج الحين دشي الجمعية تبين اشياء بسيطة مو ماجلة البيت تطلعين دافعة مبلغ وقدرة لا ويقولون مدعووووووم اخاف صج بس
لازم ننتبه التجار قاعدين يلعبون فينا

 

[سارا ديور]

جان زين على الأقل الواحد على الأقل ليتقاعد يبقى له شي من الراتب

 

[HoNeY_GirL]

صاجين بنات الاسعااار ناااار بكل مكان

مانبي الزياده دام الاسعار بيرفعونها دبلات ماراح نستفيد منها

 

[ghalaty]

مانبي زيادة رواتب نبي مراقبة أسعار الغلى ذبحنا مثل ما قالوا باجي خواتي تزيد خمسين وندفع 100يعني الزياده في بطون التجار:eh_s(13):

 

[غلطة حياتي]

شاكره بنات ردودكم (احنا نبي زياده بس نبي مراقبه للأسعار ليش الحكومه حاطه ريل على ريل وما تتحرك؟)ما في كنترووووووووووووووووول

 

[غلطة حياتي]

أخر خبر قريت أمس بجريدة السياسه بتاريخ 13/1/2007 بأن الزياده الخممسين دينار مو للكل بس إللي معاشاتهم أقل من 600 دينار يعني انا منهم لوووووووووووووووووول احنا نبيها للكل وان تكون الزياده تشمل العلاوه الإجتماعيه (الخيار بدينار ونص) هذي حاله اذا زادوا الخمسين بيصير دينارين ونص لوووووووووووول