اللحمية عند الاطفال :(

[أم حيدر]

قوة بنات ...

بغيت اسألكم منو عانت من قبل من موضوع اللحمية عند أحد من عيالها ؟

شنو الحل ؟

والعملية بعمر جم مسموح يسوونها للطفل ؟

وتعرفون دكتور شاطر ممكن يعاين الطفل بدون ما يسويله أشعه ؟

حبيبي وليدي تعب وانا تعبت وياه ، اللي تقدر تفيديني لا تتأخر عافية . :cxxxp:

 

[nawwara]

روحي حق دكتور مازن العيسى يحولك للدكتور حميد الطالب لازم تسوين له أشعة
واذا قرر لك تسوين عملية خلي د. خاتلد الصبيح يسويها .
آنا مسويتها حق ولدي عمره سنة ونص .
لاتحاتين

 

[أم حيدر]

مشكورة

بس جنه حوسة دكاترة ؟؟؟ ليش كل دكتور يحولني على الثاني؟

ولدج شلونه عقب العملية ؟ ارتاح قام يتنفس عدل ؟

 

[Maneena Manaana]

د.باسل الصباح في الاتصالات خووش طبيب وتخصصه أطفال
ومايشوف شر ان شاء الله

 

[ii DareeN ii]

ماتشوفون شر والله انا اذكر سويتها ويا اللوز بالروضه بس ماعندي فكره منو شاطر الحين يسويها امي تقول الي سوالي اياها دالنصف

 

[سمسميه]

انا سويتها لبنتي باولى روضه عند عبدالله العلي
وبثانيه روضه سوينا اللوز
وهذي غلطتنا كان لازم الدكتور من اول مره يسوي لعمليتين مع بعض

وما تشوفون شر ان شاءالله

 

[نواره الحلوة]

آناها السنة اللي فاتت سويتها حق اوليدي بالصباح عطاني المستوصف تحويل ورحت وسواها دكتور سوري عندهم مع اللوز مرة وحدة وكان عمر اوليدي 3 سنين

 

[أم حيدر]

مانينا - شلون الطريقه عشان اوصل حق دكتور باسل؟

دارين - مشكورة يشهد الله كاسر خاطري

سمسمية - مشكورة حبيبتي الشر ماييج.

نوارة - صارت عندي ردة فعل من المستوصفات بودي خاص - بسان شلون وليدج الحين صار احسن. ؟ مارجعتله اللحمية؟

 

[nawwara]

الحمدلله وايد زين وفرق علي حيل

 

[Maneena Manaana]

أم حيدر...همممم الصراحة مادري عن روتينات الكويت... من زماان عنها.. بس اذا ماني غلطانه تاخذين موعد منهم... دقي عليهم وسئليهم احسن..