**اللعب بمشاعر البنات**

[نهى أحمد]

شلونكم يا غاليين علي

انا حبيت اطرح عليكم هذا الموضوع
وآخذ آرائكم فيه
وطبعا رأي كل وحده فيكم رح تهم وايد بنات

شباب هالأيام في منهم الزين ومنهم الشين
وفي منهم اللي يلعب بمشاعر البنت ويوهمها انه يحبها
لكن بالآخر يقطها
وفي منهم يكونون صادقين بمشاعرهم تجاه البنت
وممكن تكون النتيجه في النهاية زواج اذا جان في نصيب

لكن ياترى يابنات
شنو اللي دارج بأيامنا هذي؟؟

 

[نهى أحمد]

معقول يابنات مافي أي رد؟؟

 

[نهى أحمد]

ومعقول هذا الموضوع مايهمكم؟؟!!

 

[عاشقه القيصر]

بصراااااحه اللعب ..
ماكو حب ولا شي لاحد يغرج بهالحجي في بنات يحبون شباب 9 سنوات وبالاخير يتزوج غيرها وهذي حاله رفيجتي مسكينه مع انها خوش وحده وغيرها 4 سنوات وبالاخير يقولها احبج بس زواج ماتزوج .......
يعني لعب على المشاعر ...
سواء من ناحيه الشباب ولا البنات .... واذا كان على الحب لا تحبين احد اكثر من اهلج وبس عشان ماتنصدمين بالناس .

 

[عاشقه القيصر]

لا وحب هالايام حب مصلحه اخذ واعطيك ......
من جميع النوواحي .. لا وياليت تنتهي هالعلاقات بخير تنتهي بجي ودموع وفضايح وتهديدات وربي كلامي هذا ماقوله بالهوا ..هالحجي من تجارب بنات انا اعرفهم ..والله يستر علينا وعلى بنات المسلمين.

 

[!! znob !!]

أصلا في بنت بالصف متعرفه عللى وااحد و هذا كل سيفوون و كلا يقولها شفتي هذي البنت و هذيك


بس اول الايام كان معاها

و اهياا في المدرسة كلا تبجي لمن ما يكلمهاا و يوم عيد ميلادهاا كلا بجي

بس علشان ما عبرهاا او قال لهاا كل عام و انتي بخير و اهياا حق عيد ميلاده

صفحتين شعر و امزهبا الكلام من قبل سنه حقااا وييييييييييييييع

 

[!! znob !!]

بصراحة موضوعج عجيب بس انتي وييييييييييييينج ؟؟ :ggdw:

 

[أإلع ـشق دلع ـهـأإ]

للاسف مافي حب هذي الايام


يحبج يمووت فيج ايه .. بس يتزوجج لا ووالف لل


يمكن صادق بمشااعره انه يحبج بس انسي انه يتزوجج

يعني تكلمينه وبعدين ؟؟؟؟

اهو بالخير راح يقول لج باي باي ..

راح يقولج انا احبج واموت فيج بس اهلي اجبروني على بنت عمي وانا اصلا مابيها ابيج بس مو بيدي ..الخ ومن هالكلام ؟..

عاد انتي اللي تاكلينهاا ..

تقعدين طول اليل تبجين ويتقطع قلبج ..

واهو مستانس بحياته ..

الولد مايعيبه شي اذا يبي يتزوج يلقى .. عكس البنت مو بيدها شي ..

يعني مافي حب ..

خشي الحب اللي بقلبج كلها لزوجج لانه الوحيد اللي راح يحبج صج ويخااف علييييييييج

والله يهدينا ويستر علييناا

 

[al7anona]

بهالزمن الحب نااااادر

وصارو البنات والشباب اثنينهم يلعبون على بعض ولاواحد منهم فكر بسمعته والله يهدي الجميع

الواحد يمشي سيداااا ويعيش مرتاااااح

ولاحب ولاخرابيط ولاعلاقات محرمه و بنفس الوقت مالها معنى ولاهدف


والله يستر علينا وعلى جميع المسلمين

 

[ريتشل]

اللعب
البنات بعد مو الصبيان بس

 

[نهى أحمد]

مشكورين يابنات على الردود

صدقتو بكل كلمة قلتوها

:aha:

 

[katko0ota]

الشباب هالأيام شايفين كل شي مباح و ببلاش شنو الي يضطرهم للزواج و المسئوليه

احبج ايييي بس اتزوجج خل افكر, اهلي مايرضوون و ظروفي ما تسمح هههههههه


تقبلي مروري

 

[نهى أحمد]

الشباب هالأيام شايفين كل شي مباح و ببلاش شنو الي يضطرهم للزواج و المسئوليه

احبج ايييي بس اتزوجج خل افكر, اهلي مايرضوون و ظروفي ما تسمح هههههههه


تقبلي مروري

حياج حبيبتي
ومشكورة على ردج
:aha:

 

[شوشو الشقيه]

للاسف مافي حب هذي الايام


يحبج يمووت فيج ايه .. بس يتزوجج لا ووالف لل


يمكن صادق بمشااعره انه يحبج بس انسي انه يتزوجج

يعني تكلمينه وبعدين ؟؟؟؟

اهو بالخير راح يقول لج باي باي ..

راح يقولج انا احبج واموت فيج بس اهلي اجبروني على بنت عمي وانا اصلا مابيها ابيج بس مو بيدي ..الخ ومن هالكلام ؟..

عاد انتي اللي تاكلينهاا ..

تقعدين طول اليل تبجين ويتقطع قلبج ..

واهو مستانس بحياته ..

الولد مايعيبه شي اذا يبي يتزوج يلقى .. عكس البنت مو بيدها شي ..

يعني مافي حب ..

خشي الحب اللي بقلبج كلها لزوجج لانه الوحيد اللي راح يحبج صج ويخااف علييييييييج

والله يهدينا ويستر علييناا

تسلمين اختي
انا بصراحه مع الاخت تماما 100%
الحين الشباب هم الي ما يعرفون يحبون بصراحه
اذا حبك خذاج للتسليه
اما زواج غيره مستحيل

اما البنات مساكين بسبب قلبهم الرقيق الشباب يعلبون على مشاعرهم
البنت يعني لو حبت حبيت من صدق تكون نهايه حبها زواج
اما الشاب عكس
اذا كام محترم تركها كذا بدون سبب
اما اذا كان بايعها وما يخاف الله
شوفي غير تشويه سمعتها و تهديد بالصور وغيره ..........تعرفين الباقي
القصص ما تقصر عن اخره العلاقات بين الشباب

والشباب عندهم عادي يقولون كلمه احبك بسهوله
يعني يقولها لج ويقولها لغيرج
حتىاصلا ما يعرف شنو شعورالي يحس فيه لما يقولها
كلمه احبك كبيره
فيها اشياء كثيره
بناء ناس وهدم ناس
ومجتمع بحاله

البنت تخاف تقول هذه الكلمه تحاسب الف مره لما تقولها
لان وراء البنت يترتب اشايء كثيره على عكس الشباب
ما يهمه شيء
ما يمه شيء ولا يعيبه شيء
من اختج شوشو

 

[dr.elzain]

اللعب وبس

 

[مشتاقة لك]

الله يستر

 

[puppet]

غالبا علاقات عابرة

لأن بنت الشارع للشارع

إلا إذا صارت بصدفة حلوة ، على مقاعد الدراسة أو بالشغل

وفي حدود المعقول

 

[مملكة الحب]

اشاب مستحيل يتزوج البنت الي عطته ويه
الشاب يحب البنت الثقيله
وما يحب البنت الي تقط روحها عليه
والله الي يبيني يخطبني من ابوي غير جذي ما عندي

 

[نهى أحمد]

اشاب مستحيل يتزوج البنت الي عطته ويه
الشاب يحب البنت الثقيله
وما يحب البنت الي تقط روحها عليه
والله الي يبيني يخطبني من ابوي غير جذي ما عندي

والله انج صاجه بكل كلمة قلتيها
ومثل مايقول المثل
دق الباب تسمع الجواب
شاكره لج مرورج

 

[مشتاقة لك]

في كل مكان البنت تلعب في مشاعر الولد والولد يلعب في مشاعر البنت ولكن ...........