اللــــهم لا أعتــــرآض .. " أفيدوني "-مشكلة قصر القامة

[B A N F S J E]

السلام عليكم ورحمة الله وبركاته



اول شي .. انا حطيت الموضوع هني لاني بصراحه مادري وين احطه
وماكو قسم محدد حق الطول




انا عمري 18 وقربت عـ 19
بس من تشوفيني تعطيني 14 على 15 << والله ما اجذب =(

وكل من يشوفني يقولي جذابه انتي 18 !!




حتى الملابس .. لي رحت ابي اشتري
والله التوب يصير لي نفنوف << بس مو نفنوف يعني تحت الركب !
ويخترب الموديل وتصير حوسه



ودي اجرب حبوب الطول بس خايفه من أثآرها
لانه كل شي فيه مواد كيميائيه يخوف
منو تعرف شي يساعد ع الطول
تكفوون ترى حالتي كسيفه صارت ='(

نوع اكل او حتى رياضه او اي اي اي شي لو كان بالاعشاب المهم يساعد ع الطول




على فكره يوم كنت صغيره كان عندي لين في العظام وكانو يعطوني حبوب
بس والله ماني ذاكره شنو اهي .. بس ساعدتني اني ارد وزني ونسبة الدم اتعدل

مع انه الحين كل شي انخسف فيني لا دم ولا كالسيوم ولا شي حتى وزني وصل بالاربعين @@


اي ونسيت لا اقول قبل مايصير فيني لين في العظام
ترى كان طولي زين والحمدلله ماكنت قصيره "بنسبه لطول البنات "
ولا طويييييله حيل لا كان طولي طبيعي

بس ياربي من كليت حبوبهم وانا مره وحده مو راضي يطول
حتى اللي كانو اقصر مني صارو اطول مني =\




واسفه ع الاطاله .. وشكراً

 

[نووووونا]

رد: اللــــهم لا أعتــــرآض .. " أفيدوني "

حبيبتى انتى !!!

توج صغيره ممكن تطولين !!!!

ماانصحج تاكلين اى حبوب مالهاااااااا داعى ممكن تسوى لج مضاعفات انتى بغنى عنهاااااا

اعتقد له علاقه بالوراثه ,, هذا شى! وخليج متفائله تو الناس @@ممكن تطولين

الرياضه مفيد دشى نادى يعلمونج بعض التمارين ,, واهتمى بنفسيتج لا تعقدين روحج

يا عسوله,,,,,,

 

[غزلان]

رد: اللــــهم لا أعتــــرآض .. " أفيدوني "

ياقلبي انتي في اله تحصلينها بمحلات الرياضي تعلقين فيها وتساعد ع الطول
واذا كلش كلش كعب اناقه ورزه وكل البنات يلبسونه
فديتج عادي اغلبية البنات جذي

 

[دنيا جديده]

رد: اللــــهم لا أعتــــرآض .. " أفيدوني "

انتي توج صغيره عمرج 18 يعني راح تطولين والطول يوقف عند عمر 24 اعتقد بعدين تو الناس باقي لج 7سنين يعني معقوله ماراح تطولين؟ هذا بيد الله انتي ليش مستعجله. واذا تبين حل طبيعي بس مو تضحكين اخوي كان يسويها لين طال
شفتي الدرج مالكم؟ لما تنزلين من الدرج طمري اخر 4 درجاات كل يوم سويها يعني المقصد انج تطمرين الدرج واذا مشيتي بالصاله حاولي انج تلمسين السقف بطمره فهمتي؟ وللاتحاتين توج و وموفقه

 

[B A N F S J E]

رد: اللــــهم لا أعتــــرآض .. " أفيدوني "

حبيبتى انتى !!!

توج صغيره ممكن تطولين !!!!

ماانصحج تاكلين اى حبوب مالهاااااااا داعى ممكن تسوى لج مضاعفات انتى بغنى عنهاااااا

اعتقد له علاقه بالوراثه ,, هذا شى! وخليج متفائله تو الناس @@ممكن تطولين

الرياضه مفيد دشى نادى يعلمونج بعض التمارين ,, واهتمى بنفسيتج لا تعقدين روحج

يا عسوله,,,,,,

يقولون انه البنت ينتهي نمو طولها بعمر 17 سنه !!!!!
وهذا الشي اللي بدا يفقد فيني الامل

يمكن وراثه لانه ابوي ويدتي شوي اقصار بس ماشاء الله اخواني كلهم طولهم حلو ماعدا انا


فديتج يالغاليه ^_^

 

[B A N F S J E]

رد: اللــــهم لا أعتــــرآض .. " أفيدوني "

ياقلبي انتي في اله تحصلينها بمحلات الرياضي تعلقين فيها وتساعد ع الطول
واذا كلش كلش كعب اناقه ورزه وكل البنات يلبسونه
فديتج عادي اغلبية البنات جذي

مشكله انه الكعب يتعب حيل يعني خلاص بالكثير نص ساعه وريولي خلاص ما اتحمل امشي عليها
عكس الفلات وايد اريح .. وبروح اشوف الاجهزه والله كريم

وشاكرتلج ,,

 

[B A N F S J E]

رد: اللــــهم لا أعتــــرآض .. " أفيدوني "

انتي توج صغيره عمرج 18 يعني راح تطولين والطول يوقف عند عمر 24 اعتقد بعدين تو الناس باقي لج 7سنين يعني معقوله ماراح تطولين؟ هذا بيد الله انتي ليش مستعجله. واذا تبين حل طبيعي بس مو تضحكين اخوي كان يسويها لين طال
شفتي الدرج مالكم؟ لما تنزلين من الدرج طمري اخر 4 درجاات كل يوم سويها يعني المقصد انج تطمرين الدرج واذا مشيتي بالصاله حاولي انج تلمسين السقف بطمره فهمتي؟ وللاتحاتين توج و وموفقه

تكفين انا صارلي اكثر من 4 سنين مازاد طولي

وعلى طريقة اخوج وانا احوس بالنت لقيت موقع لدكتور يقول :

* أما التمرينات الرياضية وخاصة العقلة (تعلق الجسم بواسطة الأيدى) تزيد مؤقتاً الطول مليمترات بسيطة جداً أثناء فترة التمرين فقط وتعود الأمور الى طبيعتها بعد ذلك ويفضل ممارستها - (والعكس صحيح بالنسبة لرفع الأثقال). وعموما الرياضة مفيدة بصفة عامة للصحة والنمو.

ممنوع وضع روابط لمنتديات اخرى<< انا بموت من البجي
بس هم هذا مايمنع اني اجرب والله كريم

وفديتج يالغاليه ^_^

 

[ii DareeN ii]

رد: اللــــهم لا أعتــــرآض .. " أفيدوني "

شوفي حبوبة دامج صغيرة روحي المستوصف يحولج على دكتور مختص اتوقع هرمونات رفيجة اختي طالت حروة خمسة سانتي يعني شي مو سيئ كلش

 

[جوك احلى جو]

في حبوب تطول ؟؟؟؟؟؟؟؟؟؟؟


اول مره اسمع فيها وين سامعه عنها حبيبتي؟؟؟؟؟؟؟


وتو الناس ترا بعدج صغيرونه يعني في امل تطولين لا تخلين هالامور تضيق خلقج وتاخذ من تفكيرج

 

[B A N F S J E]

رد: اللــــهم لا أعتــــرآض .. " أفيدوني "

شوفي حبوبة دامج صغيرة روحي المستوصف يحولج على دكتور مختص اتوقع هرمونات رفيجة اختي طالت حروة خمسة سانتي يعني شي مو سيئ كلش

انزين يوم راحت للدكتور شنو سو لها ؟
ويعطيج العافيه ^_^

 

[B A N F S J E]

في حبوب تطول ؟؟؟؟؟؟؟؟؟؟؟


اول مره اسمع فيها وين سامعه عنها حبيبتي؟؟؟؟؟؟؟


وتو الناس ترا بعدج صغيرونه يعني في امل تطولين لا تخلين هالامور تضيق خلقج وتاخذ من تفكيرج

اي في .. من الناس ومواقع بالانترنت و مواقع دكاتره
بس الاغلبيه ماينصح فيها لانها تسبب عقم !
بس في وحده اعرفها " اتقول " انه عيال عمها
خذو لحبوب بس طالو شوي وماصار فيهم عقم ولا شي =\

 

[LuLiTa]

انا بعد ابي اطول :/
انا قريت في الوسيط عن شغلات تنحط بالجوتي و انتو بكرامة و اتسوي تدليك حق الريل و اتزيد الطول
و في شغلات ثانية صينية من نفس الموديل بس هذي اتكون هرمونية و لما استشرت صيدلانية قالتلي شوووفي شنو المرخصة من وزارة التجارة و اخذيها

 

[مســك الــروح]

حبيبتي شفت مرة عارضين منتجات امانة كير وعندهم حبوب لتطويل القامة ..بس ماعرف احد استخدمها ..

 

[*$ فطوم حيص بيص $*]

هلووو ..

حبيبتي.. ترى وااااااااااااايد نااس.. يحبوون البنت الكتكووتة .. والله العظييم... صج الطول حلو .. بس ساعات القصر يعطيج شي مميز ..

بس طبعا مو القصير الاوفر.. اللي واااااااااااايد ... هاذا اول شي !

ثاني شي اذا تبين تطولين .. مالج اللى كرة السلة ..

انا مجربتها الله .. سيقاانج تطوول شي مو طبيعي.. و حتى ايدج شوي تطوول..

و غير كرة السلة عندج كرة طائرة بعد ... و غير اجهزة بالنوادي مترووسة... روحي سوي اللي قتلج

احسلج من هالحبوب والادوية .. والله حراام .. كلكم تاكلوون هالادوية و السوالف اللي مالها داعي.. و عندكم الحل ..

ليش ما تسوين رياااضة .. والله وناااااااسة .. جذي انتي و رفيجاتج كلكم اشتركو بنادي و لعبو كرة سلة او طاائرة .. منها عبط و ونااسة و تفصلوون .. و منها تطولين ..

و يوفقج ربي انشاللله ..

 

[Dr.6obayzah]

انا طلعت تمارين للطول اذا فادت معاي اكتبلج التمارين

 

[حمام شاقني فنه]

ولله مادري ما اقدر افيدج بشي لان عايلتنا كلهم عمالقه

بس ماحبيت ادش وما اعلق
ياااارب تطوليين


تقبلي مروري:aha:

 

[كويتيه رزتها ملكيه]

مااكو على كره السله

لما كنت بالثانويه كانت لعبتى المفضله / والله صج طولى الحين روعه ماشاء الله

الله يجزاها بالخير ابله البدنيه نصحتنى فيها من اولى ثانوى لين خلصت الثانويه

جربيها بالبيت او بالنادى وان شاء الله تنفعج

 

[y7lok_7loho]

سمعتى عن المقولة الى تقول القصر هيبة

احسن لج الى يشوفج يقول انتى صغيرة للحين

انتى ما شفتى اليابانياااات مهما يكبرون يكونو اصغاااار م واحنااا الجسم يتنفخ والبشرة تنقلب وحالتنااا حالة لا تشبين على عمرج خليج عاااااادى با العكس المفروض تفائلين وتستانسين مو تستحين من حالتج

يمكن وراثة على قولة وحدة من العضوات انتى توج صغيرة واتركى اللسوالف هذة عنج لا تعابلين بعمرج ترا كل شى لة حكمة

والله انا رفيجتى صغيرة ال ىيشوفهاااا يقول توها صغيرة بس ما شاء الله عندها ستة ومتزوجة وعايشة حياتها وما تقولين هذة موظفة لها 15 سنة

ولا مرة تزوج حماهااا وطلعت حق الحريم والله على بالهم انهاااا العروس من كثر ما هى فظفوظة صغيرة هههههههه

خليج على حالج ولا تغيرين خلقة ربج ما تدرين هذة الابرة من غير شر يمكن تشليج ولا تسوى فيج شى

اذا كلش القصر متعبج نفسيااا عليج ب االكعب يعدل المشية مو يطولج

عسا ما ارتحتى من كلامى وغيرتى رايج والله يوفقج ان شاء الله

 

[فوشية]

حياتي في شي ينحط بنعالج تكرمين طبي من الصين جايبينه

عندى رقمهم يقولون تلبسينه كل ماتلبسين نعولج..اسفنجه هو؟
حتى كاتبين مضمون واذا مو مصدقين يخلونج تشوفين اللى استخدموه من قبل..

يقولون مصرح من وزارة الصحه..

 

[noor al-3rfij]

حطي رقمه بلييييز