اللقـاء الإرشادي لـ مستجدات جامعة الكويت ( مهم )

[شـيـخـة الـغـيـد]

بسم الله الرحمن الرحيم







لـ مستجدات جامعة الكويت


تقيم رابطة المستجدين بالإتحاد الوطني لطلبة جامعة الكويت بالتعاون مع عمادة شؤون الطلبة ..

لقاء إرشادي للطلبة الراغبين بالإلتحاق في جامعة الكويت وسيكون اللقاء على النحو التالي :


الأحد : طلبة الساعه 5.30 مساءً
الأثنين : طالبات الساعه 5.30 مساءً


وذلك في مسرح عثمان عبدالملك في كلية الحقوق بـ شويخ بجامعة الكويت



* وسوف يتضمن هذا اللقاء :


# نبذه عن الجامعه والكليات
# نبذه عن التسجيل الإلكتروني
# حلقة نقاشية للإستفسارات والأسئله
# إستلام الدليل الجامعي





* للإستفسـار .. أنا موجوده ..

أو على هالرقم :
50200808



موفقيـــن إن شاء الله :*

 

[غلا،،]

يوووووووه انا بسااااااااااااافر باااجر
يعني ضروووري نحضره او لا

 

[شـيـخـة الـغـيـد]

^

اللقاء مهم لأن راح يفيدج ب كل شي إنتي محتاجه تعرفينه عن الجامعه ..

بس إذا تبين أخش لج الدليل الجامعي لين تردين من السفر وأعطيج اياه

 

[غلا،،]

اي والله ياليت لاني اكييد ماراح اقدر احضره لاني بسااافر بكره بس شلون بحصل عالدليل

 

[شـيـخـة الـغـيـد]

لا تحاتين

إنتي سافري وإستانسي وأول ما ترجعين من السفر إن شاء الله كلميني خاص وأقولج شلون أعطيج الدليل :*

 

[سكون الورد]

الله يعطيج العافية يارب
زين عادي اي احد يروح عني ويجيب لي الدليل

 

[شـيـخـة الـغـيـد]

الله يعافيج يالغاليه

يصير .. بس لما إنتي تجين بنفسج أحسن .. حيييل راح تسفيدون من هاللقاء

 

[KelyAmanii]

يعطيج الف عافيه اختي ..

مَ قصصرتي ،

وإن شاءالله البنات بيروحون حق هـ اللقاء

واايد راح يستفيدون منه

موفقين جميع ~

 

[~عيون الحب~]

حبيباتي بغيت اسألكم في لقاء بعد عقب القبول ولا انا غلطانه ؟
موحلوه اروح اللقاء وانا بعدي مادري اذا انقبلت ولالا لووول
ليش مستعيلين خل يخلونها بعدين الله يهديهم !

 

[..<< ندى الورد >>..]

انا اليوم دقو علي الاتحاد وانا ناااايمه
انقهرت يعني ماراح يدقون علي

 

[3iian-el7r]

بنوتات مستجدات روووحوا راح تستفيدووون,,
واللي اتقول ان اهيا ماتدري اي كليه عادي روحي
انتي شنو متوقعه!!يعني منو راح يقبلج اكثر!!
وسألي البنات من كل كليه راح ايوون وراح يفيدونج يعني لاتحاتون

وبعد القبووول راح يسوون كل كليه لها لقاء ارشادي
والله يوفقكم

 

[شـيـخـة الـغـيـد]

عيون الحب

في لقاء ثاني وثالث بعد لا تحاتين

 

[شـيـخـة الـغـيـد]

ندى الورد كلميني ع الخاص وراح أساعدج لا تحاتين :*

 

[شـيـخـة الـغـيـد]

يعطييييكم العافيه بنات خلونا نشووفكم باللقاء إن شاء الله باجر :**

 

[منـإير]

,

حبيبـآتي .. أنا عنـدي جم سؤآل
شنو آلأحسن أروح بآجر العمـآده .. أو العصر أروح للقـآء ..؟​

 

[~ miss NERD ~]

اي تاريخ بالضبط!

 

[منـإير]

بآلنسبـه للبنـآت .. بـآجر
آلسـآعه
5:30 مسـآء

بآلتوفـيق ​

 

[شـيـخـة الـغـيـد]

البنات باجر في كلية الحقوق الساعه 5 ونص ..

منـاير

تعالي اللقاء وراح تستفيدين لأن العماده نفسهم راح يكونون موجودين

 

[منـإير]

,

يعطيـج آلعـآفيه حبيبتـي :*​

 

[×~NoOoSh~×]

بنآآت تنصحوني أرووح.،؟

شيخة الغيد ... قواج الله ;**