اللهم اجرني في مصيبتي واخلفني خيرا منها

[ياعيون مغليك]

السلام عليكم ورحمة الله وبركاتهقي البدايه احب اعرفكم بنفسي
عمري 23سنه واتوقع اغلبكم تعرفون قصتي
انا ولدت قبل سنتين وجبت بنوته بس بعد الولاده صار نزيف واضطرو لاستئصال الرحم ولله الحمد والمنه على ما اعطى


قبل سنه صار عندي كيس عالمبيض ولسوء الحظ ماتجيني الدوره عشان عالاقل اقول اكل شي يبطه وينزل مع الدوره
رحت لاحدى الاستشاريات وقالت لازم عمليه منظار عن طريق المهبل
طبعا كنت عاطله وقلت بروح للحكومه رحت المستشفى وقالو لازم فتح بطن لكن هل اذا سويت العمليه في احد يضمن ان الكيس ماراح يرجع
وانا بظل حياتي كلها عمليه وشيل كيس ...بالعقل يعني مستحيل اقبل بعمليه
بعت ذهبي وسويت العمليه عند الاستشاريه والحمدلله تمت وطلعت بالسلامه...
قبل اسبوع من اليووم كنت طالعه مع زوجي واذا بالالم يخمني?
رحت لمستشفى خاص بمنطقتنا وتروعت الدكتوره اللي ماتدري وين الله قاطها
وقامت تخربط علي وانا ?
قالت روحي لقسم السونار سوي سونار تحت انا ماكو شوف عدل مناك مزبوووط
الدعوة انا ماكو شوف طيب؟؟؟
طبعا طلعت بعد مانهبو 60
رحت للاستشاريه وقالت ماي في قناة فالوبولان عندج قناة فالوب مسكره بعد الاستئصال فالقناة ملتهبه ومنتفخه ولازم عمليه اليوم اليوم اسحب الماي قبل تنفجر
سحبت فلوس السفره ودفعتها ودخلت العمليات لكن للاسف
طلعت وانا كأني ماسويت شي
وربي سويتها الصبح والعصر زارتني خالتي وانا اتشكى من الالم
منيه منيه قالو هذا من الالتهاب وزين انقذناج وتحملي عالمسكن ويخف
يوم يومين والعوار مثل ماهو ماخف حتىى مع المسكن
رحت لها امس واكشفت قالت الماي رد مثل ماهو
?
ولازم لازم عمليه فتح بطن نشيل قناة فالوب
هذي ورقة سونار ب80دينار سويها عند الدكتوره تحت وتعالي وخليها تدق علي اول ماتخلص عشان انطرج بالعمليات
الدعوه قصب يعني؟؟تشريح؟؟؟
قلت مابي عمليه وبعدين ليش تبلغيني بالسعر قبل تقولين لي شنو هالاشعه وحق شنوو ..انتي هدفج توصلين للمبلغ قبل لاتوصلين لي شنو حالتي
واذا بسوي فتح بطن اكيد بسويه بالحكومه اختبصت من قلت الحكومه وقامت تعطي محاضره انتي عمليتج مو سهله يمكن تنفجر فيج الحكومه بينشفون دمج
مشيت عنها وخليتها
وانا للحين بين نيران موو بس نار وحده
اصلي وادعي ربي احس براحه ودي ما اسوي شي بس يعوور ياناس يذبح والله
وين اروح؟؟؟ماكو علاج غير العمليه؟؟
يارب عوووونك هونها يارب

 

[المشاعرالصامتة]

الله يشفيج ويخليلج بنتج ويطرح فيها البركه يحياتي روحي لمستشفى حكومي الخاص مايبي الا الفلوس وانتي حالتج خاصه والحكومه راح يفيدج بإذن الله ولا تظغطين علي نفسج وتحملين العوار روحي بسرع وقت لا تنطرين والله يفرجها عليج يااااارب

 

[ياعيون مغليك]

الله يجزاج خير ماقصرتيودي اروح للحكوومه بس توني تعيين جديد وماعندي خوات وامي مره كبيره ما اقدر اخلي بنتي عندها


الله يعين

 

[ابدا يالغالي مانساك]

الحمدلله قولي الحمدلله يارب
انتي مومنه بسم الله عليج
وهذا كله ماءجوره عليه وبتشوفينه بحسناتج ان شالله
بالنسبه للعمليه ان اشوف تروحي لحكومي احسن وشوفي لج دكتور او دكتوره يكون وايد زين
ربي يعافيج ويشافيج

 

[شنوووفه]

الله يشفيج مأجوووره انشالله انا اشووف تروحين الحكوومه احسن الخااص بس يلطوون بهالفلووس وربي يقومج بالسلالامه

 

[شافوك بحساسي]

روحي للحكؤووووومه. نصيحه

 

[Hello_kitty]

بعد قلبي كل بأجره وكل الم وحزن ودمعه بميزان حسناتج وترفع قدرج وتعلي درجتج عند رب العالمين

هذي الدنيا دار عناء وابتلاء.. ولا يلقاها الا اللذين صبروا..وبشر الصابرين..وانتي انسانه مؤمنه وبإذن الله
تكتبين من الصابرين اللي اعد الله لهم جنات عرضها السموات والأرض فيها مالا عين رات ولا اذن سمعت ولا خطر
على بشر..

انصحج تستخرين رب العالمين بعمليتج وعلاجج وربي ما راح يضيعج ويدلج للدكتور اللي ترتاحين معاه ولا تتعبين
وانصحج بدكتور دسوقي في بوشهري كلينك ماشالله عجيب هلإنسان كلمه ابو وشاطر وخبره وقديم شوي عليه

كافي الراحه النفسيه اللي بتحسينها من كلامه ومعاملته واشلون يطمن الوحده ويهديها انه رحتله وانه حاله اجهاض ونزيف
وارجف وحالتي حاله ماشالله طمني ودعالي وسمعني كلام يبرد القلب وبحول الله و قوته ثبت الحمل وولدت

الله يطمن قلبج ويشافيج ويعافيج ياااااااااااااااااارب

 

[نتاشه]

يارب يشافيك والله قطعت قلبي الله يعوضك لاتنسين الصدقه بنية الشفاء

 

[بحرينيه كوول21]

الله يشافيج ويعافيج
عليج بالصدقه حبيبتي

 

[روحي82]

الله يشااافيج يااحيااتي وصبرج وعلييج بالصدقه

وصلي الشفع والوتر باذن الله يسهلهاا علييج

 

[@ام يوسف@]

الله يشافيج والحكومه احسن

 

[حآلية الذوق ~]

الله يشافيج حبيبتي و ماجوره انشالله

 

[ạ7ạśêś ~]

ي قلبي وربي عورتي قلبي
عسى الله يشافيج ي رب

 

[رائحة الزهور]

الله يشافيج يا اختي ويآجرج يارب
روحي للحكومه وشوفي شيقولون
والله يسهل امرج يارب ويطرح البركه في بنوتج

 

[ياعيون مغليك]

الله يجزاكم خير والله كريم ماينسى عباده

 

[الأميرة جوري]

الله يشافيج يارب ولج الاجران شاءالله والله يخليلج بنتج ويحفظها