اللهم اجرني في مصيبتي واخلف لي خيرآ منها

[عروق التوت]

السلام عليكم

قبل اسبوع نزلت موضوع استفسر متى اسوي التحليل الهرموني لاني مسويه اطفال انابيب
الخميس كان اليوم ال15 من الترجيع ومن الفجر بعد الصلاه مارقدت
لان كان عندي مراجعه ولازم قبلها اسوي التحليل
الساعه 8 توكلنا على الله رحنا للجهراء لمستشفى العرف
وخصوص مراجعه عند الدكتور منصور

اقسم بالله يابناااات احيان من ليالي الترجيع تجيني انا وزوجي احلام زوجي يشوف ان معنا طفل ويحاول يطيح من بين يدينا وحنا متمسكين فيه
وانا حلمت ان اختي جايبه لي جهاز تحليل منزلي وحللت وطلع خطين وفالحلم اصحي زوجي من النوم ابشره
وقبل التحليل بيومين جتني بنت عمي تقول ياابنت روحي حللي والله انك حااامل

واللي خلق النعمه ماحسيت اني بحمل احاول اقنع نفسي مافي فايده
كنت متوتره المشيه والقومه والقعده والنومه كلها بحساب عندي
بس والله مو قنوط من رحمة ربي والا يأس بس يجيني احساس انك يابنت ماراح تحملين

اكمممل
دخلنا الساعه تسع وسويت التحليل قالت ربع ساعه
طلعنا فوق للعياده قال زوجي وش تتوقعين قلت مافي حمل والدوره بتشرف اما الليله او بكره

فعلآ ربع ساعه والسستر تجي وقلت لزوجي روحي اسألها ولما رجع كان مبتسم قال مافي شي
قلنا اللهم اجرنا في مصيبتنا واخلف لنا خيرآ منها

الحمدلله ربي ثبتني والله الدمعه مانزلت من عيني عكس زوجي اللي بان على وجهه تفاصيل مافهمتها قلت شفيك لا تضايق عمرك هذا رزق ومتى ربي بيقسمه لنا بيجي ارتااااااح قال والله ماتوقعتك كذا
خفت من ردة فعلك
يابنات والله الرضى بالقدر والرضا بما قسمه ربي للانسان شي صعب اني اوصفه
الحمدلله
طولت السالفه بس حبيت اوصل للجميع ان الصبر اجرررررررررررره كبييييييييره الله يعين ويرزقنا اجمعين بالحمل الطبيعي
اللهم آآآآآآآآآآآآآآآآمين
والحمدلله نزلت الدوره العصر

انتهى!!!!

 

[{ انعم دفشة ~]

الله يعوووضج خييير ويرزقنا وياج عاجلا غير اجلا

لا تنسين حبيبتي وعسى ان تكرهو شيئا وهو خير لكم

خلج واثقه ان رب العالمين بيعوضج وبيرزقجمن بابه الواسع واكثري من الاستغفار

وان شاء الله اتبشرينا بحملج هالشهر

 

[مارغريتا]

الله يعوضج يااااارب ويرزقج بالذريه الصالحه بإذنه

 

[كميثره]

الله يعوضج ان شاءالله

 

[جبنة بيضة]

الله يعوض صبرج خير خير و أجر الصابرين كبير و بإذن الله تحملين طبيعي تري ما في شي بعيد عن رب العالمين بس خلي ارادتج قويه

 

[عيش و مرق]

بيرزقج الله كونى على ثقه بهشي انا متاكده بتيبين عيال وبتترسين البيت ان شاء الله باذن واحد احد


.......ولسوف يعطيك ربك فترضى ........ان مع العسر يسرا ان مع العسر يسرا .......الله كريم حبيبتى هذه كله اختبار يشوفج ربج حمدتيه وشكرتيه
وله جزعتى من اختباره لج ....يارب انك تعطيها وترزقها من حيث لاتعلم عاااااااااجل غير اجل يارب

 

[سمسومه الحبوبه]

الله ياجرك ويرزقك يالذريه الصالحه المتعافيه عاجلا غير اجل
والله حاسه فيك الله يثبتك يالله جعلها اخر دوره وعقبها حمال يوسع صدرك ويسر خاطرك انه على كل شي قدير
من دون عمليات ولا ادويه

 

[@ام يوسف@]

والله العظيم من حطيتي الموضوع وانا احاتيج وافكر فيج وكل يوم ادخل قسم تاخر الانجاب علشان انطر تحليلج والله كريم يرزقج بالحمل الطبيعي يارب اللهم آمين يارب العالمين

 

[hazel eyes]

الله يرزقج من واااسع رزقه حتى تررضين ويرزقنا وجميع بنات هالقسم

 

[بنت ذآك الأمير!]

الله ياجرج يآرب ويعوضج خييييييييييير ويصبرج يارب

 

[قلب مغليك]

الله يرزقج يارب ويسرلج الخيره يارب

 

[الفيروزيه]

تدرين اني اقرى كلامج ودموعي علا خدي

تدرين ..... صارلي فترة اقول توني صغيره والبيبي مسؤوليه وانا موقدها اكبر شوي وبعدين ربي بيرزقني

طلعت اجذب علا نفسي
كل اللي تزوجي بعدي عندهم جهال
اللهم لاعترااض والله يرزقهم ويبارك لهم
بس انا احس بفراااغ كبير بحيااتي
لله الحمد مرتاحه بس ابي احمل ابي اجيب بيبي خاص لي اهتم فيه وينادوني يام فلان علا اسمه
انا راضيه بقسمه الله بس احس اني موصريحه مع نفسي ولا مقنعه نفسي
ابي اعيش بجو مومثل مجتمعنا
الكل يسال ...... كان ماعندهم الا انا
مدري شقول
الحمدلله على كل شي والله يرزق كل محروومه بالذريه الصالحه

 

[shjoonaa]

اختي مريت نفس تجربتج الحمدالله على كل شي الله عوضني

انشاءالله تحملين عن قريب

 

[حجيه هيونه]

يارب

يرزقج الولد الصالح الي يملا حياتج ياااااااااااااااااااااااااارب

 

[مربى و قيمر]

الله يعوضج اختى ويرزقج بالذريه الطيبه عاجلا غير اجلا
حاسه فيج لانى مجربه
والله يرزقنى ويرزقج

 

[~{.. روج احمر]

الحمد الله .. وبشر الصابرين الذين اذا اصابتهم مصيبه قالوا ان لله وان اليه راجعون

يارب يعوضج خير يارب ويثبتج

 

[nono93]

الله يرزقج الله يرزقج الله يرزقج


ياعمري خلي ثقتج بالله قوووووويه


على طولاستغفري

واقري البقره كل يوووووم

انتي وزوجج وادعي لربج

وقومي بليل وصلي لربج

 

[ام دليار]

الله يرزقك ويرزقنا يارب وكل محروم

 

[lovemyself]

لا حول ولا قوة الا بالله
الله يجبر بخاطرج حبيبتى ميخالف الله كريم والله جربنا وعارفه انا شعورج بالضبط ولا يكون عبالج بس انتى شوفينا جم وحدة مرت بحالتج وفاهمين شعوووووووورج يا بعد قلبى الله لا يحرمج الضنا يارب لا يضيق خلقج حبيبتى مسحى دموعج الله كريم انا بدعيلج ولا تياسين ترى كلنا بالهوا سوا احنا خواتج ونحس فيج لا تحسبين انج وحيدة ميخالف هذا انشالله مكتوب لج اجر تصبرى والله ما يضيع تعبج

 

[ice-moon]

يابعد عمري الله يعوضج بتوأم بصحه وعافيه يارب


بس حبيبتي لازم تحسنين الظن بالله سبحانه وتعالى

لانه بيده ملكوت السموات والارض هو القادر على كل شي

سبحانه الرزاق الوهاب اللطيف الرؤووووف



حبيبتي كثري صدقاااات

قيام الليل صدددقيني قومي صلي بليل لو ركعتين وختميها شفع وتر وادعي بصلاة الوتر من قلب خاااشع وامله كبير بالله وصدقيني بتبشرينه بخبر حملج قريب

الاستغفاااار حاولي تستغفرين اكثر من ألف مرة باليوم

وقراءة القرآن

اذكار الصباح والمساء والنوم


واسعي وعالجي وشوفي البشاره قريب بإذن الله الواحد الاحد


صدقيني جربي اللي قلت لج عليه اذا الضنى غالي عندج طبقي الخطوات البسيطه

لانه ربنا سبحانه قال بمعنى الحديث

من تقرب مني شبر اتقرب له ذراااع


تقربي من رب العالمين

ربي يرزقنا ويرزقكم الذريه الصالحه